ÏOANNIS 7:33 - Khasi CL Bible (BSI)

³³ U Jisu u la ong, “Ngan don bad phi tang shipor, bad nangta ngan sa leit noh sha uta uba la phah ïa nga.

KA BAIBL

³³ Namar kata, U Jisu u la ong, “Shibit arbit nga dang don lem bad phi, te ngan sa leit noh sha uta uba la phah ïa nga;

ÏOANNIS 7:33 Mawu Ofanana

MARKOS 16:19

Hadien ba U Trai Jisu u la lah kren bad ki, ïa u la shim noh sha bneng bad u la shong ha ka liang kamon jong U Blei.

ÏOANNIS 13:1

Ka la dei shi sngi ha shuwa ka Jingkhawai Niam Ka Jinglait. U Jisu u la tip ba ka kynta ka la poi ban iehnoh ïa kane ka pyrthei bad ban leit sha U Kpa. U la ju ieit borabor ïa kito kiba ha ka pyrthei kiba long ki jong u hi, bad u la ieit ïa ki haduh kaba kut.

ÏOANNIS 13:3

U Jisu u la tip ba U Kpa u la ai ha u ïa ka bor baroh; u la tip ba u la wan na U Blei bad ba un sa leit sha U Blei.

ÏOANNIS 13:33

Ko ki khun jong nga, ngan ym don shuh bad phi slem nangne. Phin ïawad ïa nga; hynrei nga ïathuh ïa phi mynta ïa kaei kaba ba nga la ïathuh ha ki nongsynshar jong ki Jiw, ‘Phim lah ban leit shano sha ba nga ngan leit.’

ÏOANNIS 14:12

Nga ïathuh ha phi ïa ka jingshisha: Uno uno uba ngeit ha nga un leh ïa kaei kaba nga leh — ho-oid, un leh wat ïa ki kiei kiei kiba kham khraw, namar ngan leit sha U Kpa.

ÏOANNIS 14:19

Sa tang shipor ka pyrthei kan ym ïohi shuh ïa nga, hynrei phin ïohi ïa nga; bad namar ba nga im, phi ruh phin ïoh im.

ÏOANNIS 14:28

Phi la ïohsngew ïa nga ba nga ong ha phi, ‘Ngan sa leit noh, hynrei ngan sa wan pat sha phi.’ Lada phi la ieit ïa nga, phin kmen namar ba ngan sa leit sha U Kpa; naba u long kham khraw ban ïa nga.

ÏOANNIS 16:10

ki bakla shaphang kaei kaba dei, namar ba ngan leit sha U Kpa bad phin ym ïohi shuh ïa nga;

ÏOANNIS 16:28

Nga la wan na U Kpa, bad nga la wan sha ka pyrthei; bad mynta ngan sa iehnoh ïa ka pyrthei bad ngan leit sha U Kpa.”

ÏOANNIS 16:5

Hynrei mynta ngan leit noh sha uta uba la phah ïa nga, pynban ym don uwei ruh na phi uba kylli ïa nga shaei ba ngan leit.

ÏOANNIS 17:11

Bad mynta nga wan noh sha me; ngam don shuh ha kane ka pyrthei, hynrei ma ki, ki don ha ka pyrthei. Ko Pa Bakhuid! To ri kyndong ïa ki da ka bor ka kyrteng jong me, ka kyrteng kaba me la ai ha nga, ba kin ïoh long kawei kumba ma me bad nga ngi ïalong kawei.

ÏOANNIS 17:13

Bad mynta nga wan noh sha me, bad nga ong ïa kine kiei kiei ha ka pyrthei khnang ba kin lah ban ïoh ïa ka jingkmen jong nga ha ki dohnud jong ki ha ka jingdap pura baroh.

ÏOANNIS 20:17

“Wat ktah ïa nga,” U Jisu u la ong ha ka, “namar ngam pat shym la leit kiew sha U Kpa. Hynrei khie leit sha ki para jong nga bad ïathuh ïa ki ba ngan leit phai sha u, uba long U Kpa jong nga bad U Kpa jong ki, U Blei jong nga bad U Blei jong ki.”

ÏOANNIS 9:4

Katba ka dang don ka sngi, ngi dei ban trei ïa ka kam jong uta uba la phah ïa nga; ka miet ka wan haba ym don uba lah ban trei.