ÏOANNIS 19:29 - Khasi CL Bible (BSI)

²⁹ La don ka pliang hangta, kaba dap da ka waiñ ka bym bha; kumta la wieh ïa spoiñ ha ka waiñ, la teh ha ka khum Hissop, bad la kyntiew ha ki rmiang shyntur jong u.

KA BAIBL

²⁹ Te la buh u khiew ba-dap da ka bajew hangta; te haba ki la ïa-pyndap ïa u spanj da ka bajew, bad haba ki la ïabuh ha u Hyssop, ki la kyntiew ha ka shyntur jong u.

ÏOANNIS 19:29 Mawu Ofanana

1 SYIEM 4:33

U kren shaphang ki dieng bad ki jingthung, naduh ki dieng Kedar Lebanon haduh u Hissop uba mih halor kynroh; u la kren shaphang ki mrad, ki sim, ki bseiñ, bad ki dohkha.

SALM 51:7

Weng noh ïa ka pop jong nga, bad ngan long khuid; sait ïa nga, bad ngan kham lieh ïa ka ïor.

EKSODOS 12:22

Shim shi song u Hissop bad wieh ïa u ha ka pliang kaba don ïa ka snam jong uta u mrad, bad tah ïa kata ka snam ha ki shawkad bad ha u bim ha khlieh ka jingkhang ïing jong phi. Uwei ruh um bit ban mih shabar na ïing haduh mynstep.

JINGKHEIÑ 19:18

Ha ka bynta kaba nyngkong u briew uba khuid kat kum ka jinglehniam un shim ïa u tnat Hissop, un wieh ïa u ha kata ka um, bad un synreit ha kata ka ïingjaiñ, ha ki jingbuh jingsat baroh, bad ha ki briew kiba don hangta. Ha ka bynta kaba ar, uta uba khuid kat kum ka jinglehniam un synreit ïa kata ka um ha kita kiba la ktah ïa ka shyieng briew, lane ïa ka metïap, lane ïa ka jingtep.

MATHAÏOS 27:34

Hangta ki la tyrwa ïa U Jisu ka waiñ ba la khleh bad ka kynja bakthang; hynrei hadien ba u la mad ïa ka, um treh dih.

MATHAÏOS 27:48

Uwei na ki u la mareh shisyndon, u la shim ïa u spoiñ, u la pynngam ïa u hapoh ka waiñ ka bym bha, u buh ïa u ha tduh jong u dieng, bad u la pyrshang ban pyndih ïa u.

MATHAÏOS 27:50

U Jisu u la lynñiar biang bad u la ring pynhiar mynsiem khatduh.

MARKOS 15:36

Uwei na ki u la mareh bad u spoiñ ba la wieh ha ka waiñ bym bha, bad ba la teh ïa u ha tduh jong u dieng. Nangta u la rah shalor ha ki rmiang shyntur U Jisu bad u la ong, “To ap, ngin ïakhmih la u Elijah un wan ban pynhiar ïa u na ka diengphna!”

LOUKAS 23:36

Ki shipai ruh ki la krenbeiñ ïa u: Ki la wan sha u bad ki la tyrwa ha u ïa ka waiñ bym bha, bad ki la ong,