HEBRU 9:26 - Khasi CL Bible (BSI)

²⁶ Lymda kumta ka la dei ïa u ban shah bunsien naduh myn dang long ka pyrthei. Pynban, mynta haba ka por baroh ka la jan poi sha kaba kut, u la paw tang shisien hi, ban pyndam noh ïa ka pop da kaba kñia ïa lade.

KA BAIBL

²⁶ lymda kumta, ka la dei ïa u ban shah bunsien naduh myndanglong ka pyrthei; hynrei, mynta, tang shi sien la pynpaw ïa u ha ka bakut ki Ïa, ïa ka ban pyndam noh ïa ka pop da kaba kñia ïa lade.

HEBRU 9:26 Mawu Ofanana

2 SAMUEL 12:13

“Nga la leh pop pyrshah ïa U Trai,” U Dabid u la ong. U Nathan u jubab, “U Trai u map ïa phi; phin ym ïap.

2 SAMUEL 24:10

Hynrei hadien ba u Dabid u la dep shim ïa ka jingkheiñbriew, ka jingïatiplem jong u ka la sdang ban pynshitom ïa u, bad u ong ha U Trai, “Nga la leh ïa ka pop kaba shyrkhei ha kaba leh ïa kane! Sngewbha map ïa nga. Nga la leh bieit.”

Ka Kitab U Job 7:21

Mem lah ban map da lei lei ïa ki pop jong nga? Hato mem lah ban map ïa ka jingbymdei ba nga leh? Shen, ngan sa don ha la ka jingtep bad ngan ym don shuh haba men khmih ïa nga.

SALM 103:12

Kumba ka jngai ka mihngi na ka sepngi, kumta ruh u weng noh ïa ki pop jong ngi na ngi.

ISAÏAH 2:2

Ha ki sngi ban wan u lumbah ha kaba ka Templ ka ïeng un long uba jrong tam na baroh, uba da jrong eh halor ki lumrit baroh. Kiba bun ki jaitbynriew kin tuid sha u,

DANIEL 10:14

Nga la wan ban pynsngewthuh ïa me ïa kaei ka ban jia ha ki briew jong me ha ka lawei. Kane ka dei ka jingïohipaw ïa ka lawei.”

DANIEL 9:24

“Hynñiew sien ki hynñiewphew snem ki long ka jingjlan jong ka por ba U Blei u la buh na ka bynta ban pyllait im ïa ki briew jong me bad ïa ka nongbah bakhuid jong me na ka pop bad ka jingsniew. Ïa ka pop yn map bad yn seng ïa ka jingbishar hok bymjukut, khnang ba ka jingïohipaw bad ka jingïathuhlypa kin wan urlong shisha, bad ïa ka Templ bakhuid yn pynkyntang biang.

MIKAH 4:1

Ha ki sngi ki ban wan u lumbah ha kaba ka Templ ka ïeng un long uba jrong tam na baroh, uba tyllep ïa ki lumrit baroh. Ki jaitbynriew kiba bun kin wan tuid sha u,

MATHAÏOS 13:39

bad u nongshun uba la bet ïa ki ñiut u long u Ksuid. Ka jingot ka long kaba kut jong ka Ïa, bad ki nongot ki long ki angel.

MATHAÏOS 13:40

Kumba ïa ki ñiut la lumlang bad la thang ïa ki hapoh ka ding, kumta kajuh hi kan jia ha kaba kut ka Ïa:

MATHAÏOS 25:34

Nangta u Syiem un ong ha ki briew kiba ha ka liang kamon jong u, ‘To wan, phi kiba la kyrkhu da U Kpa jong nga! To wan bad to ïoh ïa ka hima kaba la pynkhreh na ka bynta jong phi naduh kaba pynlong ïa ka pyrthei.

ÏOANNIS 1:29

Ha ka sngi kaba bud, U Ïoannis u la ïohi ïa U Jisu ba u wan sha u, bad u la ong, “Ha khmih, U Khunlangbrot jong U Blei, uba kit noh ïa ka pop jong ka pyrthei!

ÏOANNIS 17:24

“Ko Pa! Me la ai ïa ki ha nga, bad nga kwah ïa ki ba kin don bad nga ha kaba nga don, khnang ba ki lah ban ïohi ïa ka burom jong nga, ka burom ïa kaba me la ai ha nga; naba me la ieit ïa nga ha shuwa ban pynlong ïa ka pyrthei.

1 KORINTH 10:11

Kine kiei kiei baroh ki la jia ha ki kum ki nuksa ïa kiwei pat, bad la thoh ïa kine kum ka jingmaham ïa ngi. Naba ngi im ha ka por ba kaba kut ka la jan poi.

GALATIA 4:1

Hynrei mynta ban bteng biang — ïa u khun u ban sa ïohpdiang ïa ka jingdon jingem jong u kpa jong u la ju ñiew tang kum u mraw katba u dang khynnah, wat la shisha u long trai ha kiei kiei baroh.

EPHESOS 1:10

Kane ka jingthmu, ïa kaba U Blei un sa pyndep ha ka ïa kaba biang, ka long ban lumlang ïa ka jingpynlong baroh, ha bneng bad ha khyndew, lem bad U Khrist kum u khlieh.

EPHESOS 5:2

Ïa ka jingim jong phi dei ban synshar da ka jingieit, kumba U Khrist u la ieit ïa ngi bad u la aiti ïa la ka jingim na ka bynta jong ngi kum ka jingainguh ba-iwbih bad ka jingkñia ba pynsngewbha ïa U Blei.

