HEBRU 9:19 - Khasi CL Bible (BSI)

¹⁹ Nyngkong, u Moses u la pynbna ha u paidlang ïa ki hukum baroh kat kum ba la buh ha ka hukum. Nangta u la shim ïa ka snam ki masi kyrtong bad ki blang, u la khleh ïa ka bad ka um, bad u la synreit ïa ka halor kata ka kitab ka hukum bad halor u paidbah baroh, da kaba pyndonkam ïa u tnat Hissop bad katto katne u 'saiwul uba saw.

KA BAIBL

¹⁹ Namar ynda u Moses u la lah kren ïa ka hukum baroh ha uta u paidlang baroh katba kum ka hukum, u la shim ka snam ki khun masi bad ki blang, lem bad ka um, bad u 'ñiuh langbrot basaw hain, bad u Hyssop, bad u la synreit ïa kata Ka Kitab hi ruh bad ïa uta u paidlang baroh,

HEBRU 9:19 Mawu Ofanana

SALM 51:7

Weng noh ïa ka pop jong nga, bad ngan long khuid; sait ïa nga, bad ngan kham lieh ïa ka ïor.

EKSODOS 12:22

Shim shi song u Hissop bad wieh ïa u ha ka pliang kaba don ïa ka snam jong uta u mrad, bad tah ïa kata ka snam ha ki shawkad bad ha u bim ha khlieh ka jingkhang ïing jong phi. Uwei ruh um bit ban mih shabar na ïing haduh mynstep.

ISAÏAH 52:15

Hynrei mynta bun ki hima kin sngewphylla ïa u, bad ki syiem kin ym lait kren namar ka jingsngew lyngngoh. Kin ïohi bad kin sngewthuh katto katne kaba kim pat ju tip mynno mynno.”

ESEKIEL 36:25

Ngan synreit ïa phi da ka um khuid, bad ngan pynkhuid ïa phi na ki bleithaw jong phi bad na baroh kiei kiei kiba la pyntngit ïa phi.

LEBITIKOS 1:10

Lada uta u briew u wallam ïa ka jingainguh da uwei na ki blang ne ki langbrot jong u, u dei ban long da u shynrang uba khlem kano kano ka jingduna.

LEBITIKOS 3:6

Lada u wallam ïa u langbrot ne u 'langsohmoh kum ka jingainguh ïasyllok, u lah ban long da u shynrang ne ka kynthei kiba khlem kano kano ka jingduna.

JINGKHEIÑ 19:18

Ha ka bynta kaba nyngkong u briew uba khuid kat kum ka jinglehniam un shim ïa u tnat Hissop, un wieh ïa u ha kata ka um, bad un synreit ha kata ka ïingjaiñ, ha ki jingbuh jingsat baroh, bad ha ki briew kiba don hangta. Ha ka bynta kaba ar, uta uba khuid kat kum ka jinglehniam un synreit ïa kata ka um ha kita kiba la ktah ïa ka shyieng briew, lane ïa ka metïap, lane ïa ka jingtep.

JINGKHEIÑ 19:6

Nangta, un shim katto katne ka dieng Kedar, u tnat Hissop, bad u tyllai uba rong saw bad un bret ïa ki ha ka ding.

MATHAÏOS 27:28

Ki la sloit ïa ki jaiñ jong u bad ki la buh ka jaiñkup sawbthuh halor jong u.

MARKOS 15:17

Ki la pynkup ïa ka jaiñkup basawbthuh ha U Jisu, ki la thaw ïa ka pansngiat na ki tnat ba don shiah, bad pynphong ïa ka ha ka khlieh jong u.

MARKOS 15:20

Haba ki la dep na kaba rkhiebeiñ ïa u, ki la law noh ïa ka jaiñkup basawbthuh bad ki la pynkup pat halor jong u da ki jaiñ jong u hi. Nangta ki ïalam noh ïa u ban sahnarphna.

ÏOANNIS 19:2

Ki shipai ki la thaw ïa ka pansngiat da ki tnat ba don shiah bad ki la pynphong halor ka khlieh jong u; nangta ki la pynkup ïa ka jaiñ sawbthuh ha u bad ki la wan sha u bad ki la ong,

ÏOANNIS 19:5

Kumta U Jisu u la mih shabar, da kaba phong ïa ka pansngiat shiah bad kup da ka jaiñkup kaba sawbthuh. U Pilat u la ong ha ki, “Khmih! hangne uta u briew!”

HEBRU 1:1

Ha ki por mynbarim, U Blei u la kren ha ki kpa tymmen jong ngi bunsien bad ha ki rukom kiba bun lyngba ki nongïathuhlypa.

HEBRU 10:22

Kumta to ngin wan sha jan U Blei da ka dohnud kaba sngur bad da ka jingngeit kaba skhem, da ki dohnud ïa kiba la pynkhuid na ka jingsngew rem ryngkat bad ki met ïa kiba la sait da ka um kaba khuid.

HEBRU 10:4

Namar ka snam ki masi kyrtong bad ki blang kan ym lah ban kit noh ïa ki pop.

HEBRU 12:24

Phi la wan sha U Jisu, uba la pynlong ïa ka jutang bathymmai, bad sha ka snam ba la synreit, kaba kular bun kiei kiei kiba kham bha ban ïa ka snam u Abel.

HEBRU 9:12

Haba U Khrist u la ïaid lyngba kane ka ïingjaiñ bad rung tang shisien shapoh ka Jaka Bakyntang Tam, um shym la shim ïa ka snam ki blang bad ki masi kyrtong ban ainguh kum ka jingkñia; hynrei, u shim ïa la ka jong ka snam, bad pynïoh ïa ka jingim bymjukut na ka bynta jong ngi.

HEBRU 9:13

Ka snam jong ki blang bad ki masi kyrtong bad u dpei jong u masi lud la synreit halor ki briew ïa kiba la ñiew bymkhuid kat kum ka jinglehniam, bad kane ka pynkhuid ïa ki da kaba weng noh ïa ka jingbymkhuid katba kum ka jinglehniam.

HEBRU 9:18

Kata ka long balei ba wat ka jutang kaba nyngkong ka treikam tang da kaba pyndonkam da ka snam.

1 PETROS 1:2

Ïa phi la jied kat kum ka jingthmu U Blei uba U Kpa bad la pynlong ïa phi ki briew kiba khuid da U Mynsiem jong u, ban kohnguh ïa U Jisu Khrist bad ban ïoh pynkhuid da ka snam jong u. To ai ba ka jingaiei bad ka jingsuk kin long kiba dap pura ïa phi.