HEBRU 9:23 - Khasi CL Bible (BSI)

²³ Kito kiei kiei, ïa kiba la shim nuksa na kita kiba la sdang ha bneng, la dei ban pynkhuid ha kata ka rukom. Hynrei kita kiba kynja bneng hi ki donkam ïa ki jingkñia kiba kham bha shuh shuh.

KA BAIBL

²³ La donkam, namar kata, ban pynkhuid ïa ki dur jong kita kiei kiei kiba ha bneng da kine; hynrei, ïa kita kiei kiei kiba kynja bneng hi da ki jingkñia ba kham bha ban ïa kine.

HEBRU 9:23 Mawu Ofanana

LOUKAS 24:26

Hato kam long kaba donkam ïa U Messaïah ban shahshitom ïa kine kiei kiei baroh bad nangta ban rung sha ka burom jong u?”

LOUKAS 24:46

“Kane ka long kaei kaba la thoh: U Messaïah u dei ban shahshitom bad u dei ban mihpat na ka jingïap hadien lai sngi,

ÏOANNIS 14:3

Bad hadien ba nga la leit bad pynkhreh ka jaka ïa phi, ngan wan pat bad ngan shim ïa phi ha lade hi, ba phi ruh phin don ha ka jaka kaba nga don.

KI KAM 23:15

Mynta te, ma phi bad ka Dorbar to phah ktien sha u rangbah ai hukum ka kynhun shipai Rom ban wallam ïa u Paul sha phi, da kaba leh mynleh ba phi kwah ban ïoh ka jingtip kaba thikna shaphang jong u. Hynrei ngin long kiba la khreh ban pynïap ïa u ha shuwa ba un poi hangne.”

KOLOSSAI 2:17

Baroh kiba kum kita ki long tang ka syrngiew jong kiei kiei ha ka lawei; ka jingshisha ka long U Khrist.

HEBRU 10:1

Ka Hukum ki Jiw kam dei ka nuksa ba-pura bad baïaineh jong kiei kiei kiba shisha; ka long tang ka nuksa batlot jong kita kiei kiei kiba bha ki ban sa wan. Ïa kijuh ki jait jingkñia la ju ainguh lynter, na kawei ka snem sha kawei pat ka snem. Kumno kata ka Hukum, te, da kaba leh ïa kine ki jingkñia kan lah ban pynjanai ïa ki briew kiba wan sha U Blei?

HEBRU 10:4

Namar ka snam ki masi kyrtong bad ki blang kan ym lah ban kit noh ïa ki pop.

HEBRU 8:5

Ka kam kaba ki leh kum ki lyngdoh ka long shisha tang kum ka dur bad ka syrngiew ïa kaei kaba don ha bneng. Ka la long kajuh kumba ka la long bad u Moses. Haba u la dei ban thaw ïa kata ka Ïingjaiñ ka Jutang, U Blei u la ong ha u, “Pynthikna ban thaw ïa kiei kiei baroh kat kum kata ka nongmuna ïa kaba la pyn-i ha me halor uta u lum.”

HEBRU 9:14

Namar ba kane ka long kaba shisha, kaba katno tam lah ban pyndep da ka snam U Khrist! Lyngba U Mynsiem bymjukut u la aiti ïa lade kum ka jingkñia kaba janai ha U Blei. Ka snam jong u kan pynkhuid ïa ka jingïatiplem jong ngi na ki niam ki rukom ki bymmyntoi, khnang ba ngi lah ban shakri ïa U Blei uba im.

HEBRU 9:24

Namar U Khrist um shym la leit rung shapoh ka Jaka kaba Kyntang Tam ba la shna da u briew, kaba long tang ka jingpyrthuh bud ïa kata kaba shisha. U la rung shapoh ka bneng hi, ha kaba mynta u mihkhmat na ka bynta jong ngi ha ka jingdon ryngkat U Blei.

JINGPYNPAW 5:9

Ki la rwai ka jingrwai bathymmai: “Me long uba dei hok ban shim ïa ka kot kli bad ban pynpait ïa ki jingpyndait jong ka. Naba la pynïap ïa me, bad da ka jingïap ba aiti lut jong me me la siew kuna na ka bynta ki briew jong U Blei na kawei pa kawei ka jait, ka jait ktien, ka hima bad ka jaitbynriew.