HEBRU 9:24 - Khasi CL Bible (BSI)

²⁴ Namar U Khrist um shym la leit rung shapoh ka Jaka kaba Kyntang Tam ba la shna da u briew, kaba long tang ka jingpyrthuh bud ïa kata kaba shisha. U la rung shapoh ka bneng hi, ha kaba mynta u mihkhmat na ka bynta jong ngi ha ka jingdon ryngkat U Blei.

KA BAIBL

²⁴ Namar U Khrist u la leit rung ym sha ka Jaka kyntang ba la thaw da ki kti, kaba syriem ïa kata kaba shisha; hynrei, sha kata ka bneng hi, mynta ban paw ha khmat U Blei na ka bynta jong ngi:

HEBRU 9:24 Mawu Ofanana

SALM 68:18

U kiew sha kiba kynjang, u da ïalam bad u shibun ki koidi; u pdiang ki jingai sngewbha na ki briew kiba ïeng ïaleh pyrshah. U Trai U Blei un ïoh shong hangta.

EKSODOS 28:12

Buh ïa ki ha ki tyllai tawah tyrpeng jong ka ephod ba kin ïeng na ka bynta ki khat-ar jait Israel. Ha kane ka rukom u Aaron un kit ïa ki kyrteng jong ki ha la ka tyrpeng khnang ba ma nga, U Trai, ngan ïai kynmaw ïa ki briew jong nga.

EKSODOS 28:29

“Haba u Aaron u rung sha ka Jaka Kyntang, un phong ïa kane ka jingdeng shadem ha kaba la thoh ïa ki kyrteng jong ki khat-ar jait Israel, khnang ba ma nga, U Trai, ngan ïai kynmaw ïa la ki briew.

SEKHARAÏAH 3:1

Ha kawei pat ka jingïohipaw, U Trai u la pyn-i ha nga ïa u Joshua u rangbah lyngdoh uba ïeng ha khmat u angel jong U Trai. Bad hangta hajan jong u Joshua la ïeng u Soitan, uba la khreh ban wallam ka jingmudui pyrshah ïa u.

MATHAÏOS 18:10

“To sumar ba phin ym ibeiñ ïano ïano na kine kiba rit. Ki angel jong ki ha bneng, nga ong ha phi, ki ïai don ha ka jingdon ryngkat jong U Kpa jong nga uba ha bneng.

MARKOS 14:58

“Ngi la ïohsngew ba u ong, ‘Ngan pynjot ïa kane ka Templ kaba ki briew ki la tei, bad hadien lai sngi ngan tei ïa kawei pat kaba ym shym la shna da ki briew’ ”

MARKOS 16:19

Hadien ba U Trai Jisu u la lah kren bad ki, ïa u la shim noh sha bneng bad u la shong ha ka liang kamon jong U Blei.

LOUKAS 24:51

Katba u dang kyrkhu ïa ki, u la leit noh na ki bad la shim noh ïa u sha bneng.

ÏOANNIS 16:28

Nga la wan na U Kpa, bad nga la wan sha ka pyrthei; bad mynta ngan sa iehnoh ïa ka pyrthei bad ngan leit sha U Kpa.”

ÏOANNIS 6:62

Shu tharai, te, ba phi dei ban ïohi ïa U Khun U briew ba u leit kiew pat sha ka jaka ha kaba u la don mynshuwa.

KI KAM 3:21

U dei ban don ha bneng tad ynda ka poi ka por ha kaba yn thaw thymmai kiei kiei baroh, kumba U Blei u la pynbna lyngba ki nongïathuhlypa bakhuid jong u kiba la im slem bah mynshuwa.

Ka Shithi U Paul Sha Ki Nong Rom 8:33

Uei u ban mudui ïa kiba la jied jong U Blei? U Blei hi da lade u la pynbna ba ki long khlem pop!

