ÏOANNIS 15:25 - Khasi CL Bible (BSI)

²⁵ Kane, pynban, kaba la dei ban jia, khnang ba ïa kaei kaba la thoh ha ka Hukum jong ki kan urlong shisha: ‘Ki la shun ïa nga khlem daw ei ei.’

KA BAIBL

²⁵ Hynrei, kane ka jia, ba yn ïoh pyndep ïa kata ka ktien kaba la thoh ha Ka Hukum jong ki, ‘Ki la shun ïa nga khlem daw.’

ÏOANNIS 15:25 Mawu Ofanana

SALM 109:3

bad ki kren ïa kiei kiei kiba sniew shaphang jong nga, ki pyrshah ïa nga khlem daw.

SALM 35:19

Wat ai ba ki nongshun jong nga, kito ki nongkren shukor, kin risa ha ka jingshahjop jong nga. Wat ai ba kito kiba isih ïa nga khlem daw kin ïoh kynkok da ka jingkmen halor ka jingsngewsih jong nga.

SALM 69:4

Kito kiba isih ïa nga khlem kano kano ka daw ki kham bun ban ïa ki shñiuh ha ka khlieh jong nga. Ki nongshun jong nga ki ïathuh ki jinglamler pyrshah ïa nga; ki long kiba khlaiñ bad ki kwah ban pynïap ïa nga. Ki la pynlong ïa nga ban pynphai ïa kiei kiei kiba ngam shym la tuh.

MATHAÏOS 10:8

To pynkhiah ïa kiba pang, to pynim pat ïa kiba ïap, to pynkhiah ïa kito kiba shitom na ki jingpang 'ñiangthohlieh, bad to beh noh ïa ki ksuid. Phi la ïohpdiang ei, kumta to ai ei.

LOUKAS 24:44

Nangta u la ong ha ki, “Kine ki long kita kiei kiei kiba nga la ïathuh ha phi mynba nga dang don lem bad phi: Kaei kaei baroh kaba la thoh shaphang jong nga ha ka Hukum u Moses, ha ki jingthoh jong ki nongïathuhlypa, bad ha Ki Salm ka dei ban urlong shisha.”

ÏOANNIS 10:34

U Jisu u la jubab, “La thoh ha ka hukum jong phi hi ba U Blei u la ong, ‘Phi long ki blei.’

ÏOANNIS 13:18

“Ngam shym kren shaphang jong phi baroh; nga tip ïa kito kiba nga la jied. Hynrei ka Jingthoh Bakhuid ka dei ban urlong shisha, kaba ong, ‘U briew uba la ïabam lang ïa ka jingbam jong nga u phai pyrshah ïa nga.’

ÏOANNIS 19:36

Ïa kane la leh ban pynurlong ïa ka Jingthoh Bakhuid: “Yn ym pynkheiñ ïa kawei ruh na ki shyieng jong u.”

Ka Shithi U Paul Sha Ki Nong Rom 3:19

Mynta ngi tip ba kiei kiei baroh ha ka Hukum ki dei ïa kito kiba im hapoh ka Hukum, khnang ban pynsangeh ïa baroh ki jingaidaw jong ki briew bad wallam ïa ka pyrthei baroh kawei hapoh ka jingbishar U Blei.

Ka Shithi U Paul Sha Ki Nong Rom 3:24

Hynrei da ka jingaiei U Blei, ïa baroh la pynlong ka hok bad u lyngba U Khrist Jisu, uba pyllaitluid ïa ki.

2 KORINTH 11:7

Ngam shym la buh dor ei ei ïa phi haba nga la ïalap ïa ka Khubor Babha jong U Blei ha phi; nga la pynrit ïa lade khnang ban kyntiew ïa phi. Hato nga la leh bakla?

GALATIA 2:21

Ngam treh ban kyntait ïa ka jingaiei U Blei. Hynrei lada la pynksan ïa u briew ha U Blei da ka Hukum, ka mut ba U Khrist u la ïap lehnoh-ei!

2 THESSALONI 3:8

Ngim shym la pdiang ïa ka jingkyrshan jongno jongno khlem da siewdor ïa ka. Pynban, ngi la trei bad minot thop; ngi ïai trei mynsngi bad mynmiet khnang ban ym long ka jingbankhia ïano ïano na phi.

JINGPYNPAW 21:6

Bad u la ong, “La pyndep! Nga long uba nyngkong bad uba khatduh, uba sdang bad uba kut. Ha uno uno uba sliang ngan ai ïa ka hok ban dih na ka umpohliew jong ka um ka jingim khlem da siewdor ïa ka.

JINGPYNPAW 22:17

U Mynsiem bad ka Nongleitkurim ki ong, “To wan!” Uwei uwei baroh uba ïohsngew ïa kane u dei ruh ban ong, “To wan!” To wan, uno uno uba sliang, to pdiang ïa ka um ka jingim kum ka jingai sngewbha, uno uno uba kwah ïa ka.