HOSIA 11:1 - Khasi CL Bible (BSI)

¹ U Trai u ong, “Mynba u Israel u dang khynnah, nga la ieit ïa u, bad nga la khot noh ïa u na Ijipt kum u khun jong nga.

KA BAIBL

¹ “Mynba u Israel u dang khynnah, hangta nga la ieit ïa u, bad nga la khot noh ïa la u khun na Ijipt.

HOSIA 11:1 Mawu Ofanana

SALM 129:1

Ko Israel, to ïathuh ïa ngi haduh katno ki nongshun jong pha ki la pynshitom sat ïa pha naduh mynba pha dang samla.

EKSODOS 19:4

“Phi la ïohi aïu ma nga, U Trai nga la leh ïa ki nong Ijipt bad kumno ba nga la kit ïa phi kum ka pukni kaba kit ïa la ki khun ha ki thapniang jong ka, bad nga la wan ïalam ïa phi sha nga ha kane ka jaka.

EKSODOS 4:22

Te me dei ban ong ha u ba ma nga, U Trai, nga ong, ‘U Israel u long u khun nyngkong jong nga.

EKSODOS 4:23

Nga la ong ïa me ban shah ïa u khun jong nga ban leit, khnang ba un ïoh mane ïa nga, hynrei me la kyntait. Mynta te ngan pynïap ïa u khun nyngkong jong me.’ ”

ISAÏAH 43:4

Ngan kyntait ïa ki ri baroh ban pynim ïa ka jingim jong phi, namar phi long uba kordor ha nga bad namar ba nga ieit ïa phi bad ai ïa phi ka burom.

JEREMAÏAH 12:7

U Trai u ong, “Nga la iehnoh ïa ka Israel; nga la kyntait noh ïa ka jaitbynriew ba la jied jong nga. Nga la ai ïa ki briew ba nga ieit ha ka bor jong ki nongshun jong ki.

JEREMAÏAH 2:2

ban pynbna ïa kane ka khubor ha uwei pa uwei ha Jerusalem, “Nga kynmaw kumno phi la long kiba ïaineh mynba phi dang khynnah, kumno phi la ieit ïa nga mynba ngi dang shongkurim nyngkong; phi la bud ïa nga lyngba ka ri shyiap, lyngba ka ri ka bym pat shym la thung jingthung.

ESEKIEL 16:22

Ha ka jingim ba-ijli jong pha kum ka nuti pham ju kynmaw shisien ruh ïa la ka jinglong khynnah — mynba pha long kaba lyngkhuit, bad ïaksaid ha la ka jong ka snam.”

ESEKIEL 16:6

“Nangta nga la ïaid lyngba bad ïohi ba pha khih ha ka snam jong pha. La tap ïa pha da ka snam, hynrei ngam shym la shah ïa pha ban ïap.

HOSIA 10:15

Kata ka long kaei ka ban jia ha phi, ki briew ka Bethel, namar ka pop bashyrkhei kaba phi la leh. Mar ïasdang ka thma, u syiem Israel un ïap.”

HOSIA 12:13

U Trai u la phah ïa u nongïathuhlypa ban pyllait ïa ki paid Israel na ka jinglongmraw ha Ijipt bad ban sumar ïa ki.

HOSIA 12:9

Hynrei ma nga, U Trai U Blei jong phi uba la ïalam ïa phi na Ijipt, ngan pynlong ïa phi ban sah biang ha ki ïingjaiñ, kumba phi la leh mynba nga wan sha phi ha ka ri shyiap.

HOSIA 13:4

U Trai u ong, “Nga long U Trai U Blei jong phi, uba ïalam noh ïa phi na ka ri Ijipt. Phim don uwei pat U Blei lait na nga. Nga dei tang ma nga u nongpynim jong phi.

HOSIA 2:15

Ngan ai pat ha ka ïa ki bri sohwaiñ jong ka, bad ngan pynlong ïa ka Them Jingshitom sha ka khyrdop ka jingkyrmen. Hangta kan sa phai ktien ïa nga kumba ka la leh mynba ka dang samla, mynba ka wan mihnoh na ka ri Ijipt.

MALAKHI 1:2

U Trai u ong ha ki briew jong u, “Nga la ju ieit ïa phi borabor.” Hynrei ki jubab, “Da kumno me la pyn-i ïa ka jingieit jong me ïa ngi?” U Trai u jubab, “U Iso bad u Jakob ki la long shi para, hynrei nga la ieit ïa u Jakob bad ïa ki khun ki ksiew jong u,

MATHAÏOS 2:15

ha kaba u la sah tad ynda u Herod u la ïap. Ïa kane la leh ban pynlong ïa kaei kaba U Trai u la lah kren lyngba u nongïathuhlypa kan urlong shisha, “Nga la khot ïa u khun jong nga na Ijipt.”

DEUTERONOMI 33:3

U Trai u ieit ïa la ki briew, bad u ïada ïa la ki jong. Kumta ngi dem ha ki kjat jong u, bad kohnguh ïa ki hukum jong u.

DEUTERONOMI 7:7

“U Trai um shym la ieit bad jied ïa phi namar ba phi kham bun paid ban ïa kiwei pat ki jaitbynriew; ha ka jingshisha phi long ka jaitbynriew kaba rit tam ha ka pyrthei.