HEBRU 9:14 - Khasi CL Bible (BSI)

¹⁴ Namar ba kane ka long kaba shisha, kaba katno tam lah ban pyndep da ka snam U Khrist! Lyngba U Mynsiem bymjukut u la aiti ïa lade kum ka jingkñia kaba janai ha U Blei. Ka snam jong u kan pynkhuid ïa ka jingïatiplem jong ngi na ki niam ki rukom ki bymmyntoi, khnang ba ngi lah ban shakri ïa U Blei uba im.

KA BAIBL

¹⁴ da katno tam ka snam U Khrist, uba da U Mynsiem bymjukut u la ainguh ïa lade ba khlem jingduna ha U Blei, kan pynkhuid ïa ka jingïatiplem jong phi na ki jingleh baïap, ïa ka ban shakri ïa U Blei ba-im?

HEBRU 9:14 Mawu Ofanana

2 SAMUEL 4:11

Katno kaba kham sniew kan long ïa ki riewbymman kiba pynïap ïa u briew uba lui lui uba dang ïohthiah ha la ka jong ka ïing! Mynta ngan pynhiarkput ïa phi namar ka jingpynïap ïa u bad ngan pyndam ïa phi na sla khyndew!”

2 SYIEM 19:16

Mynta, A Trai, khmih ïa kaei kaba jia ha ngi. Shahshkor ïa baroh kiei kiei kiba u Sennakherib u ong ban ibeiñ ïa me, U Blei uba im.

Ka Kitab U Job 15:16

Bad ngi dih ïa ka jingbymman la kum ba ka dei ka um; ho-oid, ngi long kiba bamsap; ngim dondor ei ei.

SALM 51:2

To sait ïa ka jingbymman jong nga baroh bad pynlong ïa nga uba khuid na ka pop jong nga!

EKSODOS 12:5

Lah ban jied da ka langbrot ne da ka blang, tangba u dei ban long u shynrang uba shisnem bad u bym don kano kano ka jingduna.

ISAÏAH 42:1

U Trai u ong, “Une u long u shakri jong nga, uba nga pynshaitbor — Uta uba nga la jied, ha u nga shem sngewbha. Nga la pyndap ïa u da U Mynsiem jong nga, bad un wallam jingbishar hok ha man la ka jaitbynriew.

ISAÏAH 53:9

La buh ïa u ha ka jingtep lem bad ki bymman, la tep ïa u bad kiba riewspah, wat la um shym la leh kano kano ka kam bymman lane um shym la shukor ïano ïano.”

ISAÏAH 57:15

“Nga long U Blei uba khraw bad uba khuid, uba im shi junom. Nga shong ha ki jaka kiba jrong bad kiba khuid, bad nga im ruh bad ki briew kiba sngewrit bad kylla-kaba-mut, kumta ba ngan pynïoh biang ïa ka jingsngewskhem bad ka jingkyrmen jong ki.

ISAÏAH 61:1

U Trai Nongsynshar u la pyndap ïa nga da U Mynsiem jong u. U la jied ïa nga bad phah ïa nga ban wallam ïa ka khubor babha sha kiba duk, ban pynkhiah ïa kiba la pait dohnud, ban pynbna ka jingpyllait ïa ki mraw bad ka jinglaitluid ïa kito kiba ha ka byndi.

JEREMAÏAH 10:10

Hynrei ma me, A Trai, me long U Blei bashisha, me long U Blei uba im bad u syiem bymjukut. Haba me bitar, ka pyrthei ka khynñiuh; ki jaitbynriew kim lah shah ïa ka jingbitar jong me.

ESEKIEL 45:18

U Trai Nongsynshar u la ong, “Ha ka sngi kaba nyngkong jong u bnai banyngkong phin kñia ïa u masi kyrtong u bym don kano kano ka jingduna bad ban pynkhuid ïa ka Templ.

DANIEL 6:26

Nga hukum ba ha kylleng ka hima jong nga uwei pa uwei u dei ban sheptieng bad burom ïa U Blei jong u Daniel. “U long U Blei uba im bad un synshar junom. Ïa ka hima jong u yn ym pynjot lano lano ruh, bad ka bor jong u kan ym poi lano lano ruh sha ka jingkut.

LEBITIKOS 22:20

Lada phi ainguh da u jingri uba don kano kano ka jingduna, U Trai un ym pdiang.

