HEBRU 7:19 - Khasi CL Bible (BSI)

¹⁹ Naba ka Hukum u Moses kam lah ban pynlong janai ïa kano kano. Bad mynta la ai ïa ka jingkyrmen kaba kham bha da kaba ngi lah ban wan sha jan U Blei.

KA BAIBL

¹⁹ (Namar ka hukum kam shym pynjanai ei ei ruh), bad nalor kata, kaba wallam ïa ka jingkyrmen kaba kham bha, da kaba ngi wan hajan U Blei.

HEBRU 7:19 Mawu Ofanana

SALM 73:28

Hynrei ïa nga, katno kaba phylla ban don hajan U Blei, ban shem ka jingïada bad U Trai U Nongsynshar bad ban pynbna ïa baroh kaba u la leh!

SNGEWSYNEI 3:57

Me la jubab ïa nga bad ong ïa nga ban ym sheptieng.

ÏOANNIS 1:17

U Blei u la ai ïa ka hukum lyngba u Moses, hynrei ka jingaiei bad ka jingshisha ki la wan lyngba U Jisu Khrist.

ÏOANNIS 14:6

U Jisu u la jubab ïa u, “Nga long ka lynti, ka jingshisha, bad ka jingim, ym don uno uno u ba leit sha U Kpa lait na nga.

Ka Shithi U Paul Sha Ki Nong Rom 5:2

U la wallam ïa ngi da ka jingngeit sha kane ka jingshem mynsiem jong ka jingaiei U Blei, ha kaba mynta ngi im. Bad kumta ngi sngewsarong ïa ka jingkyrmen jong ka jingïadon bynta ha ka burom jong U Blei!

Ka Shithi U Paul Sha Ki Nong Rom 7:7

Hato ngin ong te, ba ka Hukum hi ka long kaba pop? Ym kumta keiñ! Hynrei ka la long ka Hukum kaba pynlong ïa ngi ban tip kaei ka pop. Lada ka Hukum kam shym la ong, “Wat kwah ïa kaei kaba dei jong uwei pat,” ngan ym jin da la tip ïa kum kata ka jingkwah.

Ka Shithi U Paul Sha Ki Nong Rom 8:3

Kaei kaba ka Hukum kam lah ban leh, namar ka jinglong ba kynja doh ka long kaba tlot, U Blei u la leh. U la pynrem ïa ka pop ha ka jinglong ba kynja doh da kaba u la phah ïa U Khun jong u hi, uba la wan kum ka jinglong u briew uba pop, ban jop ïa ka pop.

GALATIA 2:16

Pynban, ngi tip ba ïa u briew la pynksan ha khmat U Blei tang da ka jingngeit ha U Jisu Khrist, ym da kaba leh ïa kaei kaba ka Hukum ka dawa. Ngi ruh, ngi la ngeit ha U Khrist Jisu khnang ban pynksan ha U Blei da ka jingngeit jong ngi ha U Khrist bad ym da kaba leh ïa kaei kaba ka Hukum ka dawa. Namar ym don uno uno ruh ïa uba la pynksan ha U Blei da kaba leh ïa kaei kaba ka Hukum ka dawa.

GALATIA 3:21

Hato kane ka mut ba ka Hukum ka long pyrshah ïa ki jingkular U Blei? Em, ym dei kumta! Naba lada u khunbynriew u la ïohpdiang ïa ka Hukum kaba lah ban wanrah jingim, te uwei pa uwei u lah ban long uba la pynksan ha U Blei da kaba kohnguh ïa ka.

GALATIA 3:24

Bad kumta ka Hukum ka synshar ïa ngi tad haduh ba U Khrist u la wan, khnang ba yn lah ban pynksan ïa ngi ha U Blei da ka jingngeit.

EPHESOS 3:12

Ha U Khrist bad da ka jingngeit jong ngi ha u ngi don ka jingshlur ban leit sha ka jingdon ryngkat U Blei da ka jingsngewskhem baroh.

KOLOSSAI 1:27

Ka jingthmu jong U Blei ka long ban pyntip ïa ka jingmaïan jong u ha ki briew jong u, ïa kane ka jingmaïan basngewtynnat bad badonburom kaba u don na ka bynta ki briew baroh. Bad ka jingmaïan ka long, ba U Khrist u don hapoh jong phi, kaba mut, ba phin ïoh bynta ha ka burom jong U Blei.