TITOS 2:14

U la aiti ïa lade na ka bynta jong ngi, ban pyllait ïa ngi na ka jingbymman baroh bad ban pynlong ïa ngi ki briew kiba khuid kiba dei ki jong U hi bad kiba kwah hir hir ban leh ïa kaba bha.

HEBRU 1:2

Hynrei ha kine ki sngi kiba khatduh u la kren ha ngi lyngba U Khun jong u. U la long uta da uba U Blei u la thaw ïa ka pyrthei, uta ïa uba U Blei u la jied ban long u nongïoh kynti ïa kiei kiei baroh ha kaba kut.

HEBRU 10:10

Namar ba U Jisu Khrist u la leh ïa kaei kaba U Blei u kwah ïa u ban leh, ïa ngi baroh la pynkhuid na ka pop da ka jingainguh kaba u la aiti ïa la ka jong ka met tang shisien hi.

HEBRU 10:12

Hynrei U Khrist u la ainguh shisien kñia namar ki pop, ka jingainguh kaba dap biang junom, bad hadien u la shong ha ka liang kamon jong U Blei.

HEBRU 10:26

Naba yn ym don shuh kano kano ka jingkñia kaba lah ban kit noh ïa ki pop lada ngi ïai leh pop hadien ba ngi la tip ïa ka jingshisha.

HEBRU 10:4

Namar ka snam ki masi kyrtong bad ki blang kan ym lah ban kit noh ïa ki pop.

HEBRU 4:3

Ngi kiba ngeit, te, ngi ïohpdiang ïa kata ka jingjahthait ïa kaba U Blei u la kular. Ka la long kumba u la ong, “Nga la bitar bad pynlong ka jingkular kyntang: ‘Kin ym ïohrung da lei lei sha ka ri ha kaba ngan ai ha ki ka jingjahthait!’ ” U la kren ïa kane wat haba la pyndep ïa ka kam jong u naduh ka por ba u la thaw ïa ka pyrthei.

HEBRU 7:27

Um long kum kiwei pat ki rangbah lyngdoh; um da donkam ban da ai jingkñia man ka sngi na ka bynta ki pop jong u hi nyngkong ïa lade bad nangta na ka bynta ki pop jong ki briew. U ai kawei ka jingkñia, tang shisien hi, haba u la kñia noh ïa lade.

HEBRU 9:12

Haba U Khrist u la ïaid lyngba kane ka ïingjaiñ bad rung tang shisien shapoh ka Jaka Bakyntang Tam, um shym la shim ïa ka snam ki blang bad ki masi kyrtong ban ainguh kum ka jingkñia; hynrei, u shim ïa la ka jong ka snam, bad pynïoh ïa ka jingim bymjukut na ka bynta jong ngi.

HEBRU 9:14

Namar ba kane ka long kaba shisha, kaba katno tam lah ban pyndep da ka snam U Khrist! Lyngba U Mynsiem bymjukut u la aiti ïa lade kum ka jingkñia kaba janai ha U Blei. Ka snam jong u kan pynkhuid ïa ka jingïatiplem jong ngi na ki niam ki rukom ki bymmyntoi, khnang ba ngi lah ban shakri ïa U Blei uba im.

1 PETROS 1:20

La jied ïa u da U Blei ha shuwa ka jingpynlong ïa ka pyrthei bad la pynpaw ha kine ki sngi kiba khatduh na ka bynta jong phi.

1 PETROS 2:24

U Khrist da lade hi u la bah noh ïa ki pop jong ngi ha ka met jong u sha ka diengphna, khnang ba ngin ïap ïa ka pop bad ïoh im na ka bynta ka hok. Ka dei da ki jingjngem snam jong u ba la pynkhiah ïa phi.

1 PETROS 3:18

Naba U Khrist u la ïap na ka bynta ki pop tang shisien bad na ka bynta ki por baroh, u briew uba bha na ka bynta ki nongpop, ba un ïoh ïalam ïa phi sha U Blei. La pynïap ïa u ha ka doh, hynrei la pynim pat ïa u ha ka mynsiem,

1 PETROS 4:7

Kaba kut jong kiei kiei baroh ka la jan. Phi dei ban long kiba lah ban synshar ïa lade bad kiba sharai, ban lah ban duwai.

1 ÏOANNIS 3:5

Phi tip ba U Khrist u la paw ban bah noh ïa ki pop, bad kam don kano kano ka pop ha u.

1 ÏOANNIS 3:8

Uno uno uba ïai leh ïa ka pop, u long jong u Soitan, namar u Soitan u la leh pop naduh kaba mynnyngkong eh. U Khun U Blei u la paw na ka bynta kane hi ka daw, ban pynjot noh ïa kaei kaba la leh da u Soitan.

JINGPYNPAW 13:8

Baroh ki briew kiba shong ha ka pyrthei kin mane ïa u, lait noh ïa kito kiba ïa ki kyrteng jong ki la thoh ha shuwa ka jingpynlong ïa ka pyrthei ha ka kitab jong kiba im kiba dei ki jong uta U Khunlangbrot ïa uba la shah pynïap.

JINGPYNPAW 17:8

Uta u mradkhlaw u la ju im shisien, hynrei um shym im shuh; u la jan wan kiew na ka liewlong khlem trai bad un mih ban shah pynjot. Ki briew kiba shong ha ka pyrthei kiba ïa ki kyrteng jong ki ym shym la thoh ha ka kitab jong kiba im ha shuwa ban pynlong ïa ka pyrthei, kin ïasngew kyndit lut katba ki dang khmih ïa u mradkhlaw. U la ju im shisien; mynta um shym im shuh, hynrei un wan mih biang.