JINGKHEIÑ 28:11

Man ba sdang u bnai, wanrah ka jingainguh thang sha U Trai: ar tylli ki masi lyngraw, uwei u langbrot, bad hynñiew tylli ki khunlangbrot shynrang kiba shisnem ka rta, ki bym don kano kano ka jingduna.

JINGKHEIÑ 28:3

Kine ki long ki jingainguh bam kiba dei ban wanrah sha U Trai: na ka bynta ka jingainguh thang kaba man ka sngi, ar tylli ki khunlangbrot shynrang kiba shisnem ka rta ki bym don kano kano ka jingduna.

JINGKHEIÑ 28:9

Ha ka sngi Sabbaton ainguh ar tylli ki khunlangbrot shynrang kiba shisnem ka rta bad ki bym don kano kano ka jingduna lem bad ar kilo u 'purew ba la khleh bad ka umphniang Olib kum ka jingainguh bam, bad ka jingainguh da ka waiñ.

MATHAÏOS 12:28

Em, ym dei u Beelsebul, hynrei U Mynsiem U Blei, uba ai ha nga ka bor ban beh noh ïa ki ksuid, kaba pynshisha ba ka Hima U Blei ka la da wan lypa ha phi.

MATHAÏOS 16:16

U Simon Petros u la jubab, “Me long U Messaïah, U Khun jong U Blei uba im.”

MATHAÏOS 20:28

kum U Khun U Briew, u bym shym la wan ba un shah shakri, hynrei ban shakri bad aiti ïa la ka jingim ban siewspah ïa ki briew kiba bun.”

MATHAÏOS 7:11

Phi kiba sniew eh, phi tip kumno ban ai kiei kiei kiba bha ïa ki khun jong phi. Kaba katno tam keiñ, ba U Kpa jong phi uba ha bneng un ai kiei kiei kiba bha ha kito kiba pan na u!

LOUKAS 12:24

Khmih ïa ki tyngab: Kim shym bet symbai lane lum ïa ka jingot; kim don ki jaka kynshew lane ki thiar; U Blei u bsa ïa ki! Phi long kiba kor kham bun shah ban ïa ki sim!

LOUKAS 12:28

U long U Blei uba pynkup ïa u phlang khlaw — u phlang uba don hangne mynta bad uba jah noh la shai, ïa uba la thang noh ha ka lawar ding. Hato Un ym jin da la thikna ban pynkup jaiñ ïa phi? A katno kaba rit ka jingngeit phi don!

LOUKAS 4:18

“U Mynsiem jong U Trai u long ha nga, namar ba u la jied ïa nga ban wallam ka khubor babha ha kiba duk. U la phah ïa nga ban pynbna ka jingpyllaitluid ïa ki koidi bad ka jingpynïoh ïa ka jingimat ha kiba matlah; ban pyllait ïa kiba la shah banbeiñ

ÏOANNIS 3:34

Uta ïa uba U Blei u la phah, u kren ïa ki ktien jong U Blei, namar ba U Blei u ai ha u ïa ka jingdap jong U Mynsiem jong u.

KI KAM 1:2

Ha shuwa ban shim noh shajrong ïa u, u la ai ki jingbthah da ka bor U Mynsiem Bakhuid ha ki rangbah kiba u la jied kum ki apostol jong u.

KI KAM 10:38

Phi tip shaphang U Jisu uba na Nasareth bad kumno U Blei u la theh halor jong u ïa U Mynsiem Bakhuid bad ïa ka bor. U la leit kylleng, u da leh ki kam babha bad u da pynkhiah ïa baroh kiba la long hapoh ka bor jong u Ksuid, naba U Blei u la don lem bad u.

KI KAM 14:15

“Balei phi leh ïa kane? Ngi hi ngi long tang ki briew kiba kum ma phi! Ngi don hangne ban pynbna ïa ka Khubor Babha, ban pynphai noh ïa phi na kine kiei kiei ki bymmyntoi sha U Blei uba im, uba la thaw ïa ka bneng, ïa ka khyndew, ïa ka duriaw, bad ïa baroh kat kaba don ha ki.

KI KAM 15:9

Um shym la pynïapher ei ei hapdeng jong ngi bad ki; u la map ïa ki pop jong ki namar ba ki la ngeit.

Ka Shithi U Paul Sha Ki Nong Rom 1:20

Naduh ba U Blei u la thaw ïa ka pyrthei, ki jinglong bym lah ban ïohi jong u, ka bor bymjukut bad ka jinglong ba kynja Blei jong u, la ïohi shai kdar; la ïohi ïa ki ha kiei kiei kiba U Blei u la thaw. Kumta kito ki briew kin ym lait satia!