2 KORINTH 5:1

Naba ngi tip ba haba kane ka ïingjaiñ kaba ngi shong — ka met jong ngi hangne ha pyrthei — ka la jot noh, U Blei un buh ha bneng ïa ka ïing na ka bynta jong ngi ba ngin shong, ka ïing kaba ma u hi u la thaw, ka ban neh junom la junom.

KOLOSSAI 3:2

To pynneh ïa ki jingmut jong phi ha kiei kiei kiba hangta, ym ha kiei kiei kiba hangne ha khyndew.

HEBRU 1:3

U pynpaw ïa ka jingtyngshaiñ ka burom U Blei bad u ïasyriem thik bad ka dur U Blei hi, uba kyrshan ïa ka pyrthei da ka ktien badonbor jong u. Hadien ba u la ïohpdiang ka jingmap ïa ki pop u khunbynriew, u la shong ha bneng ha ka liang kamon jong U Blei, U Bakhrawbor Tam.

HEBRU 12:2

To ngin ïakhmih shaiñ sha U Jisu, ha uba ka jingngeit jong ngi ka don naduh kaba sdang haduh kaba kut. U bym shym la kynran dien namar ka diengphna! Pynban, namar ka jingkmen kaba la ap ïa u, um shym pyrkhat ei ei ïa ka jingjahburom ban shahïap halor ka diengphna, bad mynta u la shong ha ka liang ka mon jong ka khet U Blei.

HEBRU 4:14

Te, to ngin batskhem ïa ka jingngeit ïa kaba ngi phla. Naba ngi don U Rangbah Lyngdoh uba khraw uba la leit haduh ka jingdon ryngkat U Blei — U Jisu, U Khun U Blei.

HEBRU 6:20

Na ka bynta jong ngi U Jisu u la rung hapoh hangta shuwa jong ngi, bad u la jia long U Rangbah Lyngdoh junom, ha ka rukom long lyngdoh u Melkhisedek.

HEBRU 8:2

U shakri kum U Rangbah Lyngdoh ha ka Jaka kaba Kyntang Tam, kata ka long, ha ka ïingjaiñ kaba shisha ïa kaba U Trai u la pynïeng, ym da u briew.

HEBRU 8:5

Ka kam kaba ki leh kum ki lyngdoh ka long shisha tang kum ka dur bad ka syrngiew ïa kaei kaba don ha bneng. Ka la long kajuh kumba ka la long bad u Moses. Haba u la dei ban thaw ïa kata ka Ïingjaiñ ka Jutang, U Blei u la ong ha u, “Pynthikna ban thaw ïa kiei kiei baroh kat kum kata ka nongmuna ïa kaba la pyn-i ha me halor uta u lum.”

HEBRU 9:1

Ka jutang kaba nyngkong ka la don ki rukom pynïaid ïa ka jingmane Blei bad kumjuh ruh ka jaka ba la shna da u briew ban mane.

HEBRU 9:23

Kito kiei kiei, ïa kiba la shim nuksa na kita kiba la sdang ha bneng, la dei ban pynkhuid ha kata ka rukom. Hynrei kita kiba kynja bneng hi ki donkam ïa ki jingkñia kiba kham bha shuh shuh.

HEBRU 9:9

Kane ka long ka dur kaba kdew sha ka por kaba mynta. Ka mut ba ka jingainguh bad ki jingkñia da ki mrad ïa kiba la ai sha U Blei kim lah satia ban pynjanai ïa ka dohnud jong uta uba mane,

1 PETROS 3:22

uba la leit noh sha bneng bad u don ha ka kti kamon U Blei, da kaba synshar halor ki angel baroh bad ki nongsynshar bad ki bor ba kynja bneng.

JINGPYNPAW 8:3

Uwei pat u angel, uba bat ïa ka pliang thang jingiwbih kaba da ka ksiar, u la wan bad u la ïeng ha ka duwan. La ai ha u shikatdei ka jingiwbih ryngkat bad ki jingduwai jong ki briew jong U Blei baroh bad ban ai ïa ka halor ka duwan ksiar kaba ïeng ha khmat kata ka khet.