HEBRU 9:27 - Khasi CL Bible (BSI)

²⁷ Uwei pa uwei u dei ban ïap tang shisien, bad hadien kata yn bishar da U Blei.

KA BAIBL

²⁷ Te kumba la buh ha ki briew ban ïap tang shi sien, bad hadien kane ka wan ka jingbishar;

HEBRU 9:27 Mawu Ofanana

JENESIS 3:19

Men hap trei shitom bad jaw syep ban pynlong ïa ka khyndew ban pynmih ei ei, tad haduh ba men da leit phai pat sha ka khyndew na kaba la thaw ïa me. La thaw ïa me na ka dewmet, bad men sa kylla dewmet sa shisien pat.”

2 SAMUEL 14:14

Ngi baroh ngin ïap; ngi long kum ka um kaba hoit ha khyndew, ïa kaba ym lah shuh ban tong biang. Wat U Blei um ju wallam ïa kiba la ïap ban im pat, hynrei u syiem u lah la kumno kumno ban shem lynti ban wallam pat ïa u briew na ka jingphet wir.

Ka Kitab U Job 14:5

Ka jingjrong ka rta ka jingim jong ngi la rai lypa — Ka jingkheiñ ki bnai ba ngin im. Lah dep buh ïa u pud, bad ym lah ban pynkylla.

Ka Kitab U Job 19:25

Hynrei nga tip ba don ha bneng u ban wan ha kaba khatduh ban pynksan ïa nga.

Ka Kitab U Job 30:23

Nga tip me la rah ïa nga sha ka jingïap, sha ka kupar ba la buh ïa baroh.

SALM 89:48

Uei uba lah ban im bad u bymïap shuh? Kumno u briew uba lah ban pyllait ïa lade na ka jingtep?

EKLESIASTIS 11:9

Ko samla, to lehkmen ïa ka jinglong samla jong phi. To kmen katba phi dang samla. Leh ïa kaei kaba phi kwah ban leh, bad bud ïa ka jingkwah ka dohnud jong phi. Hynrei kynmaw ba U Blei un bishar ïa phi ïa kaei kaei kaba phi leh.

EKLESIASTIS 12:14

U Blei un bishar ïa kaei kaei baroh kaba ngi leh, la kaba bha ne kaba sniew, wat ïa kiei kiei kiba la leh ha kaba rieh.

EKLESIASTIS 12:7

Ki met jong ngi kin kylla sha u pui pui khyndew, bad ka jingpyrsad ka jingim kan leit phai pat sha U Blei, uba la ai ïa ka ha ngi.

EKLESIASTIS 3:2

U buh ka por ban kha bad ka por ban ïap, ka por ban thung bad ka por ban rat noh,

EKLESIASTIS 3:20

Baroh ar ki leit sha kajuh ka jaka — ka khyndew. Baroh ar ki la wan na ka bad baroh ar kin leit phai pat sha ka.

EKLESIASTIS 9:10

Trei shitom ha kaei kaei kaba phi leh, namar yn ym don kano kano ka jingtrei, ka jingpyrkhat, ka jingtip, ka jingstad ha ka pyrthei kiba ïap — bad kata ka dei sha kaba phi leit.

EKLESIASTIS 9:5

Ho-oid kiba im ki tip ba kin ïap, hynrei kiba ïap kim tip ei ei. Kim don shuh kano kano ka bainong; ki long kiba ym don shuh mano mano ba kynmaw.

LOUKAS 20:32

Khatduh na ki baroh, kata ka briew ka la ïap.

KI KAM 17:31

Naba u la buh ka sngi ha kaba un bishar ïa ka pyrthei baroh kawei da ka jinglehhok, da uta u briew ïa uba u la jied. U la ai ka jingpynshisha ïa kane ha uwei pa uwei da kaba pynmihpat ïa uta u briew na ka jingïap!”

Ka Shithi U Paul Sha Ki Nong Rom 2:5

Hynrei phi don ka dohnud kaba eh bad kaba kuman, bad kumta phi pynlong ka jingpynshitom ïa lade hi wat kham khraw ha ka Sngi ha kaba ïa ka jingbitar U Blei bad ki jingbishar bahok yn pynpaw.

Ka Shithi U Paul Sha Ki Nong Rom 5:12

Ka pop ka la wan sha ka pyrthei lyngba uwei u briew, bad ka pop jong u ka la wallam ryngkat bad ka ïa ka jingïap. Ka jingmih ka long, ba ka jingïap ka la pur sha u bynriew baroh namar uwei pa uwei u la leh pop.

1 KORINTH 4:5

Kumta phim dei ban bishar ïano ïano shuwa ba ka por kaba dei kan poi. Ka jingbishar bakhatduh ka dei ban ap tad ynda U Trai un wan; un wallam ha ka jingshai ïa ki jingbuhrieh ba-dum bad pynpaw ïa ki jingthmu barieh jong ki jingmut ki briew. Bad nangta uwei pa uwei un ïohpdiang na U Blei ïa ka jingïaroh kaba u dei hok ban ïoh.

2 KORINTH 5:10

Naba baroh na ngi ngin paw ha khmat U Khrist, ba yn bishar ïa ngi da u. Ngin ïohpdiang ïa kaei kaba ngi dei hok, kat kum kiei kiei baroh kiba ngi la leh, la bha ne la sniew, ha kane ka jingim ha ka met jong ngi.

2 TIMOTHI 4:1

Ha khmat jong U Blei bad jong U Khrist Jisu, u ban sa bishar ïa kiba im bad ïa kiba ïap, bad namar ba un sa wan ban synshar kum u Syiem, nga kyrpad da kaba jai jai ïa me ba men ïalap ïa ka khubor, ban ïai kyntu ha kaba pynbna ïa ka (haba dei por ne ha bym dei por), ban pynkynduh, ban pynbeit bad ban pynshlur, da ka jingïaishah baroh haba me hikai.

HEBRU 10:27

Pynban, kaei kaba dang sah ka long ban ap da ka jingsheptieng ïa ka Jingbishar ka ban sa wan bad ïa ka ding kaba klang ka ban sa bam duh ïa kita kiba ïaleh pyrshah ïa U Blei!

HEBRU 6:2

ha kaba hikai shaphang ki jingpynbaptis, bad kaba buh ïa ki kti; shaphang ka jingmihpat jong kiba ïap bad shaphang ka jingbishar bymjukut.

1 ÏOANNIS 4:17

Ïa ka jingieit la pynjanai noh ha ngi, ba ngin don ka jingshlur ha ka Sngi ka Jingbishar; bad ngin don ïa ka namar ka jingim jong ngi ha kane ka pyrthei ka long kumjuh kum ka jong U Khrist.

JUDAH 1:15

ban wallam ïa ka jingbishar ha baroh, ban pynrem ïa ki baroh na ka bynta ki kam bymriewblei ba ki la leh bad na ka bynta ki ktien ba sngewtriem kiba ki nongpop ba khlem blei ki la kren pyrshah ïa u!”

JINGPYNPAW 20:11

Nangta nga la ïohi ïa ka khet balieh kaba khraw bad ïa uta uba shong ha ka. Ka pyrthei bad ka bneng ki la phet na khmat jong u bad ym shym la ïohi shuh ïa ki.