HEBRU 9:11 - Khasi CL Bible (BSI)

¹¹ Hynrei U Khrist u la lah wan lypa kum U Rangbah Lyngdoh jong kiei kiei kiba bha kiba la don lypa hangne. Ka Ïingjaiñ ha kaba u shakri ka long kaba kham khraw bad kaba kham janai; kam dei ka ïingjaiñ kaba la shna da u briew, kata ka long, kam dei ka bynta jong kane ka pyrthei ïa kaba la thaw.

KA BAIBL

¹¹ Hynrei, U Khrist haba u la wan long U Rangbah lyngdoh kita kiei kiei ki babha ki ban sa wan, da Ka Tabernakl kaba kham khraw bad kham janai, ka bym shym la thaw da ki kti, kata ka long, ym na ka jong kane ka pyrthei,

HEBRU 9:11 Mawu Ofanana

JENESIS 49:10

U Judah un bat ïa u diengsynshar syiem, Bad ki khun ki ksiew jong u kin ïai synshar. Ki jaitbynriew kin wanrah ha u ïa ka bai nguh syiem, kin dem bad kohnguh ïa u.

SALM 40:7

Pynban, me la ai ha nga ïa ki shkor ban sngew ïa me, bad kumta nga jubab, “Nga hangne; ki jingbthah jong me ïa nga ki don ha ka kitab ka Hukum.

ISAÏAH 59:20

U Trai un ong ha ki briew jong u, “Ngan wan sha Jerusalem ban ïada ïa phi bad ban pynim ïa phi baroh kiba la phai noh na ki pop jong phi.

JEREMAÏAH 33:8

Ngan pynkhuid ïa ki na ki pop kiba ki la leh pyrshah ïa nga, bad ngan map ïa ki pop jong ki bad ka jingïaleh pyrshah jong ki.

MALAKHI 3:1

U Trai Badonbor Baroh u jubab, “Ngan phah ïa u nonglamktien jong nga ban pynkhreh ïa ka lynti na ka bynta jong nga. Te U Trai uba phi ap khmih lynti, un wan kynsan kynsan ha ka Templ jong u. U nonglamktien uba phi sliang ban ïohi un wan bad pynbna ïa ka jutang jong nga.”

MATHAÏOS 11:3

“Ïathuh ïa ngi,” ki la kylli ïa U Jisu, “phi long ma phi uta uba dei ban wan, ne ngin ïakhmih lynti ïa uwei pat?”

MATHAÏOS 2:6

“ ‘Ko Bethlehem ha ka ri Judah, pham long kaba rit tam hapdeng ki nongbah kiba paw jong ka Judah; namar na pha un mih u nongïalam u ban kdew lynti ïa ki briew jong nga ki Israel.’ ”

MARKOS 14:58

“Ngi la ïohsngew ba u ong, ‘Ngan pynjot ïa kane ka Templ kaba ki briew ki la tei, bad hadien lai sngi ngan tei ïa kawei pat kaba ym shym la shna da ki briew’ ”

ÏOANNIS 1:14

U Ktien la kylla long u briew bad, uba dap da ka jingaiei bad ka jingshisha, u la im hapdeng jong ngi. Ngi la ïohi ïa ka burom jong u, ka burom kaba u la ïohpdiang kum U Khun marwei jong U Kpa.

ÏOANNIS 4:25

Kata ka briew ka la ong ha u, “Nga tip ba U Messaïah un sa wan, bad haba u wan, un sa ïathuh ha ngi ïa kiei kiei baroh.”

KI KAM 7:48

“Hynrei U Blei Uba Hakhlieh Tam Eh um shong ha ki ïing ba la tei da ki briew, kumba u nongïathuhlypa u ong,

2 KORINTH 4:18

Naba ngi pynleit jingmut, ym ha kiei kiei kiba lah ban ïohi, hynrei ha kiei kiei ki bym lah ban ïohi. Kata kaba lah ban ïohi ka neh tang shipor, hynrei kata ka bym lah ban ïohi ka neh junom.

2 KORINTH 5:1

Naba ngi tip ba haba kane ka ïingjaiñ kaba ngi shong — ka met jong ngi hangne ha pyrthei — ka la jot noh, U Blei un buh ha bneng ïa ka ïing na ka bynta jong ngi ba ngin shong, ka ïing kaba ma u hi u la thaw, ka ban neh junom la junom.

KOLOSSAI 2:11

Ha U Khrist la otsher ïa phi, ym da ka jingotsher kaba la thaw da ki briew, hynrei da ka jingotsher ba la pynlong da U Khrist, kaba kynthup ïa ka jinglong ba la laitluid na ka bor jong ka pop hi.

HEBRU 10:1

Ka Hukum ki Jiw kam dei ka nuksa ba-pura bad baïaineh jong kiei kiei kiba shisha; ka long tang ka nuksa batlot jong kita kiei kiei kiba bha ki ban sa wan. Ïa kijuh ki jait jingkñia la ju ainguh lynter, na kawei ka snem sha kawei pat ka snem. Kumno kata ka Hukum, te, da kaba leh ïa kine ki jingkñia kan lah ban pynjanai ïa ki briew kiba wan sha U Blei?

HEBRU 12:27

Ki ktien “sa shisien pat” ki pyn-i shai ba ïa kiei kiei kiba la thaw yn pynkhynñiuh bad yn weng noh, khnang ba ïa kiei kiei ki bym lah ban pynkhynñiuh yn pynneh.

HEBRU 13:14

Naba ym don ka nongbah kaba ïaineh na ka bynta jong ngi hangne ha pyrthei, ngi ap khmih ïa ka nongbah ka ban sa wan.

HEBRU 2:17

Kane ka mut, ba u dei ban long uba syriem kum ki para jong u ha kiei kiei baroh, ba un ïoh long u rangbah lyngdoh uba lah ban shaniah bad uba sngewsynei ha ka jingshakri ïa U Blei, kumta ba yn ïohmap noh ïa ki pop ki briew.

HEBRU 3:1

Ko parabangeit jong nga ïa kiba U Blei u la khot! To pyrkhat ïa U Jisu, ïa uba U Blei u la phah ban long U Rangbah Lyngdoh jong ka jingngeit kaba ngi ïaphla.

HEBRU 4:15

U Rangbah Lyngdoh jong ngi um long uta u bym lah ban sngewlem ïa ki jingtlot jong ngi. Pynban, ngi don U Rangbah Lyngdoh uba la shah pynshoi ha kiei kiei baroh kum ma ngi, hynrei u bym shym la leh pop.

HEBRU 7:1

Une u Melkhisedek u la long u syiem jong ka Salem bad u lyngdoh jong U Blei Bahakhlieh Tam Eh. Katba u Abraham u dang wan phai na ka thma ha kaba u la jop ïa ki saw ngut ki syiem, u Melkhisedek u la ïakynduh ïa u bad u la kyrkhu ïa u,

1 ÏOANNIS 5:20

Ngi tip ba U Khun U Blei u la wan bad u la ai ha ngi ïa ka jingshemphang, khnang ba ngin ithuh ïa U Blei uba shisha. Ngi im ha U Blei uba shisha — ha U Jisu Khrist U Khun jong u. Une u long U Blei uba shisha, bad kane ka long ka jingim bymjukut.

2 ÏOANNIS 1:7

Kiba bun ki nongshukor ki la leit sha ka pyrthei baroh, ki briew ki bym pdiang ba U Jisu Khrist u la wan kum u briew. Kum uta u briew, u long u nongshukor bad u Nongshun jong U Khrist.