ÏOANNIS 10:27 - Khasi CL Bible (BSI)

²⁷ Ki langbrot jong nga ki shahshkor ïa ka sur jong nga; nga ithuh ïa ki, bad ki bud ïa nga.

KA BAIBL

²⁷ Kita ki langbrot jong nga ki sngap ïa ka ktien jong nga; ma nga te nga ithuh ïa ki, bad ki ïabud ïa nga;

ÏOANNIS 10:27 Mawu Ofanana

1 SYIEM 18:21

U Elijah u leit sha u paidbah bad ong, “Sa katno slem ba phin pynbeit ïa ki jingmut jong phi? Lada U Trai u dei U Blei, mane ïa u; hynrei lada u Baal u dei U Blei, mane ïa u!” Hynrei u paidbah u la shu sngap jar.

ISAÏAH 66:22

“Kumba ka khyndew bathymmai bad ki bneng kiba thymmai, kin ïaisah da ka bor jong nga, kumta ruh ki khun ki ksiew jong phi bad ka kyrteng jong phi kin ïaisah.

MATHAÏOS 16:24

Nangta U Jisu u la ong ha la ki synran, “Lada uno uno u kwah ban wan bad nga, u dei ban klet ïa lade, ban bah ïa la ka diengphna, bad bud ïa nga.

MATHAÏOS 17:5

Katba u dang kren, u lyoh uba tyngshaiñ u la wan halor jong ki, bad ka sur na u lyoh ka la ong, “Une u long U Khun uba ieit jong nga, ha uba nga sngewbha eh — to shahshkor ïa u!”

MATHAÏOS 25:12

‘Da lei lei ruh em! ngam ithuh ïa phi,’ u nongleitkurim u la jubab.”

MATHAÏOS 7:23

Nangta ngan ong ha ki, ‘Ngam ju la ithuh ïa phi. Khie leit noh na nga, phi ki briew bymman!’

MARKOS 10:21

U Jisu u la khmih shaiñ ha u da ka jingieit bad u la ong, “Me donkam tang kawei kaei kaei. Khie leit bad die ïa baroh kaba me don bad ai ïa ka pisa ha kiba duk, bad men ïoh ïa ka spah ha bneng; nangta sa wan bad bud ïa nga.”

MARKOS 8:34

Nangta U Jisu u khot ïa u paidbah bad ïa la ki synran sha u. “Lada uno uno u kwah ban wan bad nga,” u la ong ïa ki, “u dei ban klet noh ïa lade, bah ïa la ka diengphna, bad bud ïa nga.

LOUKAS 13:27

Hynrei un ong biang, ‘Ngam ithuh nangno phi ïawan. Khie leit noh na nga, phi baroh ki briew kiba bymman!’

LOUKAS 9:23

Bad u la ong ha ki baroh, “Lada uno uno u kwah ban wan bad nga, u dei ban klet ïa lade, un bah ïa la ka diengphna man ka sngi, bad bud ïa nga.

ÏOANNIS 10:14

Nga, nga long u nongaplangbrot uba bha. Kumba U Kpa u ithuh ïa nga bad nga, nga ithuh ïa U Kpa, ha kajuh ka rukom nga ithuh ïa la ki langbrot bad ki ithuh ïa nga. Bad nga kloi ban ïap na ka bynta jong ki.

ÏOANNIS 10:16

Don kiwei pat ki langbrot ki bym dei na kane ka sem langbrot. Nga dei ban wallam ïa ki ruh; kin shahshkor ïa ka sur jong nga, bad kin ïalong kawei ka kynhun langbrot bad uwei u nongaplangbrot.

ÏOANNIS 10:8

Baroh kita kiwei kiba la wan ha shuwa jong nga ki long ki nongtuh bad nonglute, hynrei ki langbrot kim shym la shahshkor ïa ki.

ÏOANNIS 12:26

Uno uno uba kwah ban shakri ïa nga u dei ban bud ïa nga, khnang ba u shakri jong nga un long lem bad nga hangno hangno ba nga don. Bad u Kpa jong nga un pyndonburom ïa uno uno uba shakri ïa nga.

ÏOANNIS 21:22

U Jisu u la jubab ïa u, “Lada nga mon ïa u ba un im tad ynda nga wan, ka pher aïu ïa me? To bud ïa nga!”

ÏOANNIS 5:25

Nga ong ha phi ïa ka jingshisha: Ba ka por kan poi — ka por ka la lah poi — haba kiba ïap kin ïohsngew ïa ka sur jong U Khun U Blei, bad kito kiba ïohsngew ïa ka kin ïoh im.

ÏOANNIS 8:12

U Jisu u la kren biang ha ki Pharisi. “Nga long ka Jingshai jong ka Pyrthei,” u la ong. “Uno uno uba bud ïa nga un ïoh ïa ka jingshai jong ka jingim bad da lei lei un ym ïaid ha ka jingdum.”

ÏOANNIS 8:43

Balei phim sngewthuh ïa kaei kaba nga ong? Ka long namar ba phim lah shah ban sngap ïa ka khubor jong nga.

KI KAM 3:23

Uno uno u bymkohnguh ïa uta u nongïathuhlypa un shah pynkhlad na ki briew jong U Blei bad un shah pynjot.’

1 KORINTH 8:3

Hynrei ïa u briew uba ieit ïa U Blei la ithuh da u.

GALATIA 4:9

Hynrei mynta ba phi la ithuh ïa U Blei — lane, nga dei ban ong, mynta ba U Blei u la ithuh ïa phi — kumno ka long kata ba phi dang kwah ban phai pat sha kita ki bor mynsiem kiba tlot bad kiba isangsot? Balei phi kwah ban long mraw pat sa shisien ha ki?

2 TIMOTHI 2:19

Hynrei ïa ka nongrim baskhem kaba U Blei u la buh ym lah ban pynkhih; bad halor jong ka la thoh ïa kine ki ktien: “U Trai u ithuh ïa kito kiba dei ki jong u” bad “Baroh kiba ong ba ki dei ki jong U Trai ki dei ban phai noh na kaba leh bymdei.”

HEBRU 3:7

Kumta te, kumba U Mynsiem Bakhuid u ong; “Lada phi ïohsngew ïa ka sur ka jong U Blei ha kane ka sngi,

JINGPYNPAW 14:4

Ki long ki rangbah kiba la ri khuid ïa lade khlem ïathiah shongkha bad ki kynthei; ki long ki rangsotti. Ki bud ïa U Khunlangbrot kat shaba u leit. La siewspah ïa ki napdeng u khunbynriew bad ki long kiba nyngkong ïa kiba la ainguh ha U Blei bad ha u Khunlangbrot.

JINGPYNPAW 3:20

Shahshkor! Nga ïeng ha ka jingkhang bad nga tied; lada uno uno u sngew ïa ka sur jong nga bad plie ïa ka jingkhang, ngan wan rung shapoh ka ïing jong u bad ngan ïabam bad u, bad ma u ruh un ïabam lem bad nga.