Ka Shithi U Paul Sha Ki Nong Rom 1:4

shaphang ka jinglong Blei bakhuid jong u, la pyn-i shynna da ka bor bakhraw ban long U Khun jong U Blei da kaba pynmihpat na ka jingïap.

Ka Shithi U Paul Sha Ki Nong Rom 11:12

Ka pop jong ki Jiw ka la wallam ki jingkyrkhu ba-dap kyrhai ha ka pyrthei, bad ka jingduk ba kynja mynsiem jong ki ka la wallam ki jingkyrkhu ba-dap kyrhai ïa ki Jentil. Te, haduh katno ki jingkyrkhu ba kham khraw kin long haba ïa baroh ki Jiw yn kynthup lang!

Ka Shithi U Paul Sha Ki Nong Rom 11:24

Ma phi ki Jentil phi long kum ka tnat jong u dieng Olib khlaw ïa uba la pynkheiñ bad nangta, pyrshah ïa ka jinglong tynrai, la pynïasoh bad u dieng Olib ba la thung. Ki Jiw ki long kum une u dieng uba la thung; bad kan long kaba kham suk ïa U Blei ban pynïasoh biang ïa kine ki tnat ba la pynkheiñ sha ki dieng jong ki hi.

Ka Shithi U Paul Sha Ki Nong Rom 6:13

Lymne ba phi dei ban pyndem ïa kano kano ka bynta jong phi sha ka pop ha ka jingpyndonkam na ka bynta ki jingthmu bymman. Pynban, phi dei ban ai ïa lade sha U Blei, kum kito ïa kiba la wallam pat na ka jingïap sha ka jingim, bad ban pyndem ha u ïa la ka jingim baroh kawei, ban pyndonkam na ka bynta ki jingthmu bahok.

Ka Shithi U Paul Sha Ki Nong Rom 6:22

Hynrei mynta ïa phi la pyllaitluid na ka pop bad phi long ki mraw jong U Blei. Ka jingmyntoi ïa phi ka long ka jingim ba la aiti lut sha u, bad ka jingmih ka long ka jingim bymjukut.

1 KORINTH 15:45

Naba ka Jingthoh Bakhuid ka ong, “Ïa u briew uba nyngkong, u Adam, la thaw uba don jingim;” hynrei u Adam uba khatduh u la long U Mynsiem uba ai jingim.

2 KORINTH 5:21

U Khrist u la long uba khlem pop, hynrei na ka bynta jong ngi U Blei u la pynlong ïa u ban don bynta ha ka pop jong ngi khnang ba haba ngi don ha u ngin lah ban ïoh bynta na ka hok U Blei.

2 KORINTH 6:16

Kumno ka templ jong U Blei kan don jingïateh bad ki bleithaw? Naba ngi long ka templ jong U Blei uba im! Kumba U Blei da lade hi u la ong, “Ngan pynlong ïa ka ïing jong nga bad ki briew jong nga bad ngan shong hapdeng jong ki; ngan long U Blei jong ki, bad kin long ki briew jong nga.”

GALATIA 2:19

Ha ka jingïadei bad ka Hukum, la kumno kumno nga la ïap — la pynïap da ka Hukum hi — khnang ba nga lah ban im na ka bynta U Blei. La pynïap ïa nga lem bad U Khrist ha ka diengphna jong u,

EPHESOS 2:5

ba haba ngi la long kiba ïap ha ka jinglong ba kynja mynsiem ha ka jingbymkohnguh jong ngi u la wallam ïa ngi sha ka jingim lem bad U Khrist. Ka dei da ka jingaiei U Blei ba la pynim ïa phi.

EPHESOS 5:2

Ïa ka jingim jong phi dei ban synshar da ka jingieit, kumba U Khrist u la ieit ïa ngi bad u la aiti ïa la ka jingim na ka bynta jong ngi kum ka jingainguh ba-iwbih bad ka jingkñia ba pynsngewbha ïa U Blei.

DEUTERONOMI 15:21

Hynrei lada don ei ei kaba duna ha kita ki jingri, lada ki dkoh lane ki matlah, lane lada palat eh kano kano ka jingduna, phim dei ban kñia ïa ki ha U Trai U Blei jong phi.

DEUTERONOMI 17:1

“Wat kñia ainguh ha U Trai U Blei jong phi ïa u masi lane ka langbrot kiba don kano kano ka jingduna; U Trai u isih ïa kaba kum kata.

