HEBRU 9:25 - Khasi CL Bible (BSI)

²⁵ U rangbah lyngdoh jong ki Jiw u leit rung shapoh ka Jaka kaba Kyntang Tam man ka snem ryngkat bad ka snam ki mrad. Hynrei U Khrist um shym la rung shapoh ban kñia ainguh ïa lade bunsien.

KA BAIBL

²⁵ hynrei, ym ba un ainguh ïa lade bunsien, kumba u rangbah lyngdoh u leit rung sha kata ka Jaka kyntang ha la ka snem ym da la ka jong ka snam;

HEBRU 9:25 Mawu Ofanana

EKSODOS 30:10

Shisien shisnem, u Aaron un pyndep ïa ka jinglehniam ban pynkhuid ïa ka duwan da kaba buh ha ki reng jong ka baroh saw tylli ïa ka snam jong ka jingkñia na ka bynta ka pop. Dei ban leh ïa kane man ka snem ha ki por baroh ki ban wan. Kane ka duwan ka dei ban long kaba khuid, kaba la pynkyntang sha nga, U Trai.”

HEBRU 10:10

Namar ba U Jisu Khrist u la leh ïa kaei kaba U Blei u kwah ïa u ban leh, ïa ngi baroh la pynkhuid na ka pop da ka jingainguh kaba u la aiti ïa la ka jong ka met tang shisien hi.

HEBRU 10:19

Ngi don, namar kata, ko parabangeit jong nga ïa ka jinglaitluid ba-pura ban rung shapoh ka Jaka Kaba Kyntang Tam da kata ka jingïap U Jisu.

HEBRU 9:12

Haba U Khrist u la ïaid lyngba kane ka ïingjaiñ bad rung tang shisien shapoh ka Jaka Bakyntang Tam, um shym la shim ïa ka snam ki blang bad ki masi kyrtong ban ainguh kum ka jingkñia; hynrei, u shim ïa la ka jong ka snam, bad pynïoh ïa ka jingim bymjukut na ka bynta jong ngi.

HEBRU 9:14

Namar ba kane ka long kaba shisha, kaba katno tam lah ban pyndep da ka snam U Khrist! Lyngba U Mynsiem bymjukut u la aiti ïa lade kum ka jingkñia kaba janai ha U Blei. Ka snam jong u kan pynkhuid ïa ka jingïatiplem jong ngi na ki niam ki rukom ki bymmyntoi, khnang ba ngi lah ban shakri ïa U Blei uba im.

HEBRU 9:2

Ïa ka Ïingjaiñ la pynïeng, ka bynta kaba ha khmat, ïa kaba la khot ka Jaka Bakyntang. Ha ka la buh ïa u diengpynïeng sharak bad ka miej lem bad u kpu ïa uba la ainguh sha U Blei.

HEBRU 9:26

Lymda kumta ka la dei ïa u ban shah bunsien naduh myn dang long ka pyrthei. Pynban, mynta haba ka por baroh ka la jan poi sha kaba kut, u la paw tang shisien hi, ban pyndam noh ïa ka pop da kaba kñia ïa lade.

HEBRU 9:7

hynrei tang u rangbah lyngdoh uba rung sha ka bynta kaba shapoh jong ka Ïingjaiñ, bad u leh kumta tang shisien shisnem. U rah bad u ïa ka snam ïa kaba u ainguh ha U Blei na ka bynta ïa lade bad na ka bynta ki pop ba ki briew ki leh khlem sngewthuh ba ki la leh pop.