ÏOANNIS 14:30 - Khasi CL Bible (BSI)

^30-31 Ngam lah ban kren bad phi kham slem, namar u nongsynshar jong kane ka pyrthei un wan. Um donbor halor jong nga, hynrei, ka pyrthei ka dei ban tip ba nga ieit ïa U Kpa; na kata ka daw balei ba nga leh ïa kiei kiei baroh kumba u hukum ïa nga. “Ale, ïa ngin ïaleit noh na kane ka jaka.

KA BAIBL

³⁰ Ngan ym ïoh ïakren shibun shuh bad phi, namar u syiem jong kane ka pyrthei un wan. Hynrei, um don ei ei ruh em ha nga;

ÏOANNIS 14:30 Mawu Ofanana

LOUKAS 1:35

U angel u la jubab, “U Mynsiem Bakhuid un sa wan ha pha, bad ka bor jong U Blei kan shong halor jong pha. Na kane ka daw, ïa i khunlung bakhuid yn khot U Khun U Blei.

LOUKAS 22:53

Nga la don bad phi ha ka Templ man ka sngi, bad phim shym la pyrshang ban kem ïa nga. Hynrei kane ka dei ka kynta jong phi ban leh, haba ka bor jong ka jingdum ka synshar.”

ÏOANNIS 12:31

Mynta ka dei ka por ba ïa kane ka pyrthei yn bishar; mynta ïa u nongsynshar jong kane ka pyrthei yn pynhiar khet.

KI KAM 1:3

Ha ki sawphew sngi hadien ka jingïap jong u, u la mihpaw bunsien ha ki ha ki rukom kiba la pynshisha khlem jingartatien ba u im. Ki la ïohi ïa u bad u la ïakren bad ki shaphang ka Hima U Blei.

2 KORINTH 4:4

Kim shym la ngeit, namar ba ïa ki jingmut jong ki la kah dum da u blei basniew jong kane ka pyrthei. U khang ïa ki ba kin ïohi ïa ka jingshai kaba tyngshaiñ ha ki, ka jingshai kaba mihnoh na kata ka Khubor Babha shaphang ka burom jong U Khrist, uba long ka dur jong U Blei.

2 KORINTH 5:21

U Khrist u la long uba khlem pop, hynrei na ka bynta jong ngi U Blei u la pynlong ïa u ban don bynta ha ka pop jong ngi khnang ba haba ngi don ha u ngin lah ban ïoh bynta na ka hok U Blei.

EPHESOS 2:2

Ha kata ka por phi bud ïa ka rukom im basniew jong ka pyrthei; phi la kohnguh ïa u nongsynshar jong ki bor mynsiem ha ka haw haw, u mynsiem uba synshar mynta ïa ki briew ki bymkohnguh ïa U Blei.

EPHESOS 6:12

Naba ngim ïaleh pyrshah ïa ki briew hynrei pyrshah ïa ki bor bymman ba kynja mynsiem ha ka pyrthei ba kynja bneng, ki nongsynshar, ki bor synshar, bad ki bor pyrthei jong kane ka juk ba-dum.

KOLOSSAI 1:13

U la pyllait ïa ngi na ka bor jong ka jingdum bad u la wallam ha ka jingsuk ïa ngi sha ka hima jong U Khun ba-ieit jong u,

HEBRU 4:15

U Rangbah Lyngdoh jong ngi um long uta u bym lah ban sngewlem ïa ki jingtlot jong ngi. Pynban, ngi don U Rangbah Lyngdoh uba la shah pynshoi ha kiei kiei baroh kum ma ngi, hynrei u bym shym la leh pop.

HEBRU 7:26

U Jisu, te, u long U Rangbah Lyngdoh uba pynbiang ïa ki jingdonkam jong ngi. U long uba khuid; um shym don kano kano kaba bakla lane ka pop ha u; la pynkyrpang ïa u na ki nongpop bad la kyntiew ïa u sha ki bneng.

1 PETROS 1:19

ka la long ka jingkñia kaba remdor jong U Khrist, uba la long kum u khunlangbrot uba khlem don jingthohbria lane jingduna.

1 PETROS 2:22

Um shym la leh pop, bad ym shym don mano mano ba la ïohsngew ïa ka jinglamler kaba mih na ki rmiang shyntur jong u.

1 ÏOANNIS 4:4

Hynrei ma phi, phi long ki jong U Blei, ko ki khun jong nga, bad phi la jop ïa ki nongïathuhlypa balamler, namar U Mynsiem uba don ha phi, u long uba kham donbor ban ïa u mynsiem ha kito kiba long na ka pyrthei.

1 ÏOANNIS 5:18

Ngi tip ba ym don uno uno napdeng ki khun U Blei uba ïai leh pop, naba U Khun U Blei u sumar ïa u, bad u Basniew um lah ban pynmynsaw ïa u.

1 ÏOANNIS 5:19

Ngi tip ba ngi long ki jong U Blei, wat la ka pyrthei baroh kawei ka don hapoh ka jingsynshar jong u Basniew.

JINGPYNPAW 12:9

Ïa u Ïakjakor uba heh la bret shabar — ïa uta u bseiñ na mynbarim, ïa uba la khot u Ksuid, lane u Soitan, uta uba la shukor ïa ka pyrthei baroh kawei. La bret arsut ïa u sha ka khyndew, bad ïa ki angel baroh jong u lem bad u.