HOSIA 3:1 - Khasi CL Bible (BSI)

¹ U Trai u la ong ha nga, “Khie leit biang bad leh-ieit ïa ka briew kaba dang ïaleh nuti bad uba ieit jong ka. Me dei ban ieit ïa ka kumba nga ruh nga dang ieit ïa ki paid Israel, wat la ki phai sha kiwei pat ki blei bad ki ieit ban ainguh ha ki bleithaw da ki soh kismis.”

KA BAIBL

¹ Te U Trai u la ong ha nga, “Nang leit, ieit ïa ka briew ba la ieit da u lok jong ka bad kaba klim ruh, kat kumba U Trai u ieit ïa ki khun Israel, la ki phai sha kiwei pat ki blei, bad ki brai ki kpu soh Khajur.”

HOSIA 3:1 Mawu Ofanana

2 SAMUEL 6:19

bad u sam jingbam sha ki baroh. U ai ha uwei pa uwei u shynrang bad ha kawei pa kawei ka kynthei ha Israel mar uwei u kpu, shi lyngkhot ka doh syang, bad katto katne ki soh kismis. Nangta baroh ki la leit phai sha ïing.

2 SYIEM 13:23

hynrei U Trai u long uba bha bad leh-isynei ïa ki. Um shah ba yn pynjot ïa ki, hynrei u ïarap ïa ki, namar ka jutang jong u bad u Abraham, u Isaak, bad u Jakob. Um pat ju klet ïa la ki briew.

1 KHRONIKL 16:3

U ai ha uwei pa uwei u shynrang bad ha kawei pa kawei ka kynthei ha Israel ïa u kpu bad ka dohthang bad katto katne ki soh Khajur.

NEHEMAÏAH 9:31

Bad pynban, namar ka jingkhraw ka jingisynei jong me, mem shym iehnoh ne pynjot ïa ki. Me long U Blei ka jingaiei bad ka jingisynei!

SALM 123:2

Kumba u shakri u shaniah ha la u kynrad, kumba ka shakri ka shaniah ha la ka kynrad, kumta ngin ïai peit sha me, A Trai U Blei jong ngi, haduh ba men da leh-isynei ïa ngi.

EKSODOS 32:6

Dang step phyrngab ha ka sngi kaba bud, ki la wallam katto katne ki mrad ba yn thang kum ki jingkñia bad ïa kiwei pat ban ïabam kum ki jingainguh ïasyllok. Ki briew ki la ïashong ban ïakhawai, kaba la kylla long ka jingïaleh shongshit ha ka ïadih ïabam bad ïaleh awria.

JINGRWAI SOLOMON 2:5

Pynïoh pat ïa ka jingkhlaiñ jong nga da ki soh kismis bad pynpyngngad ïa nga da ki soh apple! Nga tlot na ka jingkwah palat jong nga.

ISAÏAH 45:22

“To phai sha nga mynta bad ban im, ko ki briew baroh kylleng ka pyrthei! Nga long tang ma nga U Blei.

JEREMAÏAH 3:20

Hynrei kum ka tnga ka bymïaineh, pham shym la ïaineh ha nga. Ma nga, U Trai, nga la kren.”

JEREMAÏAH 31:20

“Ko Israel, phi long u khun ba-ieit eh jong nga, u khun uba nga ieit tam. Man ba nga ong ïa ka kyrteng jong phi, nga pyrkhat shaphang jong phi da ka jingieit. Ka dohnud jong nga ka leit sha phi; ngan isynei ïa phi.

HOSIA 11:8

“Kumno nga lah ban ieh ïa phi, ko Israel? Kumno nga lah ban iehnoh ïa phi? Hato ngan pynjot junom ïa phi kumba nga leh ïa ka Admah, lane ngan leh ïa phi kumba nga leh ïa ka Seboiim? Ka dohnud jong nga kan ym shah ïa nga ban leh ïa kata! Ka jingieit jong nga ïa phi ka long khlaiñ haduh katta katta.

HOSIA 2:5

Ma ka hi ka la ong, “Ngan leit sha kiba ieit ki jong nga — ki pynbiang ïa nga ka jingbam bad ka um, u 'saiwul bad ka jaiñ linen, ka umphniang Olib bad ka waiñ.”

HOSIA 4:11

U Trai u ong, “Ka waiñ, kaba rim bad kaba thymmai ruh, ka pyntlot ïa ka bor pyrkhat ki briew jong nga!

HOSIA 7:5

Ha ka sngi pyndonburom ïa u syiem, ki pynlong ïa u syiem bad ki rangbah synshar jong u ban dih buaid bad leh bieit da ka waiñ.

AMOS 2:8

Ha man ka jaka mane blei ki rangbah ki thiah ha ki jaiñ ïa kaba ki la shim na kiba duk kiba la buh bynda na ka bynta ki ram. Ha ka templ U Blei jong ki, ki dih ïa ka waiñ ba ki la shim na kito kiba ki shah pisa.

AMOS 6:6

Phi dih waiñ na ki khuri ba-dap, bad phi pyndonkam da ki jingsleh kiba kynsai tam, hynrei phim shym ïam sngewsih halor ka jingshah pynjot ki Israel.

MIKAH 7:7

Hynrei ngan ap khmih ïa U Trai; ngan ap skhem ïa U Blei, u ban pyllait im ïa nga. U Blei jong nga un sngew ïa nga.

SEKHARAÏAH 1:16

Kumta nga la wan phai pat sha Jerusalem ban pyn-i jingisynei ïa ka nongbah. Yn pynïeng pat ïa ka Templ jong nga, bad ïa ka nongbah yn tei pat.”

MATHAÏOS 26:50

U Jisu u la jubab, “To pynkloi shaphang jong ka, ko paralok!” Nangta ki la ïawan kiew, ki la kem ïa U Jisu, bad ki la batskhem ïa u.

1 KORINTH 10:21

Phim lah ban dih na ka khuri U Trai bad ruh na ka khuri ki ksuid; phim lah ban ïabam na ka miej U Trai bad ruh na ka miej ki ksuid.

1 KORINTH 10:7

Kumba ka Jingthoh Bakhuid ka ong, “U paidbah u la shong ha ka jingkhawai kaba la kylla long ka jingïadih buaid bad ka jingleh nuti.”

1 PETROS 4:3

Phi la pynlut shibun ka por kaba la leit noh da kaba leh ïa kaei kaba ki bymngeit ki kwah ban leh. Ïa ka jingim jong phi la pynlut ha kaba im awria, jingkwah brai, jingdih buaid, jingleh jakhlia, ki jingïaleh-sngewbha buaid, bad ha ka jingmane ba-ijli ïa ki bleithaw.

NONGBISHAR 10:16

Kumta ki bret noh ïa la ki blei nongwei bad ki la mane ïa U Trai; bad u la pisa halor ka jingjynjar jong ki Israel.

NONGBISHAR 9:27

Baroh ki ïaleit sha la ki bri sohwaiñ bad kheit ïa ki sohwaiñ, ki shna waiñ na ki, bad ki pynlong ka jingïaleh kmen. Ki leit sha ka templ jong u blei jong ki, ha kaba ki la ïabam bad ïadih bad ki krenbeiñ ïa u Abimelekh.