HOSIA 11:5 - Khasi CL Bible (BSI)

⁵ “Ki kyntait ban wan phai sha nga, bad kumta ki dei ban leit phai sha Ijipt, bad ki nong Assyria kin synshar halor jong ki.

KA BAIBL

⁵ “Un ym wan phai sha ka ri Ijipt; hynrei, u nong Assyria un long u syiem jong u, namar kim treh ban wan phai.

HOSIA 11:5 Mawu Ofanana

2 SYIEM 15:19

U Tiglath Pileser, u patsha ka Assyria, u tur ïaleh ïa ka Israel, bad u Menahem u ai ïa u laiphew saw ton ka rupa ban ïoh ïa ka jingkyrshan jong u ban nang pynkhlaiñbor ïa u Menahem halor ka ri.

2 SYIEM 15:29

Ka la jia ba katba u Pekah u long syiem ba u Tiglath Pileser, u patsha ka Assyria, u kurup ïa ki nongbah jong ka Ijon, ka Abel Beth Maakah, ka Janoah, ka Kedesh, bad ka Hasor, bad ki ri jong ka Gilead, ka Galilaïa, bad ka Naphtali, bad u rah koidi ïa ki briew sha Assyria.

HOSIA 10:6

Ïa uta u bleithaw yn kit noh sha Assyria kum ka jingnguh syiem ïa u patsha uba khraw. Ïa ka Israel yn pynjahburom bad yn pynlehrain namar ki jingai jingmut ba ka bud.

HOSIA 5:13

“Haba ka Israel ka ïohi haduh katno ka pang jur bad haba ka Judah ka ïohi ïa la ki jingmong, nangta ki Israel ki leit sha Assyria ban pan jingïarap na u syiem uba khrawbor, hynrei um lah ban pynkoit ïa ki lane pynkhiah ïa ki jingmong jong ki.

HOSIA 6:1

Ki briew ki ong, “Ale ngin ïaleit phai sha U Trai! U la pynmynsaw ïa ngi, hynrei da shisha un pynkhiah ïa ngi; kumta un pynkhiah ïa ngi; u la pynmong ïa ngi, hynrei un sop spaiñ ïa ki jingmong jong ngi, hato un ym leh kumta?

HOSIA 7:16

Ki ïai phai lyndet na nga sha u blei u bymdonbor ei ei ruh em. Ki long ki bym lah ban shaniah kum ka ryntieh kaba kynriang. Namar ki nongïalam jong ki, ki kren meng, kin ïap ha ka jingïap bashyrkhei, bad ki nong Ijipt kin sa ïa-rkhie.”

HOSIA 8:13

Ki ai ïa ki jingkñia sha nga bad ki bam ïa ka doh kñia. Hynrei ma nga U Trai, ngam sngewbha ïa ki, bad mynta ngan kynmaw ïa ki pop jong ki bad pynshitom ïa ki na ka bynta kata; ngan phah biang ïa ki sha Ijipt.

HOSIA 9:3

Ki paid Israel kin ym ïoh shongsah ha ka ri U Trai; hynrei kin hap leit phai sha Ijipt, bad ki hap ban bam ka jingbam ba la kheiñ sang ha Assyria.

HOSIA 9:6

Haba ka jingjot ka wan bad ïa ki briew la pynsakma, ki nong Ijipt kin lumlang ïa ki — kin lumlang ïa ki ban tep hangta ha Memphis! Ki jingdon jingem jong ki kum ka rupa bad ki jaka ha kaba ki ïing jong ki shisien ki la ïeng yn tap da ki ñiut bad ki bniap shiah.

AMOS 4:11

“Nga la pynjot katto katne na phi kumba nga la pynjot ïa ka Sodom bad ka Gomorrah. Kito na phi kiba la lait im ki long kum ka dieng barhem ba la sei na ka ding. Katta ruh phim shym la wan phai pat sha nga,” ong U Trai.

AMOS 4:6

“Dei ma nga uba la wallam ïa ka jingïapthngan ha ki nongbah jong phi baroh, pynban phim shym la wan phai pat sha nga.

AMOS 5:27

haba ngan ïalam ïa phi sha ka jinglongmraw sha ka ri sha lyndet ka Damaskos,” ong U Trai, uba ka kyrteng jong u ka long U Blei Badonbor Baroh.

DEUTERONOMI 17:16

U syiem um dei ban pynbun ki kulai na ka bynta ïa lade, bad um dei ban phah briew sha Ijipt ban thied kulai nangta, namar U Trai u la ong ba ki briew jong u kim dei ban leit phai shata lano lano.