HOSIA 11:9 - Khasi CL Bible (BSI)

⁹ Ngan ym pynshitom ïa phi ha ka jingbitar jong nga; ngan ym pynjot shuh ïa ki Israel. Namar nga dei U Blei bad ym u briew. Ma nga, uta Uba Khuid ngan long bad phi. Ngan ym wan sha phi ha ka jingbitar.

KA BAIBL

⁹ Ngan ym pyndep ïa kaba rhem ka jingbitar jong nga, ngan ym phai ban pynjot ïa u Ephraim: namar nga long U Blei, te ym u briew; U Bakhuid hapdeng jong me; bad ngan ym bsut ha ka nongbah.

HOSIA 11:9 Mawu Ofanana

2 SAMUEL 20:10

U Amasa um shym don jingïada na ka waitlam kaba u Joab u bat ha kawei pat ka kti jong u, bad u Joab u la dung ïa u na ka kpoh, bad ki snier jong u ki mih shaid ha madan. U ïap ha shen, bad u Joab um donkam ban dung biang sa shisien. Nangta u Joab bad u Abishai, u para jong u ki la leit thwet ïa u Sheba.

SALM 46:5

U Blei u don ha kata ka nongbah, bad yn ym pynjot ïa ka da lei lei; dang step phyrngab un wan ban ïarap ïa ka.

SALM 78:38

Hynrei U Blei u la sngewsynei ïa ki briew jong u. U la map ïa ki pop jong ki bad um shym pynjot ïa ki. Bunsien u set noh ïa ka jingbitar jong u bad u tyngkai ïa ka jingbitar shla jong u.

SALM 85:4

To wallam pat ïa ngi, A Blei u nongpynim jong ngi, bad sangeh na ka jingbymsngewbha ïa ngi!

ISAÏAH 12:6

Ai ba uwei pa uwei uba shong basah ha Seïon un pyrta bad un rwai! U Blei bakhuid jong ka Israel u long uba khraw, bad u shong hapdeng ki briew jong u.”

ISAÏAH 31:1

Kito kiba leit sha Ijipt ban ïoh jingïarap kin jot! Ki shaniah ha ka bor shipai bakhraw jong ka Ijipt — ki kulai, ki kali ïapom, bad ki shipai. Hynrei kim tip ban shaniah ha U Trai, U Blei Bakhuid ki Israel, lane pan na u ïa ka jingïarap.

ISAÏAH 41:14

U Trai u ong, “Uba rit bad uba tlot kumba me long, ko Israel, wat sheptieng; ngan ïarap ïa me. Nga, U Blei uba khuid ki Israel, nga long uta uba pynim ïa me.

ISAÏAH 41:16

Men kynting ïa ki ha ka lyer; ka lyer kaba jur kan kit lut ïa ki, bad yn pynsaphriang ïa ki da ka 'erïong. Te men sa kmen namar nga long U Blei jong me; men ïaroh ïa nga, U Blei bakhuid ki Israel.

ISAÏAH 48:9

“Khnang ba ki briew kin ïaroh ïa ka kyrteng jong nga, nga pyntud ïa ka jingbitar jong nga ha lade; nga bat noh ïa ka bad ban ym pynjot ïa phi.

ISAÏAH 5:24

Kumta mynta, kumba u skum kba bad u phlang tyrkhong ki ran bad ing ha ka ding, ki thied jong phi kin pyut bad ki syntiew jong phi kin tyrkhong bad shah rong noh ha ka lyer, namar ba phi la kyntait ïa kaei kaba U Trai Badonbor Baroh, U Blei bakhuid ka Israel u la hikai ïa ngi.

JEREMAÏAH 26:3

Lehse ki briew kin shahshkor bad iehnoh ïa la ki lynti basniew. Lada ki leh kumta, te ngan kylla ïa la ka jingmut shaphang ka jingpynjot kaba nga la thmu ban wallam halor jong ki na ka bynta ki kam bymman jong ki.”

JEREMAÏAH 30:11

Ngan wan sha phi bad pyllait im ïa phi. Ngan pynjot ïa ki jaitbynriew baroh sha kiba nga la pynsakma ïa phi, hynrei ngan ym pynjot ïa phi. Ngan ym shah ïa phi ban leit khlem shah pynshitom; hynrei haba nga pynshitom ïa phi, ngan long u bym leh shiliang. Ma nga, U Trai, nga la kren.”

HOSIA 12:1

Kaei kaei baroh ba ki paid Israel ki leh naduh mynstep haduh da miet ka long ka bymmyntoi bad kaba pynjot. Ka jingshetkylla bad ki jingleh jubor ki nang jyllei hapdeng jong ki. Ki ïateh jutang bad ka Assyria, bad ki ïakhaïi bad ka Ijipt.”

HOSIA 14:4

U Trai u ong, “Ngan wanlam pat ïa ki briew jong nga sha lade. Ngan ieit ïa ki da ka dohnud jong nga baroh; ngan ym bitar shuh ïa ki.

MALAKHI 3:6

“Nga long U Trai, bad ngam ju kylla. Bad kumta ma phi, ki khun ki ksiew u Jakob, phim pat shym la jah noh khoit.

JINGKHEIÑ 23:19

U Blei um long kum ki briew, kiba kren lamler; Um long kum u briew uba kylla la ka jingmut. Kat kaba u kular, u pyndep; U kren, bad la pyndep ïa kata.

DEUTERONOMI 13:17

Wat shim sha lade ïa kaei kaei kaba la mang ban pynjot, te U Trai un phai na ka jingbitar shla jong u bad un isynei ïa phi. Un leh-isynei ïa phi bad un pynroi ïa phi, kumba u la kular ïa ki kpa tymmen jong phi,

1 SAMUEL 26:8

U Abishai u ong ha u Dabid, “Ha kane ka miet, U Blei u la aiti ïa u nongshun jong phi ha ka bor jong phi. Mynta shah ngan tynrah tang shisien tynrah da une u sum jong u hi haduh khyndew; ngam donkam ban da tynrah ïa u ar sien!”