1 TIMOTHI 1:1

Na u Paul, u apostol jong U Khrist Jisu kat kum ka hukum U Blei u Nongpynim jong ngi bad U Khrist Jisu uba long ka jingkyrmen jong ngi —

HEBRU 10:1

Ka Hukum ki Jiw kam dei ka nuksa ba-pura bad baïaineh jong kiei kiei kiba shisha; ka long tang ka nuksa batlot jong kita kiei kiei kiba bha ki ban sa wan. Ïa kijuh ki jait jingkñia la ju ainguh lynter, na kawei ka snem sha kawei pat ka snem. Kumno kata ka Hukum, te, da kaba leh ïa kine ki jingkñia kan lah ban pynjanai ïa ki briew kiba wan sha U Blei?

HEBRU 11:40

Namar ba U Blei u la pynkhreh lypa ïa kaei kaei kaba kham bha na ka bynta jong ngi. Ka jingthmu jong u ka la long ba tang ha ka jingïadon ryngkat bad ngi ba yn pynjanai ïa ki.

HEBRU 11:6

Ym don uno uno uba lah ban pynsngewbha ïa U Blei khlem ka jingngeit, naba uta uba wan sha U Blei u dei ban don ka jingngeit ba U Blei u don, bad ba u ainong ïa kita kiba wad ïa u.

HEBRU 3:6

Hynrei, U Khrist u long uba lah ban shaniah kum U Khun uba dei peit ïa ka ïing U Blei. Ngi long ka ïing jong u lada ngi ïaineh ha ka jingshlur bad ngi long skhem ha kaei kaba ngi kyrmen.

HEBRU 4:16

To ngin sngewskhem, te, bad leit sha ka khet U Blei, ha kaba don ka jingaiei. Hangta ngin ïohpdiang ïa ka jingisynei bad ngin shem ïa ka jingaiei ka ban ïarap ïa ngi ha ka por ba ngi donkam ïa ka.

HEBRU 6:18

Te, don kine ar tylli kiei kiei ki bym lah ban kylla bad ïa kiba U Blei um lah ban lamler. Kumta ïa ngi kiba la shem ka jingshngain ha u la nang pynshlur shuh shuh ban batskhem ïa kata ka jingkyrmen ïa kaba la buh ha khmat jong ngi.

HEBRU 7:11

Dei ha ka nongrim jong ka jinglong lyngdoh ki Lebi ba la ai ïa ka Hukum ha ki paid Israel. Mynta, lada ka kam lyngdoh jong ki Lebi ka la long kaba janai, yn ym donkam shuh ïa uwei pat u lyngdoh ban mih, uwei uba na ka jinglong lyngdoh u Melkhisedek, ym jong u Aaron.

HEBRU 7:20

Nalor katei, ka don ruh ka jingsmai ka jong U Blei. Ym shym la don ka jingsmai kaba kum kata haba la pynlong lyngdoh ïa kita kiwei pat.

HEBRU 7:25

Bad kumta u long uba lah, mynta bad borabor, ban pynim ïa kita kiba wan sha U Blei da u, namar u im junom ban ïasaid bad U Blei na ka bynta jong ki.

HEBRU 8:6

Hynrei mynta, ha U Jisu u la ai ïa ka kam lyngdoh kaba kham halor ban ïa ka jong ki, kumba ka jutang ïa kaba u la pynbeit hapdeng U Blei bad la ki briew ka long kaba kham bha, namar la seng nongrim ïa ka ha ki jingkular ïa kiei kiei kiba kham bha.

HEBRU 9:9

Kane ka long ka dur kaba kdew sha ka por kaba mynta. Ka mut ba ka jingainguh bad ki jingkñia da ki mrad ïa kiba la ai sha U Blei kim lah satia ban pynjanai ïa ka dohnud jong uta uba mane,

JAKOB 4:8

To wan hajan U Blei, bad un wan hajan jong phi. To sait ïa la ki kti, ko phi ki nongpop! To pynkhuid ïa la ki dohnud, phi kiba arsap!