ÏOANNIS 4:24 - Khasi CL Bible (BSI)

²⁴ U Blei u long U Mynsiem, bad tang ha ka bor U Mynsiem jong u ba ki briew ki lah ban mane ïa u kumba u long hi.”

KA BAIBL

²⁴ U Blei u long U Mynsiem, te ka dei ïa kiba mane ïa u, ban mane ha ka mynsiem bad ha kaba shisha.”

ÏOANNIS 4:24 Mawu Ofanana

SALM 145:18

U long hajan kito kiba khot kyrpad ïa u, kiba khot kyrpad ïa u da ka dohnud kaba beit.

SALM 50:23

Kaba ai ïa ka jingsngewnguh ka long ka jingkñia kaba pyndonburom ïa nga, bad da shisha ngan pynim ïa baroh kiba kohnguh ïa nga.”

SALM 51:17

Ka jingkñia jong nga ka long ka mynsiem kaba sngewrit, A Blei; men ym kyntait ïa ka dohnud kaba sngewrit bad ba la kylla-kaba-mut.

SALM 66:18

Lada ngam shym la suidñiew ïa ki pop jong nga, U Trai un ym jin da la shahshkor ïa nga.

ISAÏAH 57:15

“Nga long U Blei uba khraw bad uba khuid, uba im shi junom. Nga shong ha ki jaka kiba jrong bad kiba khuid, bad nga im ruh bad ki briew kiba sngewrit bad kylla-kaba-mut, kumta ba ngan pynïoh biang ïa ka jingsngewskhem bad ka jingkyrmen jong ki.

ÏOANNIS 4:23

Hynrei ka por ka poi bad ka la lah long mynta, haba ha ka bor jong U Mynsiem U Blei ki briew kin mane ïa U Kpa kumba u long hi, da kaba ai ha u ïa ka jingmane kaba shisha kaba u dawa.

2 KORINTH 1:12

Ngi sngewsarong ba ka jingïatiplem jong ngi ka pynskhem ïa ngi ba ka jingim jong ngi ha kane ka pyrthei, bad khamtam eh ba ki jingïadei jong ngi bad phi, la pynïaid da kata ka jingkhuid bad ka jingsngur kaba na U Blei, da ka bor ka jingaiei U Blei bad ym da ka jingstad briew.

2 KORINTH 3:17

Mynta, “U Trai” ha kane ka jingthoh u long U Mynsiem; bad hangno haba U Mynsiem jong U Trai u don, hangta ka don ka jinglaitluid.

PHILIPPI 3:3

Dei ma ngi, ym ma ki, kiba la ïohpdiang ïa ka jingotsher kaba shisha, naba ngi mane ïa U Blei da U Mynsiem jong u bad ngi lehkmen ha ka jingim jong ngi ha U Khrist Jisu. Ngim buh ïa kano kano ka jingshaniah ha ki jinglehniam kiba shabar.

1 TIMOTHI 1:17

Ha u Syiem bymjukut, u bymïap shuh bad u bym lah ban ïohi, uba tang ma u hi U Blei — ha u to long ka jingpyndonburom bad ka burom junom la junom! Amen.

1 SAMUEL 16:7

Hynrei U Trai u ong ha u, “Wat pynleit jingmut katno u jrong ka rynïeng bad katno u bhabriew, namar nga la kyntait ïa u; naba ngam bishar kumba bishar ki briew. U briew u peit ïa ka dur kaba shabar, hynrei nga, nga peit ïa ka dohnud.”