HEBRU 9:28 - Khasi CL Bible (BSI)

²⁸ Ha kajuh ka rukom, U Khrist ruh u la kñia ainguh tang shisien ban bah noh ïa ki pop jong kiba bun. Un sa paw ha ka sien kaba ar, ym ban weng noh ïa ka pop, hynrei ban pynim ïa kita kiba ap khmih lynti ïa u.

KA BAIBL

²⁸ kumta, U Khrist ruh, haba la kñia ainguh tang shi sien ïa u, ïa ka ban bah noh ïa ki pop jong kiba bun, un mihpaw ha ka ba-ar sien, khlem bah ka pop, ha kita kiba khmih lynti ïa u, ïa ka jingpynim.

HEBRU 9:28 Mawu Ofanana

ISAÏAH 25:9

Haba kane kan jia, baroh kin ong, “U long U Blei jong ngi! Ngi la buh ïa ka jingshaniah jong ngi ha u, bad u la pyllait im ïa ngi. U long U Trai! Ngi la buh ïa ka jingshaniah ha u, bad mynta ngi kmen namar ba u la pynim ïa ngi.”

LEBITIKOS 10:17

“Balei phim shym ïabam ïa kata ka jingkñia namar ka pop ha ka jaka kyntang? Ka long kaba khuid bha, bad U Trai u la ai ïa ka ha phi na ka bynta ban kit noh ïa ka pop jong u paidlang.

SEKHARAÏAH 14:5

Phin lait phet lyngba kane ka them kaba pynkhlad arliang ïa une u lumbah. Phin phet kumba ki kpa tymmen jong phi ki la leh mynba u jumai u khynñiuh ha ka por jong u Ussaïah u syiem ka Judah. U Trai U Blei jong nga un wan, un wallam ïa ki angel baroh lem bad u.

JINGKHEIÑ 18:1

U Trai u ong ha u Aaron, “Ma me, ki khun shynrang jong me, bad ki Lebi ruh, phin hap shah ïa kiei kiei kiba mih na kano kano ka jingleh palat ha ka jingshakri ha ka Ïingjaiñ ka Jingdon Ryngkat jong nga, hynrei tang ma me bad ki khun shynrang jong me kin shah ïa kiei kiba mih ha ka jingshakri ha ka jinglong lyngdoh.

JINGKHEIÑ 18:23

Naduh mynta dei tang ki Lebi ki ban sumar ïa ka Ïingjaiñ bad kin kitkhlieh nadong shadong ïa ka. Kane ka long ka hukum kaba ïaineh bad kaba teh ïa ki khun ki ksiew jong phi pateng la pateng.

MATHAÏOS 20:28

kum U Khun U Briew, u bym shym la wan ba un shah shakri, hynrei ban shakri bad aiti ïa la ka jingim ban siewspah ïa ki briew kiba bun.”

MATHAÏOS 25:31

“Haba U Khun U Briew un wan kum u Syiem bad ki angel baroh lem bad u, un shong halor ka khet syiem jong u,

MATHAÏOS 26:28

“kane ka long ka snam jong nga, kaba pynskhem ïa ka jutang jong U Blei, ka snam jong nga ïa kaba la theh noh na ka bynta kiba bun ïa ka ban map ïa ki pop.

ÏOANNIS 14:3

Bad hadien ba nga la leit bad pynkhreh ka jaka ïa phi, ngan wan pat bad ngan shim ïa phi ha lade hi, ba phi ruh phin don ha ka jaka kaba nga don.

KI KAM 1:11

“Ko nong Galilaïa, balei phi ïa-ïeng hangne da kaba khmied sha ka sahit bneng? Une U Jisu, ïa uba la shim noh sha bneng na phi, un wan pat ha kajuh ka rukom ba phi la ïohi ba u kiew sha bneng.”

