HOSIA 6:4 - Khasi CL Bible (BSI)

⁴ Hynrei U Trai u ong, “Ko Israel bad Judah, Kaei kaba ngan leh ïa phi? Ka jingieit jong phi ïa nga ka jah noh shen kum u slap mynstep; ka long kum ka umjer, kaba jah noh shen ha ka sngi.

KA BAIBL

⁴ “Ko Ephraim, ïa-ei ngan leh ïa me? Ko Judah, ïa-ei ngan leh ïa me? naba ka jingbha jong phi ka long kum u lyoh step, bad kum ka umjer kaba duh noh shen.

HOSIA 6:4 Mawu Ofanana

JEREMAÏAH 3:10

Bad hadien kane baroh, ka Judah, ka para bymïaineh jong ka Israel, ka la shu leh mynleh ban wan phai sha nga, kam shym da mut shisha. Ma nga U Trai, nga la kren.”

JEREMAÏAH 3:19

U Trai u ong, “Ko Israel, nga la kwah ban pdiang ïa pha kum u khun jong nga bad ai ha pha ïa ka ri kaba pynkmen, ka ri kaba itynnat tam ha ka pyrthei baroh kawei. Nga la kwah ïa pha ban khot pa ïa nga bad ban ym phai shuh da lei lei na nga.

JEREMAÏAH 34:15

Dang tang khyndiat sngi mynshuwa phi la kylla jingmut bad phi la leh ïa kaei kaba pynsngewbha ïa nga. Baroh na phi, phi la ïamynjur ban pyllaitluid noh ïa la ki para Israel, bad phi la pynlong ïa ka jutang ha ka jingdon ryngkat jong nga, ha ka Templ ha kaba la mane ïa nga.

JEREMAÏAH 5:23

Hynrei ma phi ki briew! Phi long kiba eh ryndang bad kiba ïeng ïaleh pyrshah; phi la phai noh sharud bad iehnoh ïa nga.

JEREMAÏAH 5:7

U Trai u kylli, “Balei ngan map ïa ki pop jong ki briew jong nga? Ki la iehnoh ïa nga, bad ki la mane ïa ki blei ki bymshisha. Nga la bsa ïa ki briew jong nga haduh ba kin da kdang, hynrei ki la leh awria, bad ki la pynlut ïa ka por jong ki bad ki nuti.

JEREMAÏAH 5:9

Hato ngan ym pynshitom ïa ki na ka bynta kine kiei kiei? bad pynhiarkput ïa ka jaitbynriew kaba kum kane?

JEREMAÏAH 9:7

Namar kane U Trai Badonbor Baroh u ong, “Ngan phrang ïa ki briew jong nga kum ïa ka nar bad buh ïa ki ha ka jingtynjuh. Ki briew jong nga ki la leh ïa kaba sniew — sa kaei pat kaba nga lah ban leh bad ki?

HOSIA 11:8

“Kumno nga lah ban ieh ïa phi, ko Israel? Kumno nga lah ban iehnoh ïa phi? Hato ngan pynjot junom ïa phi kumba nga leh ïa ka Admah, lane ngan leh ïa phi kumba nga leh ïa ka Seboiim? Ka dohnud jong nga kan ym shah ïa nga ban leh ïa kata! Ka jingieit jong nga ïa phi ka long khlaiñ haduh katta katta.

HOSIA 13:3

Bad kumta kine ki briew kin sa jah kum u lyoh khyndew mynstep, kum ka umjer kaba jah noh shen dang step phyrngab. Kin long kum u stait ba ka lyer ka rong noh na ka kyntem, kum ka tdem kaba mih na ka dpei.

HOSIA 7:1

“Ha kano kano ka por ba nga kwah ban pynkhiah ïa ki briew jong nga ki Israel bad pynlong ïa ki ban manbha sa shisien pat, baroh kaba nga lah ban ïohi ka long ka jingbymman jong ki bad ka kam sniew kaba ki leh. Ki shukor uwei ïa uwei pat; ki rung jubor ha ki ïing bad ki tuh; ki lute ïa ki briew ha ki lynti bah.

MATHAÏOS 13:21

Hynrei kam shym ngam jylliew hapoh jong ki, bad kim shym neh slem. Kumta haba ka jingjynjar lane ka jingshah pynshitom beiñ ka wan namar ka khubor, ki iehnoh shisyndon.

NONGBISHAR 3:12

Ki paid Israel ki la leh pop biang pyrshah ïa U Trai. Namar kane keiñ U Trai u la pynkhlaiñbor ïa u Eglon u syiem ka Moab ban ïa ki Israel.