HEBRU 7:25 - Khasi CL Bible (BSI)

²⁵ Bad kumta u long uba lah, mynta bad borabor, ban pynim ïa kita kiba wan sha U Blei da u, namar u im junom ban ïasaid bad U Blei na ka bynta jong ki.

KA BAIBL

²⁵ Namar kata, u lah ruh ban pynim janai ïa kita kiba wan ha U Blei da u, haba u im ha la ka rta ïa ka ban ïasaid na ka bynta jong ki.

HEBRU 7:25 Mawu Ofanana

Ka Kitab U Job 22:17

Kine ki dei ki briew kiba la kyntait ïa U Blei bad kiba ngeit ba um lah ban leh ei ei ïa ki.

Ka Kitab U Job 23:3

Haduh katno nga kwah ba ngan tip hangno ngan shem ïa u, ban tip kumno ngan leit shano ba u don.

ISAÏAH 45:22

“To phai sha nga mynta bad ban im, ko ki briew baroh kylleng ka pyrthei! Nga long tang ma nga U Blei.

ISAÏAH 45:24

“Kin ong ba dei tang lyngba jong nga yn shem ïa ka jingjop bad ka jingkhlaiñ; hynrei baroh kiba shun ïa nga kin shah pynjahburom.

ISAÏAH 53:12

Bad kumta ngan ai ha u ïa ka burom, ka jaka hapdeng kiba khraw bad kiba donbor. U la aiti mon sngewbha ïa la ka jingim bad u la shim bynta lem bad ki riewbymman. U la shim ïa ka jaka jong ki nongpop kiba bun bad u la duwai ba ki kin ïoh ïa ka Jingmap-ei.”

ISAÏAH 59:16

U lyngngoh ban ïohi ba ym don mano mano ban ïarap ïa kiba shah banbeiñ. Kumta un pyndonkam ïa la ka jong ka bor ban pyllait im ïa ki bad wanrah ïa ka jingjop.

ISAÏAH 63:1

“Uei une uba wan na ka nongbah Bosrah ha Edom? Uei une uba riam itynnat ha ki jaiñkup rong saw u da ïaid ryngkat ha ka bor bad jingkhlaiñ?” “U dei U Trai, uba donbor ban pyllait im, u wan ban pynbna ïa ka jingjop jong u.”

JEREMAÏAH 3:22

To wan phai, phi baroh kiba la phai lyndet na U Trai; un pynkhiah ïa phi bad un pynlong ïa phi kiba ïaineh. Phi ong, “Ho-oid, ngi wan sha U Trai, namar u dei U Blei jong ngi.

DANIEL 3:15

Te mynta, tang mar shu ïohsngew ïa ka sur jong ki turoi, ki tangmuri, ki jingtem ksai, ki marynthing, ki duitara, bad baroh kiwei pat ki tiar put tiar tem, to dem ngon bad mane ïa ka durbriew. Lada phim leh kumta, yn bret kloi lan ïa phi ha ka lawar ding baklang. Hato phi pyrkhat ba don uno uno u blei uba lah ban pyllait im ïa phi?”

DANIEL 3:17

Lada U Blei uba ngi shakri u lah ban pyllait im ïa ngi na ka lawar ding baklang bad na ka bor jong phi, te un leh.

DANIEL 3:29

“Te mynta nga hukum ba lada uno uno na kano kano ka hima, ka jaitbynriew, lane ka ktien uba kren khlem burom ïa U Blei jong u Shadrakh, u Meshakh, bad u Abednego, dei ban tar ïa u na ka kti bad kjat, bad ïa ka ïing jong u dei ban pynlong ka kynton ki jingpra. Ym don uno uno u blei uba lah ban pyllait im kumne.”

DANIEL 6:20

Haba u la poi hangta, u la khot jam da ka jingkhmih lynti, “Ko Daniel, u shakri jong U Blei uba im! Hato U Blei uba me shakri hok katta katta u la lah mo ban pyllait im ïa me na ki sing?”

DANIEL 9:16

Me la ïada ïa ngi ha kaba mynshuwa, kumta te to wat bitar shuh ïa ka Jerusalem. Ka long ka nongbah jong me, u lum bakyntang jong me. Baroh ki briew ha ki ri ba-marjan ki khmih beiñ ïa ka Jerusalem bad ïa ki briew jong me namar ki pop jong ngi bad ka jingbymman ba ki kpa tymmen jong ngi ki la leh.

ÏOANNIS 14:13

Bad ngan leh ïa kano kano kaba phi pan ha ka kyrteng jong nga, khnang ba ïa ka burom U Kpa yn ïoh pynpaw lyngba U Khun.

ÏOANNIS 14:16

Ngan pan na U Kpa, bad un ai ïa phi ïa uwei pat U Nongïarap, u ban shongsah bad phi junom.

ÏOANNIS 14:6

U Jisu u la jubab ïa u, “Nga long ka lynti, ka jingshisha, bad ka jingim, ym don uno uno u ba leit sha U Kpa lait na nga.

Ka Shithi U Paul Sha Ki Nong Rom 5:10

Ngi la long ki nongshun jong U Blei, hynrei u la pynlong ïa ngi ki paralok jong u lyngba ka jingïap U Khun jong u. Mynta ba ngi long ki paralok jong U Blei, katno tam ba yn pynim ïa ngi da ka jingim U Khrist!