Ka Shithi U Paul Sha Ki Nong Rom 3:25

U Blei u la ai ïa u, khnang ba da ka jingïap kum ka jingkñia, un long ka lad jong ka jingmap ïa ki pop jong ki briew lyngba ka jingngeit jong ki ha u. U Blei u la leh ïa kane khnang ban pyn-i ba u long uba hok. Mynshuwa, u la ïaishah bad u la peit lyndet ïa ki pop jong ki briew; hynrei ha ka por mynta u pynbeit ïa ki pop jong ki, khnang ban pyn-i ïa ka jinglonghok jong u. Ha kane ka rukom U Blei u pyn-i ba ma u hi u long uba hok bad ba u pynlong hok ïa baroh kiba ngeit ha U Jisu.

Ka Shithi U Paul Sha Ki Nong Rom 5:15

Hynrei kine ar kim long kumjuh, namar ka jingai sngewbha jong U Blei kam long kum ka pop u Adam. Ka long kaba shisha ba bun ki briew ki la ïap namar ka pop jong uta uwei u briew. Hynrei ka jingaiei U Blei ka long kham khraw, bad kumta ruh ka jingai sngewbha ïa kiba bun ki briew lyngba ka jingaiei jong uta uwei u briew, U Jisu Khrist.

Ka Shithi U Paul Sha Ki Nong Rom 6:10

Bad kumta, namar ba u la ïap, ka pop kan ym donbor shuh halor jong u; bad mynta u im ha ka jingïasyllok bad U Blei.

Ka Shithi U Paul Sha Ki Nong Rom 8:23

Hynrei ym dei tang ki jingthaw kiba ud; ma ngi ruh kiba don ïa U Mynsiem kum ki jingai banyngkong jong U Blei, ngi ïa-ud hapoh lade hi, katba ngi dang ap ïa U Blei ba un pynlong ïa ngi ki khun jong u bad ban pyllaitluid phar ïa ngi.

Ka Shithi U Paul Sha Ki Nong Rom 8:3

Kaei kaba ka Hukum kam lah ban leh, namar ka jinglong ba kynja doh ka long kaba tlot, U Blei u la leh. U la pynrem ïa ka pop ha ka jinglong ba kynja doh da kaba u la phah ïa U Khun jong u hi, uba la wan kum ka jinglong u briew uba pop, ban jop ïa ka pop.

1 KORINTH 15:54

Kumta haba kane ka jia, bad ïa kaba dei ban ïap la pynkylla sha ka bym dei ban ïap, te ka Jingthoh Bakhuid kan urlong shisha: “Ïa ka jingïap la pynjot thiaw; ka jingjop ka la long kaba pura!”

1 THESSALONI 1:10

bad ban ap ïa U Khun jong u ban wan na bneng — U Jisu, U Khun jong u, ïa uba u la pynmihpat na ka jingïap bad uba pyllait im ïa ngi na ka jingbitar jong U Blei ka ban sa wan.

2 THESSALONI 2:1

Ha kaba ïadei bad ka jingwan pat ka jong U Jisu Khrist U Trai jong ngi bad ka jinglum lang ïa ngi ban long lem bad u: Nga kyrpad ïa phi, ki parabangeit jong nga,

2 TIMOTHI 4:8

Bad mynta kaba ap ïa nga ka long ka bainong jong ka jingjop ïa kaba la buh beit da U Blei uba U Trai, u nongbishar bahok, u ban ai ha nga ha kata ka Sngi — ym tang ïa nga, hynrei ïa kito baroh kiba ap ïa u da ka jingieit ba un wanpaw.

TITOS 2:13

katba ngi dang ap ïa ka jingwan jong kata ka Sngi ba la kyrkhu kaba ngi ap kyrmen, haba ka burom U Blei bakhraw bad U Jisu Khrist U Nongpynim jong ngi kan paw.

HEBRU 1:14

Ki angel ki dei kiei, te? Ki dei ki mynsiem kiba shakri ïa U Blei bad ïa ki la phah da u ban ïarap ïa kito kiba dei ban ïohpdiang ïa ka jingpynim.

