ÏOANNIS 7:39 - Khasi CL Bible (BSI)

³⁹ U Jisu u la kren ïa kane shaphang U Mynsiem, uba kito kiba la ngeit ha u kin ïohpdiang. Ha kata ka por ïa U Mynsiem ym pat shym la ai, namar ïa U Jisu ym pat shym la kyntiew sha ka burom.

KA BAIBL

³⁹ (Hynrei, ïa kane u la kren shaphang U Mynsiem ïa uba kita kiba ngeit ha u kin sa pdiang: namar ym pat shym la ai ïa U Mynsiem Bakhuid, naba ym pat shym la pyndonburom ïa U Jisu.)

ÏOANNIS 7:39 Mawu Ofanana

SALM 68:18

U kiew sha kiba kynjang, u da ïalam bad u shibun ki koidi; u pdiang ki jingai sngewbha na ki briew kiba ïeng ïaleh pyrshah. U Trai U Blei un ïoh shong hangta.

PROBERB 1:23

Shahshkor haba nga mai tyngeh ïa phi; ngan ai ïa phi ïa ki jinghikai kiba bha bad ngan ïathuh lang ïa ka jingtip jong nga bad phi.

ISAÏAH 12:3

Kumba ka um kaba sngur ka wanrah jingkmen ïa uba sliang, kumta ki briew jong U Blei kin shadkmen haba u pyllait im ïa ki.”

ISAÏAH 32:15

Hynrei sa shisien pat U Blei un phah ha ngi ïa U Mynsiem jong u. Ka jaka shrah kan sa kylla seisoh, bad ki lyngkha kin sa pynmih ki jingbam kyrhai.

ISAÏAH 44:3

“Ngan ai um ïa ka ri basliang bad pynlong ïa ki wahduid ban tuid ha ka khyndew ba-tyrkhong. Ngan theh noh ïa U Mynsiem jong nga ha ki khun jong phi bad ka jingkyrkhu jong nga ha ki khun ki ksiew jong phi.

JOEL 2:28

“Hadien ngan sa theh ïa U Mynsiem jong nga ha uwei pa uwei: Ki khun shynrang bad ki khun kynthei jong phi kin pynbna ïa ka khubor jong nga; ki tymmen shynrang kin don ki jingphohsniew, bad ki samla shynrang jong phi kin ïohi ki jingïohipaw.

MATHAÏOS 16:14

“Katto katne ki ong u Ïoannis u Nongpynbaptis,” ki la jubab. “Kiwei pat ki ong u Elijah, katba kiwei pat ki ong u Jeremaïah lane uwei pat u nongïathuhlypa.”

MATHAÏOS 21:11

“Une u long uta U Jisu u nongïathuhlypa, uba na Nasareth ha Galilaïa,” ki paidbah ki la jubab.

LOUKAS 24:49

Bad nga hi ngan phah halor jong phi ïa kaei kaba U Kpa jong nga u la kular. Hynrei phi dei ban ap ha ka nongbah tad ynda ka bor ba najrong ka wan hiar halor jong phi.”

LOUKAS 3:16

Kumta u Ïoannis u la ong ha ki baroh, “Nga pynbaptis ïa phi da ka um, hynrei don uwei pat uba wan uba kham khraw ban ïa nga. Ngam long uba bit wat ban loit ïa ki juti jong u. Un pynbaptis ïa phi da U Mynsiem Bakhuid bad da ka ding.

LOUKAS 7:16

La pyndap ïa ki baroh da ka jingsheptieng bad ki la ïaroh ïa U Blei. “U nongïathuhlypa uba khraw u la mihpaw hapdeng jong ngi!” ki la ong; “U Blei u la wan ban pynim ïa ki briew jong u!”

ÏOANNIS 1:21

“Te, me dei uei?” ki la kylli, “Hato me dei u Elijah?” “Em, ngam dei,” u Ïoannis u la jubab. “Hato me dei u nongïathuhlypa?” ki la kylli. “Em,” u la jubab.

ÏOANNIS 1:33

Ngam pat shym la tip hi ba u dei ma u, hynrei U Blei, uba la phah ïa nga ban pynbaptis da ka um, u la ong ha nga, ‘Men sa ïohi ïa U Mynsiem ba u hiar bad u shongsah ha u briew; u dei uta, uba pynbaptis da U Mynsiem Bakhuid.’

ÏOANNIS 12:16

Ki synran jong u kim shym la sngewthuh ïa kane ha kata ka por; hynrei ynda haba la pyndonburom ïa U Jisu, ki la kynmaw ba ka Jingthoh Bakhuid ka la ong ïa kane shaphang jong u bad ki la leh ïa kane na ka bynta jong u.

ÏOANNIS 12:23

U Jisu u la jubab ïa ki, “Ka kynta ka la poi mynta ïa U Khun U Briew ban ïohpdiang ïa ka burom kaba khraw.

ÏOANNIS 14:13

Bad ngan leh ïa kano kano kaba phi pan ha ka kyrteng jong nga, khnang ba ïa ka burom U Kpa yn ïoh pynpaw lyngba U Khun.

ÏOANNIS 14:26

Uta U Nongïarap, U Mynsiem Bakhuid, ïa uba U Kpa un phah ha ka kyrteng jong nga, un hikai ïa phi ïa kiei kiei baroh bad un pynkynmaw ïa baroh kaba nga la ïathuh ha phi.

