HOSIA 5:1 - Khasi CL Bible (BSI)

¹ “To shahshkor ïa kane, phi ki lyngdoh! To pynleit jingmut, phi ki paid Israel! To shahshkor, phi kiba na ka longïing u syiem! La khmih lynti ïa phi ban bishar da ka hok — Kumta ka jingbishar kan wan hap ha phi! Phi la long ka jingriam ha Mispah, ka jar ba la pynap ha u lum Tabor,

KA BAIBL

¹ “To sngew ïa kane, phi ki lyngdoh, bad to sngap, phi ka ïing Israel, bad to shahshkor, ko ïing u syiem, namar ha phi long ka jingbishar; namar phi la long ka jingriam ha Mispah, bad ka jar ba la phriang halor u Tabor.

HOSIA 5:1 Mawu Ofanana

JEREMAÏAH 11:7

Haba nga wallam ïa ki kpa tymmen jong ki na Ijipt, nga la maham kyntang ïa ki ban kohnguh ïa nga, bad nga la ïai maham ïa ki briew tad haduh kane ka sngi.

JEREMAÏAH 13:18

U Trai u la ong ha nga, “To ïathuh ïa u syiem bad ïa ka kmie jong u ban wan hiar na ki khet jong ki, namar ba ki pansngiat ba-itynnat jong ki, ki la hap noh na ki khlieh jong ki.

JEREMAÏAH 46:18

Ma nga, U Trai Badonbor Baroh, nga long u syiem. Nga long U Blei Uba im. Kumba u lum Tabor u ïeng kynjang tam ïa ki lum bad u lum Karmel u ïeng hajrong tam ïa ka duriaw, kumta kan long ka jingkhlaiñ jong uta uba tur ïaleh ïa me.

HOSIA 10:15

Kata ka long kaei ka ban jia ha phi, ki briew ka Bethel, namar ka pop bashyrkhei kaba phi la leh. Mar ïasdang ka thma, u syiem Israel un ïap.”

HOSIA 13:8

Ngan tur ïaleh ïa phi kum ka dngiem kaba la duh ïa la ki khun, bad ngan tar arliang ïa phi. Kum u sing ngan bam ïa phi hangta hi, bad ngan tar ïa phi lyngkhot lyngkhai kum u mradkhlaw.

HOSIA 4:1

U Trai u don ka jingkynnoh pyrshah ïa ki briew kiba shong ha ka ri. To sngap, ko Israel, ïa kaei kaba u ong: “Ym don jingïaineh ne ka jingieit ha ka ri, Bad ki briew kim pdiang ïa nga kum U Blei.

HOSIA 6:9

Ki lyngdoh ki long kum ka kynhun ki nonglute kiba apthap ïa u briew. Wat ha ka lynti sha ka jaka bakhuid ha Shekhem ki pynïap briew. Bad ki leh ïa kane kaba sniew baroh da kaba thmu lypa!

HOSIA 9:8

U Blei u la phah ïa nga kum u nongïathuhlypa ban maham ïa ki briew jong u ki Israel. La katta ruh shano shano ba nga leit, phi pyrshang ban riam ïa nga kum ïa ka sim. Wat ha ka Templ U Blei, ki briew ki dei ki nongshun jong u nongïathuhlypa.

JOEL 1:2

To shahshkor, phi ki briew ba la kham rangbah; phi baroh ha Judah, to shahshkor. Hato kaba kum kane ka la ju jia ha ka por jong phi lane ha ka por ki kpa jong phi?

AMOS 3:1

Ko ki paid Israel, to sngew ïa kane ka khubor kaba U Trai u la kren shaphang jong phi, ka jaitbynriew baroh kawei kaba u la wan ïalam na ka ri Ijipt;

AMOS 7:9

Ïa ki jaka ha kiba ki khun ki ksiew u Isaak ki mane Blei yn sa pynjot noh. Ïa ki jaka kyntang jong ki Israel yn sa iehnoh ha ki jingjot. Ngan wallam ïa ka longïing syiem jong u syiem Jeroboam sha ka jingkut.”

MIKAH 3:1

To shahshkor, phi ki nongsynshar ki Israel! Phi la dei ban sngewkhia shaphang ka jingbishar hok,

MIKAH 3:9

To shahshkor ïa nga, phi ki nongsynshar ki Israel, phi kiba isih ïa ka jingbishar hok bad pynkylla ïa kaba dei sha kaba bakla.

MIKAH 7:2

Ym don shuh u briew uba hok uba dang don ha ka ri, ym don mano mano baïaineh bad U Blei. Uwei pa uwei u ap ïa ka kabu ban pynïap briew. Uwei pa uwei u behmrad ïa la u para shnong.

MALAKHI 1:6

U Trai Badonbor Baroh u ong ha ki lyngdoh, “U khun u burom ïa la u kpa, bad u shakri u burom ïa la u kynrad. Nga long u kpa jong phi — balei phim burom ïa nga? Nga long u kynrad jong phi — balei phim ñiewkor ïa nga? Phi ñiewbeiñ ïa nga, bad pynban phi kylli, ‘Da kumno ngi ñiewbeiñ ïa me?’

MALAKHI 2:1

U Trai Badonbor Baroh u ong ha ki lyngdoh, “Kane ka hukum ka long na ka bynta jong phi:

NONGBISHAR 4:12

Haba u Sisera u tip ba u Barak u la leit kiew sha u Lum Tabor,

NONGBISHAR 4:6

Ha kawei ka sngi ka la phah khot ïa u Barak u khun jong u Abinoam na ka nongbah Kedesh kaba ha Naphtali bad ka ong ha u, “U Trai, U Blei ki Israel, u la ai ha me ïa kane ka hukum: ‘Shim shiphew hajar ngut ki rangbah na ki jait Naphtali bad Sebulun bad ïalam ïa ki sha u Lum Tabor.

1 SAMUEL 7:16

Man ka snem u ju leit sha Bethel, sha Gilgal, bad sha Mispah, bad ha kine ki jaka u pynbeit ïa ki jingïakajia.

1 SAMUEL 7:5

Nangta u Samuel u phah khot ïa ki Israel baroh ban ïashem lang ha Mispah, da kaba ong, “Ngan duwai hangta ha U Trai na ka bynta jong phi.”

1 SAMUEL 7:6

Kumta baroh ki ïalumlang ha Mispah. Ki tong ïa ka um bad ki theh ïa ka kum ka jingainguh ha U Trai bad ki shahjingit baroh shi sngi. Ki ong, “Ngi la leh pop pyrshah ïa U Trai.” Dei ha Mispah ba u Samuel u pynbeit ïa ki jingïakajia hapdeng ki Israel.