HEBRU 10:10

Namar ba U Jisu Khrist u la leh ïa kaei kaba U Blei u kwah ïa u ban leh, ïa ngi baroh la pynkhuid na ka pop da ka jingainguh kaba u la aiti ïa la ka jong ka met tang shisien hi.

HEBRU 12:14

Ïaleh ban ïashongsuk bad ki briew baroh, bad pyrshang ban im ka jingim kaba khuid, namar khlem kata uno uno un ym lah ban ïohi ïa U Trai.

HEBRU 2:3

Da kumno te ngin lait, lada ngi leh bymsuidñiew ïa ka jingpynim kaba khraw katta katta? U Trai hi u la pynbna nyngkong ïa kane ka jingpynim, bad kita kiba la ïohsngew ïa u ki pynshisha ha ngi ba ka long kaba shisha.

HEBRU 4:15

U Rangbah Lyngdoh jong ngi um long uta u bym lah ban sngewlem ïa ki jingtlot jong ngi. Pynban, ngi don U Rangbah Lyngdoh uba la shah pynshoi ha kiei kiei baroh kum ma ngi, hynrei u bym shym la leh pop.

HEBRU 5:9

Haba la pynlong janai ïa u, u la jia long ka tynrai jong ka jingim bymjukut na ka bynta kito baroh kiba kohnguh ïa u,

HEBRU 7:27

Um long kum kiwei pat ki rangbah lyngdoh; um da donkam ban da ai jingkñia man ka sngi na ka bynta ki pop jong u hi nyngkong ïa lade bad nangta na ka bynta ki pop jong ki briew. U ai kawei ka jingkñia, tang shisien hi, haba u la kñia noh ïa lade.

HEBRU 9:25

U rangbah lyngdoh jong ki Jiw u leit rung shapoh ka Jaka kaba Kyntang Tam man ka snem ryngkat bad ka snam ki mrad. Hynrei U Khrist um shym la rung shapoh ban kñia ainguh ïa lade bunsien.

1 PETROS 2:24

U Khrist da lade hi u la bah noh ïa ki pop jong ngi ha ka met jong u sha ka diengphna, khnang ba ngin ïap ïa ka pop bad ïoh im na ka bynta ka hok. Ka dei da ki jingjngem snam jong u ba la pynkhiah ïa phi.

1 PETROS 3:18

Naba U Khrist u la ïap na ka bynta ki pop tang shisien bad na ka bynta ki por baroh, u briew uba bha na ka bynta ki nongpop, ba un ïoh ïalam ïa phi sha U Blei. La pynïap ïa u ha ka doh, hynrei la pynim pat ïa u ha ka mynsiem,

2 PETROS 3:12

Ka jingim jong phi ka dei ban long kaba khuid bad ba la pynkyntang sha U Blei, katba phi dang ap khmih ïa ka Sngi jong U Blei bad phi leh ïa kaba bha tam ban pynlong ïa ka ba kan wan kloi — ka Sngi ha kaba ïa ki bneng yn thang duh noh bad yn pynjot, bad ïa ki metbneng yn sa pynum ha ka jingkhluit.

1 ÏOANNIS 3:2

Ko ki paralok ba-ieit jong nga, mynta ngi long ki khun U Blei, hynrei kam pat da shai aïu ngin sa long. Hynrei ngi tip ba ynda U Khrist un paw, ngin ïoh long kum ma u, namar ngin ïohi ïa u kumba u long da shisha.

1 ÏOANNIS 3:5

Phi tip ba U Khrist u la paw ban bah noh ïa ki pop, bad kam don kano kano ka pop ha u.

JUDAH 1:21

bad to ri ïa lade ha ka jingieit U Blei, da kaba ap khmih ïa U Jisu Khrist uba U Trai jong ngi ha ka jingisynei jong u ban ai ha phi ïa ka jingim bymjukut.

JINGPYNPAW 1:7

Ha khmih, u wan ha ki lyoh! Baroh kin ïohi ïa u, kynthup ïa kito kiba la sum ïa u. Ki jaitbynriew baroh ha ka pyrthei kin ïamkthang namar jong u. Kumta kan long!