HEBRU 8:11 - Khasi CL Bible (BSI)

¹¹ Yn ym don na ki u ban hikai ïa la u para shnong lane ong ïa la u para ri, ‘To tip ïa U Trai.’ Namar baroh kin tip ïa nga, naduh uba rit tam haduh uba khraw tam.

KA BAIBL

¹¹ bad uwei pa uwei baroh un ym hikai ïa la u paramarjan, bad uwei pa uwei baroh ïa la u para, da kaba ong, ‘To ithuh ïa U Trai:’ naba baroh keiñ, kin ithuh ïa nga, naduh i barit tam haduh u bakhraw tam na ki.

HEBRU 8:11 Mawu Ofanana

1 KHRONIKL 28:9

Bad ha u Solomon u ong, “Ko khun jong nga, nga kyntu ïa me ban ithuh ïa U Blei u kpa jong me, bad ban shakri ïa u da ka dohnud kaba skhem bad da ka jingmut kaba pyndem. U tip ïa baroh ki jingpyrkhat bad ki jingkwah jong ngi. Lada me leit sha u, un pdiang ïa me, hynrei lada me phai lyndet na u, u ruh un iehnoh ïa me junom.

2 KHRONIKL 30:22

U Hesekaïah u la ïaroh ïa ki Lebi na ka bynta ka jingtbit jong ki ha kaba pynïaid ïa ka jingmane ïa U Trai. Hadien ki hynñiew sngi ha kaba ki la ai ki jingkñia ban ïaroh ïa U Trai U Blei jong ki kpa tymmen jong ki,

ESRA 7:25

“Ma me, ko Esra, da kaba pyndonkam ïa ka jingstad kaba U Blei jong me u la ai ha me, men thung ki nongsynshar bad ki nongbishar ki ban synshar ïa ki briew baroh jong ka Ïuphratis Sepngi kiba im da ka Hukum jong U Blei jong me. Me dei ban hikai ïa kato ka Hukum ha uno uno u bymtip ïa ka.

ISAÏAH 2:3

bad ki briew jong ki, kin ong, “Ïa ngin kiew ïa u lum jong U Trai, sha ka Templ jong U Blei ka Israel. Un hikai ïa ngi kaei kaba u kwah ïa ngi ban leh; ngin ïaid ha ki lynti kiba u la jied. Naba ka jinghikai jong U Trai ka wan na Jerusalem; na Seïon u kren ha ki briew jong u.”

ISAÏAH 54:13

“Nga da lade ngan hikai ïa ki briew jong pha, bad ngan ai ha ki ïa ka jingmanbha bad ka jingsuk.

JEREMAÏAH 24:7

Ngan ai ha ki ïa ka jingangnud ban tip ba nga long U Trai. Te ki kin long ki briew jong nga, bad nga ngan long U Blei jong ki, namar kin phai pat sha nga da ka dohnud jong ki baroh.

JEREMAÏAH 31:34

Yn ym don uwei ruh na ki u ban hap hikai ïa la u para ri ban tip ïa U Trai, namar baroh kin tip ïa nga, naduh uba rit tam haduh uba khraw tam. Ngan map ïa ki pop jong ki bad ngan ym kynmaw shuh ïa ki jingbakla jong ki. Ma nga, U Trai, nga la kren.”

JEREMAÏAH 42:1

Te baroh ki nongïalam ka kynhun shipai, kiba kynthup ïa u Johanan u khun jong u Kareah bad u Asaraïah u khun jong u Heshaïah, ki la wan ryngkat bad ki paidbah kiba ha ki kyrdan baroh bad ki la ong ïa nga, “Sngewbha leh ïa kaei kaba ngi ong ïa phi! To duwai ha U Trai U Blei jong ngi na ka bynta jong ngi. To duwai na ka bynta jong ngi baroh kiba la lait im. Shisien la don bun bah na ngi; hynrei mynta tang khyndiat eh ngi dang sah, kumba phi ïohi.

JEREMAÏAH 44:12

Bad ïa ki briew ka Judah kiba sah bad kiba la kut jingmut ban leit bad shong ha Ijipt, ngan khmih ïa kane ba baroh na ki kin jot noh. Baroh na ki, kiba rit bad ki bakhraw, kin ïap ha Ijipt, na ka thma ne na ka jingïapthngan. Kin long ka jingïohi ba-itriem; ki briew kin ñiewbeiñ ïa ki bad pyndonkam ïa ka kyrteng jong ki kum ka jingtim.

JEREMAÏAH 6:13

Uwei pa uwei, uba khraw bad uba rit, u pyrshang ban shna pisa da ka jingbymhok; wat ki nongïathuhlypa bad ki lyngdoh ki thok ïa ki briew.

ESEKIEL 34:30

Baroh kin tip ba nga ïada ïa ki Israel bad ba ki long ki briew jong nga. Ma nga, U Trai Nongsynshar, nga la kren.

HABAKKUK 2:14

Hynrei ka pyrthei kan long ba la dap da ka jingtip ïa ka burom U Trai kumba ki duriaw ki dap da ka um.

ÏOANNIS 6:45

Ki nongïathuhlypa ki la thoh, ‘Uwei pa uwei baroh un ïoh hikai na U Blei.’ Uno uno uba shahshkor ïa U Kpa bad ïoh hikai na u, u wan sha nga.

KI KAM 8:10

U la kam ba u long uba khraw, bad uwei uwei baroh ha ka nongbah, na ki kyrdan baroh ha ka imlang ka sahlang, ki pynshahshkor kmang ïa u. “Une u briew u long kata ka bor jong U Blei ïa kaba la khot ‘Ka Borbah’,” ki la ong.

1 ÏOANNIS 2:27

Hynrei na ka bynta jong phi, U Khrist u la theh noh ïa la U Mynsiem ha phi. Katba U Mynsiem jong u, u dang ïaisah ha phi, phim donkam ïano ïano ban hikai ïa phi. Naba U Mynsiem jong u, un hikai ïa phi shaphang kiei kiei baroh, bad kaei kaba u hikai ka long kaba shisha, ym kaba lamler. Namarkata, to kohnguh ïa ki jinghikai U Mynsiem bad ïaisah ha U Khrist.

1 ÏOANNIS 5:20

Ngi tip ba U Khun U Blei u la wan bad u la ai ha ngi ïa ka jingshemphang, khnang ba ngin ithuh ïa U Blei uba shisha. Ngi im ha U Blei uba shisha — ha U Jisu Khrist U Khun jong u. Une u long U Blei uba shisha, bad kane ka long ka jingim bymjukut.