ÏOANNIS 6:2 - Khasi CL Bible (BSI)

² U paidbah byllien u la bud ïa u, namar ba ki la ïohi ïa ki kambah jong u ha kaba pynkhiah ïa kito kiba pang.

KA BAIBL

² Bad u paidbah babun u la bud ïa U, naba ki la ïohi ïa ki kambah kiba U la leh ha ki bapang.

ÏOANNIS 6:2 Mawu Ofanana

MATHAÏOS 12:15

Haba U Jisu u la ïohsngew shaphang ka jingïasylla pyrshah ïa u, u la leit noh na kata ka jaka, bad bun ki briew ki la bud ïa u. U la pynkhiah ïa kito baroh kiba pang

MATHAÏOS 13:2

Ki paidbah kiba la ïalum sawdong ïa u, ki la bun katta katta haduh ba u la kiew halor ka lieng bad u la shong ha ka, katba ki paidbah ki la ïeng harud duriaw.

MATHAÏOS 14:14

U Jisu u la hiar na ka lieng, bad haba u la ïohi ïa u paidbah babun, ïa ka dohnud jong u la pyndap da ka jingisynei ïa ki, bad u la pynkhiah ïa kito kiba la pang.

MATHAÏOS 8:1

Haba U Jisu u la wan hiar na u lum, ki paidbah babun ki la bud ïa u.

MARKOS 1:45

Hynrei uta u briew u la leit bad u la sdang ban pynphriang ïa ka khubor kylleng. Ha ka jingshisha, u la ïathuh ha baroh haduh ba U Jisu um lah shuh ban rung shapoh shnong ha kaba paw paidbah. Hynrei, U la shong noh ha ki jaka kynjah, bad ki briew ki la ïawan sha u na kylleng.

MARKOS 6:33

Kumno re kumno, la don bun ki briew kiba la ïohi ïa ki ba ki leit bad ki la tip shisyndon ba ki long kiei; kumta ki la ïaleit na baroh ki shnong bad mareh na ryngkew bad ki la poi ha ka jaka shuwa ïa U Jisu bad ki synran.

ÏOANNIS 11:47

Kumta ki Pharisi bad ki rangbah lyngdoh ki la lum ïa ka dorbar bad ki la ong, “Ngin ïaleh kumno? Peit ïa ki kambah baroh kiba une u briew u la leh!

ÏOANNIS 12:18

Dei na kata ka daw balei ba u paidbah u la ïakynduh ïa U — namar ba ki la ïohsngew ba U la leh ïa kane ka kambah.

ÏOANNIS 12:37

Wat la U Jisu u la leh ïa kine ki kambah baroh ha khmat jong ki, kim shym la ngeit ha u, ba yn pyndep ïa kaei kaba u Isaïah u nongïathuhlypa u la ong ba kan long shisha:

ÏOANNIS 2:11

U Jisu u la leh ïa kane ka kambah kaba nyngkong ha Kana ha Galilaïa; hangta, u la pynpaw ïa ka burom jong u, bad ki synran jong u ki la ngeit ha u.

ÏOANNIS 2:23

Katba U Jisu u dang don ha Jerusalem ha ka por ka Jingkhawai Niam Ka Jinglait, shibun ki la ngeit ha u haba ki la ïohi ïa ki kambah kiba u la leh.

ÏOANNIS 20:30

Ha ka jingïadon ryngkat ki synran jong u, U Jisu u la leh shibun kiwei pat ki kambah ïa kiba ym shym la thoh ha kane ka kitab.

ÏOANNIS 3:2

Ha kawei ka miet, une u la leit sha U Jisu bad u la ong ha u, “Ko Rabbi, ngi tip ba me long u nonghikai ïa uba la phah da U Blei. Ym don uno uno uba lah ban leh ïa ki kambah kiba me leh lymda U Blei u don ryngkat bad u.”

ÏOANNIS 6:14

Haba ki paidbah ki la ïohi ïa kane ka kambah kaba U Jisu u la leh, ki la ong, “Da shisha une u long u nongïathuhlypa, uba la dei ban wan sha ka pyrthei!”

ÏOANNIS 6:22

Ha ka sngi kaba bud, ki paidbah kiba la sah ha kawei pat ka liang jong ka duriaw ki la sngewthuh shai ba la don tang kawei ka lieng hangta. Ki la tip ba U Jisu um shym la kiew ha ka lem bad ki synran jong u, hynrei ba ki la leit noh khlem ma u.

ÏOANNIS 6:26

U Jisu u la jubab, “Nga ong ha phi ïa ka jingshisha: Phi ïawad ïa nga namar ba phi la bam ïa u kpu bad phi la ïoh baroh kaba phi kwah, ym namar ba phi la sngewthuh shai ïa ki kambah jong nga.

ÏOANNIS 6:30

Ki la phai ktien, “Ka kambah aïu men leh ba ngi lah ban ïohi ïa ka bad ngeit ha me? Kaei ba men leh?