ÏOANNIS 16:14

Un ai burom ïa nga, namar un shim ïa kaei ba nga ong bad ïathuh ïa ka ha phi.

ÏOANNIS 16:7

Hynrei nga ïathuh ha phi ïa ka jingshisha: Ka kham bha ïa phi ba nga leit noh, namar lada ngam leit noh, U Nongïarap un ym wan sha phi. Hynrei lada nga leit noh, te ngan phah ïa u sha phi.

ÏOANNIS 17:1

Hadien ba U Jisu u la dep ong ïa kane, u la khmied sha bneng bad u la ong, “Ko Pa, ka kynta ka la poi. To ai ka burom ïa la U Khun, ba U Khun un ïoh ban ai ka burom ïa me.

ÏOANNIS 17:5

Ko Pa! To ai ka burom ïa nga ha khmat jong me mynta, kajuh ka burom kaba nga la don lem bad me ha shuwa ban pynlong ïa ka pyrthei.

ÏOANNIS 20:22

Nangta u la pyrsad halor jong ki bad u la ong, “To pdiang ïa U Mynsiem Bakhuid.

ÏOANNIS 6:14

Haba ki paidbah ki la ïohi ïa kane ka kambah kaba U Jisu u la leh, ki la ong, “Da shisha une u long u nongïathuhlypa, uba la dei ban wan sha ka pyrthei!”

ÏOANNIS 7:12

Ka la don ka jingïa-pasiaw kaba jur shaphang jong u hapdeng u paidbah. “U long u briew uba bha,” don kiba la ong. “Em,” kiwei ki la ong, “u ïalam bakla ïa ki briew.”

ÏOANNIS 8:54

U Jisu u la jubab, “Lada nga wad burom ïa lade, kata ka burom kam dondor ei ei. Uta uba burom ïa nga u long U Kpa jong nga — uta ïa uba phi ong ba u dei U Blei jong phi.

KI KAM 19:2

bad u la kylli ïa ki, “Hato phi la ïohpdiang ïa U Mynsiem Bakhuid haba phi la long kiba ngeit?” “Ngim pat ju ïohsngew ba don U Mynsiem Bakhuid,” ki la jubab.

KI KAM 2:17

“ ‘Kane ka long kaei kaba ngan leh ha ki sngi bakhatduh, U Blei u ong: Ngan theh noh ïa U Mynsiem jong nga halor uwei pa uwei baroh. Ki khun shynrang bad ki khun kynthei jong phi kin pynbna ïa ka khubor jong nga; ki samla shynrang jong phi kin ïohi ki jingïohipaw, bad ki rangbah ba la tymmen jong phi kin ïoh ki jingphohsniew.

KI KAM 2:33

La kyntiew ïa u sha ka liang kamon jong U Blei, U Kpa jong u, bad u la ïohpdiang na u ïa U Mynsiem Bakhuid, kumba u la lah kular. Kaei kaba phi ïohi bad ïohsngew mynta ka long ka jingai sngewbha kaba u la theh noh ha ngi.

KI KAM 2:38

U Petros u la ong ha ki, “Uwei pa uwei na phi u dei ban phai noh na ki pop jong u bad ba yn pynbaptis ha ka kyrteng jong U Jisu Khrist, khnang ba yn map ïa ki pop jong phi, bad phin ïohpdiang ïa U Mynsiem Bakhuid uba long ka jingai jong U Blei.

KI KAM 2:4

La pyndap ïa ki baroh da U Mynsiem Bakhuid bad ki la sdang ban kren ha kiwei pat ki ktien, kat kumba U Mynsiem u pynlah ïa ki ban kren.

KI KAM 3:13

U Blei jong u Abraham, u Isaak, bad jong u Jakob, U Blei ki kpa tymmen jong ngi, u la ai ïa ka burom ba kynja blei ha U Jisu u shakri jong u. Hynrei phi la aiti ïa u ha ki bor synshar, bad phi la kyntait ïa u ha khmat u Pilat, wat hadien ba u Pilat u la rai ban pyllait noh ïa u.

KI KAM 4:31

Haba ki la dep duwai, ka jaka ha kaba ki la ïakynduh ka la khynñiuh. La pyndap ïa ki baroh da U Mynsiem Bakhuid bad ki la sdang ban pynbna ïa ka khubor U Blei da ka jingshlur.

Ka Shithi U Paul Sha Ki Nong Rom 8:9

Hynrei phim im kumba ka jinglong ba kynja doh jong phi ka ong ïa phi ban leh; pynban, phi im kumba U Mynsiem u ong ïa phi ban leh — lada, shisha, U Mynsiem U Blei u don hapoh jong phi. Uno uno u bym don ïa U Mynsiem jong U Khrist, um long u jong u.

2 KORINTH 3:8

Lada kata ka Hukum, kaba wallam ïa ka jingïap haba la pyntreikam ïa ka, ka la wan ha kat kata ka burom, kaba katno tam ka burom kaba kham khraw ka long kata ka jingtrei jong U Mynsiem!

EPHESOS 4:30

Bad to wat pynsngewsih ïa U Mynsiem Bakhuid jong U Blei; naba U Mynsiem u long ka dak jong ka jinglong trai jong U Blei ïa phi, ka jingbahkhlieh ba ka Sngi kan poi haba U Blei un pyllaitluid ïa phi.