DEUTERONOMI 31:27

Nga tip haduh katno phi long kiba mutlop bad kiba ïaleh pyrshah. Phi la ïaleh pyrshah ïa U Trai mynba nga dang im, bad ynda nga la ïap lei lei, phin nang kham ïaleh pyrshah ïa u.

DEUTERONOMI 33:27

U Blei u ïailong ka jingïada jong phi; Ki ksang'ti uba na bymjukut ki kyrshan ïa phi. U beh ïa ki nongshun jong phi katba phi nang ïaid sha khmat, Bad u ong ïa phi ban pynjot thiaw ïa ki baroh.

DEUTERONOMI 5:26

Ju don mo u briew uba dang im hadien ba u la ïohsngew ïa U Blei uba im ba u kren napdeng ka ding?

1 THESSALONI 1:9

Kito ki briew baroh, ki kren shaphang kumno ba phi la pdiang ïa ngi myn haba ngi la wan jngoh ïa phi, bad kumno ba phi la phai noh na ki bleithaw sha U Blei, ban shakri ïa U Blei uba shisha bad uba im

1 TIMOTHI 1:17

Ha u Syiem bymjukut, u bymïap shuh bad u bym lah ban ïohi, uba tang ma u hi U Blei — ha u to long ka jingpyndonburom bad ka burom junom la junom! Amen.

1 TIMOTHI 3:15

Hynrei lada la kum pyntud ïa nga, kane ka shithi kan ïathuh ïa me kumno ba ïa lade ngi dei ban long ha ka longïing jong U Blei, kaba long ka balang jong U Blei uba im, ka rijied bad nongkyrshan jong ka jingshisha.

TITOS 2:14

U la aiti ïa lade na ka bynta jong ngi, ban pyllait ïa ngi na ka jingbymman baroh bad ban pynlong ïa ngi ki briew kiba khuid kiba dei ki jong U hi bad kiba kwah hir hir ban leh ïa kaba bha.

HEBRU 1:3

U pynpaw ïa ka jingtyngshaiñ ka burom U Blei bad u ïasyriem thik bad ka dur U Blei hi, uba kyrshan ïa ka pyrthei da ka ktien badonbor jong u. Hadien ba u la ïohpdiang ka jingmap ïa ki pop u khunbynriew, u la shong ha bneng ha ka liang kamon jong U Blei, U Bakhrawbor Tam.

HEBRU 10:10

Namar ba U Jisu Khrist u la leh ïa kaei kaba U Blei u kwah ïa u ban leh, ïa ngi baroh la pynkhuid na ka pop da ka jingainguh kaba u la aiti ïa la ka jong ka met tang shisien hi.

HEBRU 10:12

Hynrei U Khrist u la ainguh shisien kñia namar ki pop, ka jingainguh kaba dap biang junom, bad hadien u la shong ha ka liang kamon jong U Blei.

HEBRU 10:2

Lada ïa u paidlang uba mane ïa U Blei la pynkhuid phar na ki pop jong ki, kin ym sngewrem shuh ïa la ka pop, bad ki jingkñia ainguh baroh kin ym don shuh.

HEBRU 10:22

Kumta to ngin wan sha jan U Blei da ka dohnud kaba sngur bad da ka jingngeit kaba skhem, da ki dohnud ïa kiba la pynkhuid na ka jingsngew rem ryngkat bad ki met ïa kiba la sait da ka um kaba khuid.

HEBRU 11:21

Dei ka jingngeit kaba la pynlong ïa U Jakob ha shuwa ba un ïap ban kyrkhu ïa uwei pa uwei u khun shynrang jong u Joseph. U la shan ha ka tduh u diengduh jong u bad u la mane ïa U Blei.

HEBRU 13:12

Namar kane ka daw U Jisu ruh u la ïap shabar ka nongbah, khnang ban pynkhuid ïa u paidlang na ka pop da ka snam jong u hi.

HEBRU 3:12

Ko parabangeit jong nga, to sumar ïoh ba uno uno na phi u don ka dohnud kaba sniew eh bad bymngeit kat haduh ba un da phai dien noh na U Blei uba im.

HEBRU 6:1

Te, to ngin ïaid shaphrang, sha ka jinghikai ïa kiba ïadei bad kiba la san bad ieh shadien jong ngi ïa ki jinghikai banyngkong ka khubor jong ka jingngeit. Ngim dei ban neh sah ha ka nongrim jong ka jingphai noh na ki kam bymseisoh bad ka jingngeit ha U Blei;

HEBRU 7:16

U la long u lyngdoh, ym da ki jingbuhbeit ryntih bad jingpynïaid ba kynja briew, hynrei lyngba ka bor jong ka jingim kaba ym don jingkut.

