HEBRU 7:18 - Khasi CL Bible (BSI)

¹⁸ Te ïa ka hukum kaba mynshuwa la buh sharud, namar ba ka long kaba tlot bad ka bymmyntoi.

KA BAIBL

¹⁸ Namar ka don ka jingpyndam noh ïa ka hukum kaba mynshuwa, namar ka jingtlot bad ka jingbymmyntoi jong ka.

HEBRU 7:18 Mawu Ofanana

Ka Shithi U Paul Sha Ki Nong Rom 3:31

Hato kane ka mut ba da kane ka jingngeit ngi kyntait noh ïa ka Hukum? Em, ym kumta; pynban, ngi pynskhem ïa ka Hukum.

Ka Shithi U Paul Sha Ki Nong Rom 8:3

Kaei kaba ka Hukum kam lah ban leh, namar ka jinglong ba kynja doh ka long kaba tlot, U Blei u la leh. U la pynrem ïa ka pop ha ka jinglong ba kynja doh da kaba u la phah ïa U Khun jong u hi, uba la wan kum ka jinglong u briew uba pop, ban jop ïa ka pop.

GALATIA 3:15

Ko parabangeit jong nga, ngan pyndonkam ïa ka nuksa kaba ju long man ka sngi: Haba ar ngut ki briew ki ïamynjur halor kano kano ka kam da kaba soi ïa ka soskular, ym don uno uno uba lah ban pynkheiñ ïa ka lane pyndap ei ei ha ka.

GALATIA 3:17

Kaei kaba nga mut ka long ba U Blei u la pynlong ïa ka jutang bad u Abraham bad u la kular ban bat ïa ka. Ka hukum, ïa kaba la ai hadien sawspah laiphew snem, kam lah ban pynkheiñ ïa ka jutang bad pyndam noh ïa ka jingkular U Blei.

GALATIA 3:21

Hato kane ka mut ba ka Hukum ka long pyrshah ïa ki jingkular U Blei? Em, ym dei kumta! Naba lada u khunbynriew u la ïohpdiang ïa ka Hukum kaba lah ban wanrah jingim, te uwei pa uwei u lah ban long uba la pynksan ha U Blei da kaba kohnguh ïa ka.

GALATIA 4:21

Shah ïa nga ban kylli ïa kito na phi kiba kwah ban im hapoh ka Hukum: Hato phim ïohsngew aïu ka Hukum ka ong?

GALATIA 4:9

Hynrei mynta ba phi la ithuh ïa U Blei — lane, nga dei ban ong, mynta ba U Blei u la ithuh ïa phi — kumno ka long kata ba phi dang kwah ban phai pat sha kita ki bor mynsiem kiba tlot bad kiba isangsot? Balei phi kwah ban long mraw pat sa shisien ha ki?

1 TIMOTHI 4:8

Ka jingpynmlien ïa ka met ka ai katto katne ka jingbha, hynrei ka jingpynmlien ba kynja mynsiem ka pynmyntoi ha ki liang baroh, namar ka kular ïa ka jingim ha ka mynta bad ha ka lawei.

HEBRU 13:9

Wat shah ba ki jinghikai bakhyllah baroh kin ïalam bakla ïa phi na ka lynti kaba dei. Ka long kaba bha ban ïohpdiang ïa ka jingkhlaiñ kaba kyrsoi na shapoh da ka jingaiei U Blei, bad ym da kaba kohnguh ïa ki hukum kiba ïadei bad ki jingbam; kito kiba kohnguh ïa kine ki hukum kim shym la ïoh jingïarap ei ei na ki.

HEBRU 7:19

Naba ka Hukum u Moses kam lah ban pynlong janai ïa kano kano. Bad mynta la ai ïa ka jingkyrmen kaba kham bha da kaba ngi lah ban wan sha jan U Blei.