Ka Shithi U Paul Sha Ki Nong Rom 5:2

U la wallam ïa ngi da ka jingngeit sha kane ka jingshem mynsiem jong ka jingaiei U Blei, ha kaba mynta ngi im. Bad kumta ngi sngewsarong ïa ka jingkyrmen jong ka jingïadon bynta ha ka burom jong U Blei!

Ka Shithi U Paul Sha Ki Nong Rom 8:34

Mano te, ki ban pynrem ïa ki? Ym U Khrist Jisu, uba la ïap, lane, ïa uba la pynmihpat bad uba don ha ka liang kamon jong U Blei, uba ïasaid bad u na ka bynta jong ngi!

1 KORINTH 1:21

Naba U Blei ha ka jingstad jong u, um shym la pynlah ïa ki briew ban ithuh ïa u da ka jingstad jong ki hi. Pynban da kata kaba la khot ka khubor “ba-ibieit” kaba ngi ïalap, U Blei u la ibit ban pynim ïa kito kiba ngeit ïa ka.

EPHESOS 2:18

Ka dei lyngba U Khrist ba baroh ma ngi, ki Jiw bad ki Jentil, ngi la lah ban wan ha uwei U Mynsiem sha ka jingdon ryngkat jong U Kpa.

EPHESOS 3:12

Ha U Khrist bad da ka jingngeit jong ngi ha u ngi don ka jingshlur ban leit sha ka jingdon ryngkat U Blei da ka jingsngewskhem baroh.

EPHESOS 3:20

Ha uta uba da ka bor jong u kaba trei ha ngi u lah ban leh kham palat ban ïa kaba ngi pan, lane wat ïa kaba ngi pyrkhat;

PHILIPPI 3:21

U ban pynkylla ïa ki met batlot jong ngi bad pynlong ïa ki kum ka met ba-dap da ka burom jong u hi, da kata ka bor da kaba u lah ban wallam ïa kiei kiei baroh hapoh ka jingsynshar jong u.

1 TIMOTHI 2:5

Naba don tang uwei U Blei, bad don uwei uba pynwan lang ïa U Blei bad ïa u khunbynriew, U Khrist Jisu uba long ruh u briew, uba la aiti ïa lade ban siewspah ïa ki briew baroh.

2 TIMOTHI 1:12

Hynrei nga dap da ka jingsngewskhem, namar nga tip hano nga la shaniah, bad nga sngewthikna ba u lah ban sumar skhem haduh kata ka Sngi ïa kaei kaba u la aiti ha nga.

HEBRU 11:6

Ym don uno uno uba lah ban pynsngewbha ïa U Blei khlem ka jingngeit, naba uta uba wan sha U Blei u dei ban don ka jingngeit ba U Blei u don, bad ba u ainong ïa kita kiba wad ïa u.

HEBRU 13:15

Namarkata, to ngin ai jingïaroh ïa U Blei khlem da pud kum ka jingkñia da U Jisu, kaba long ka jingainguh da ki rmiang shyntur kiba phla ïa u kum U Trai.

HEBRU 2:18

Bad mynta, u lah ban ïarap ïa kita kiba shah pynshoi, namar ma u hi u la shah pynshoi bad shahshitom.

HEBRU 2:9

Hynrei ngi da ïohi ïa U Jisu, ïa uba la pynlong shipor kham hapoh ban ïa ki angel, kumta ba lyngba ka jingaiei ka jong U Blei, u dei ban shahïap na ka bynta uwei pa uwei baroh. Mynta ngi ïohi ïa u, ba la pynphong pansngiat da ka burom bad da ka jingpyndonburom namar ka jingïap kaba u la shah.

HEBRU 5:7

Ha ka jingim jong u ha kane ka pyrthei, U Jisu u la duwai bad khot kyrpad da kaba pyrta jam bad ïam ha khmat U Blei, uba lah ban pyllait ïa u na ka jingïap. Namar ba u long uba sngewrit bad aiti lut, U Blei u la shahshkor ïa u.

HEBRU 7:16

U la long u lyngdoh, ym da ki jingbuhbeit ryntih bad jingpynïaid ba kynja briew, hynrei lyngba ka bor jong ka jingim kaba ym don jingkut.

HEBRU 7:19

Naba ka Hukum u Moses kam lah ban pynlong janai ïa kano kano. Bad mynta la ai ïa ka jingkyrmen kaba kham bha da kaba ngi lah ban wan sha jan U Blei.

HEBRU 7:24

Hynrei U Jisu u im junom, bad ka kam jong u kum u lyngdoh kam shym la hiarpateng sha uno uno uwei pat.

HEBRU 7:8

Ha kaba ïadei bad ki lyngdoh ïa kawei-na-kaba-shiphew la lum da ki briew kiba dei ban ïap; hynrei ïa u Melkhisedek ïa kawei-na-kaba-shiphew la lum da uta uba im, kumba ka Jingthoh Bakhuid ka ong.

HEBRU 9:24

Namar U Khrist um shym la leit rung shapoh ka Jaka kaba Kyntang Tam ba la shna da u briew, kaba long tang ka jingpyrthuh bud ïa kata kaba shisha. U la rung shapoh ka bneng hi, ha kaba mynta u mihkhmat na ka bynta jong ngi ha ka jingdon ryngkat U Blei.

JUDAH 1:24

Ha uta uba lah ban ri kyndong ïa phi na ka jinghap noh, bad ban wallam ïa phi kiba khlem jingduna bad kiba kmen ha khmat ka burom ka jingdon ryngkat jong u —