HEBRU 7:27

Um long kum kiwei pat ki rangbah lyngdoh; um da donkam ban da ai jingkñia man ka sngi na ka bynta ki pop jong u hi nyngkong ïa lade bad nangta na ka bynta ki pop jong ki briew. U ai kawei ka jingkñia, tang shisien hi, haba u la kñia noh ïa lade.

HEBRU 9:12

Haba U Khrist u la ïaid lyngba kane ka ïingjaiñ bad rung tang shisien shapoh ka Jaka Bakyntang Tam, um shym la shim ïa ka snam ki blang bad ki masi kyrtong ban ainguh kum ka jingkñia; hynrei, u shim ïa la ka jong ka snam, bad pynïoh ïa ka jingim bymjukut na ka bynta jong ngi.

HEBRU 9:26

Lymda kumta ka la dei ïa u ban shah bunsien naduh myn dang long ka pyrthei. Pynban, mynta haba ka por baroh ka la jan poi sha kaba kut, u la paw tang shisien hi, ban pyndam noh ïa ka pop da kaba kñia ïa lade.

HEBRU 9:7

hynrei tang u rangbah lyngdoh uba rung sha ka bynta kaba shapoh jong ka Ïingjaiñ, bad u leh kumta tang shisien shisnem. U rah bad u ïa ka snam ïa kaba u ainguh ha U Blei na ka bynta ïa lade bad na ka bynta ki pop ba ki briew ki leh khlem sngewthuh ba ki la leh pop.

HEBRU 9:9

Kane ka long ka dur kaba kdew sha ka por kaba mynta. Ka mut ba ka jingainguh bad ki jingkñia da ki mrad ïa kiba la ai sha U Blei kim lah satia ban pynjanai ïa ka dohnud jong uta uba mane,

1 PETROS 1:19

ka la long ka jingkñia kaba remdor jong U Khrist, uba la long kum u khunlangbrot uba khlem don jingthohbria lane jingduna.

1 PETROS 2:22

Um shym la leh pop, bad ym shym don mano mano ba la ïohsngew ïa ka jinglamler kaba mih na ki rmiang shyntur jong u.

1 PETROS 2:24

U Khrist da lade hi u la bah noh ïa ki pop jong ngi ha ka met jong u sha ka diengphna, khnang ba ngin ïap ïa ka pop bad ïoh im na ka bynta ka hok. Ka dei da ki jingjngem snam jong u ba la pynkhiah ïa phi.

1 PETROS 3:18

Naba U Khrist u la ïap na ka bynta ki pop tang shisien bad na ka bynta ki por baroh, u briew uba bha na ka bynta ki nongpop, ba un ïoh ïalam ïa phi sha U Blei. La pynïap ïa u ha ka doh, hynrei la pynim pat ïa u ha ka mynsiem,

1 PETROS 4:2

Naduh mynta, te, phi dei ban im ïa kaba sah jong ka jingim ha kane ka pyrthei, ka jingim ba la synshar da ka mon U Blei bad ym da ki jingkwah jong ka doh.

1 ÏOANNIS 1:7

Hynrei, lada ngi ïaid ha ka jingshai — kumba ma u, u long ha ka jingshai — te ngi don ka jingïasyllok paralok hi, bad ka snam U Jisu, U Khun jong u, ka pynkhuid ïa ngi na ka pop baroh.

1 ÏOANNIS 3:5

Phi tip ba U Khrist u la paw ban bah noh ïa ki pop, bad kam don kano kano ka pop ha u.

JINGPYNPAW 1:5

bad na U Jisu Khrist, u sakhi baïaineh, uba nyngkong ïa uba la pynmih na ka jingïap bad uba long ruh u nongsynshar jong ki syiem jong ka pyrthei. U ieit ïa ngi, bad da ka jingïap ba aiti lut jong u, u la pyllait ïa ngi na ki pop

1 SAMUEL 17:26

U Dabid u kylli ïa ki rangbah kiba ïeng hajan jong u, “Un ïoh aïu uta u briew uba pynïap ïa une u Philistia bad uba pyllait ïa ki Israel na kane ka jingjahburom? Nalor kata, uei une u Philistia bymngeit uba ñiewbeiñ ïa ka kynhun ïapom jong U Blei uba im?”