HEBRU 9:21 - Khasi CL Bible (BSI)

²¹ Ha kajuh ka rukom u Moses ruh u la synreit ïa ka snam halor kata ka Ïingjaiñ ka Jutang bad halor kiei kiei baroh ïa kiba la pyndonkam ha ka jingmane.

KA BAIBL

²¹ Nalor kane, u la synreit halor kata Ka Tabernakl bad ki pliang niam baroh da ka snam kumjuh.

HEBRU 9:21 Mawu Ofanana

EKSODOS 24:6

U Moses u shim shiteng na ka snam jong kita ki mrad bad u buh ïa ka ha ki dabor, bad shiteng pat na kata ka snam u synreit ha kata ka duwan.

EKSODOS 29:12

Shim khyndiat ka snam jong uta u masi lyngraw, bad tah ïa ka da ka shynriah'ti jong me ha ki reng jong kata ka duwan. Nangta, theh ïa ka snam kaba sah ha trai jong kata ka duwan.

EKSODOS 29:20

Pynïap ïa u, shim khyndiat ka snam jong u, bad tah ïa ka ha ki shkor kamon jong u Aaron bad ki khun shynrang jong u, ha ki 'tikmie kamon jong ki, bad ha ki 'jatkmie kamon jong ki. Synreit ïa ka snam kaba sah, sawdong kata ka duwan.

EKSODOS 29:36

Man la ka sngi me dei ban kñia uwei u masi lyngraw kum ka jingkñia, khnang ba yn map ïa ka pop. Kane kan pynkhuid ruh ïa kata ka duwan. Nangta kyllan ïa ka da ka umphniang Olib ban pynkyntang ïa ka.

EKSODOS 40:9

“Nangta, pynkyntang ïa ka Ïingjaiñ, bad ïa ki jingbuh jingsat jong ka baroh da kaba synreit da ka umphniang pynsleh; te kan sa long kaba kyntang.

LEBITIKOS 8:15

U Moses u pynïap ïa u, u shim khyndiat ka snam, bad u pyndei ïa ka da la ka shynriah'ti ha ki reng kiba don ha ki dong jong ka duwan, khnang ban pynkyntang ïa ka. Nangta u theh ïa ka snam kaba sah baroh ha trai ka duwan. Ha kane ka rukom u pynkyntang ïa ka bad u pynkhuid ïa ka.

LEBITIKOS 8:19

U Moses u pynïap ïa u, bad u theh ïa ka snam ha baroh sawdong jong ka duwan.

LEBITIKOS 9:18

U pynïap ïa u masi lyngraw bad ïa u langbrot kum ka jingkñia ainguh ïasyllok na ka bynta ki paidbah. Ki khun shynrang jong u ki wanrah ha u ïa ka snam, bad u theh ïa ka sawdong ka duwan.