ÏOANNIS 19:24 - Khasi CL Bible (BSI)

²⁴ Ki shipai ki la ong para ma ki, “To ngin ym tar pynkad ïa ka, to ngin ïakynting sbai ban shem mano ba ïoh ïa ka.” Kane ka la jia khnang ba ka Jingthoh Bakhuid kan urlong shisha: “Ki la pynïabynta ïa ki jaiñ jong nga hapdeng jong ki bad ki la ïakhalai ïa ka jaiñkup jong nga.” Kane ka long kaei kaba ki shipai ki la leh.

KA BAIBL

²⁴ Namar kata, ki la ïa-ong paralok hi, “Ngin ym ïakad ïa ka, hynrei, ngin ïakhalai ïa ka, ka jongno kan long”: ba yn pyndep ïa kata Ka Jingthoh, kaba ong: “Ki la ïabynta ïa ki jaiñkup jong nga hapdeng jong ki, bad ki la ïakhalai ïa ka jingphong jong nga.” Namar kata keiñ, kita ki shipai ki la leh ïa kine kiei kiei ruh.

ÏOANNIS 19:24 Mawu Ofanana

2 SYIEM 15:12

Kumta ïa ka jingkular la pyndep ïa kaba U Trai u la kular ha u syiem Jehu: “Ki khun ki ksiew jong me, haduh ka pateng kaba saw, kin long ki syiem ha Israel.”

SALM 22:18

Ki ïakhalai ïa ki jaiñ jong nga bad ïasam ïa ki hapdeng jong ki.

EKSODOS 28:32

Ka dei ban don ka thliew ha ka jaka ban phrung ïa ka khlieh, bad suh khylliap ïa ka baroh sawdong kumba leh ïa ka jymphong, khnang ba kan ym kad.

ISAÏAH 10:7

Hynrei u patsha jong ka Assyria u don ha ka jingmut ïa ki jingthmu jong u ban leh jubor. U la kut jingmut ban pynjot thiaw ïa shibun ki jaitbynriew.

MATHAÏOS 27:35

Ki la sahnarphna ïa u bad nangta ki la pynbynta ïa ki jaiñ jong u hapdeng jong ki da kaba ïakhalai.

MARKOS 15:24

Nangta, ki la sahnarphna ïa u bad ki la ïabynta ïa ki jaiñ jong u hapdeng jong ki, da kaba ïakynting sbai ban khmih mano ban ïoh ïa kano ka bynta jong ka jaiñ.

LOUKAS 23:34

U Jisu u la ong, “Ko Pa, to map ïa ki! Kim tip ïa kaei kaba ki leh.” Ki la pynbynta ïa ki jaiñ jong u hapdeng jong ki hi da kaba kynting sbai.

ÏOANNIS 10:35

Ngi tip ba ïa kaei kaba ka Jingthoh Bakhuid ka ong, ka long kaba shisha junom; bad U Blei u la khot ïa kito ki briew ki blei, ki briew ha kiba U Blei u la ai ïa ka khubor jong u.

ÏOANNIS 13:18

“Ngam shym kren shaphang jong phi baroh; nga tip ïa kito kiba nga la jied. Hynrei ka Jingthoh Bakhuid ka dei ban urlong shisha, kaba ong, ‘U briew uba la ïabam lang ïa ka jingbam jong nga u phai pyrshah ïa nga.’

ÏOANNIS 19:28

U Jisu u la tip ba mynta la pyndep ïa kiei kiei baroh; bad khnang ban pynlong ïa ka Jingthoh Bakhuid ban urlong shisha, u la ong, “Nga sliang.”

KI KAM 13:27

Naba ki briew kiba shong ha Jerusalem bad ki nongsynshar jong ki kim tip ba u long U Nongpynim, lymne ba ki la shemphang ïa ki kyntien jong ki nongïathuhlypa ïa kiba la pule man ka sngi Sabbaton. Pynban ki la pynlong ïa ki kyntien jong ki nongïathuhlypa ban urlong shisha da kaba pynrem ïa U Jisu.