HEBRU 6:7 - Khasi CL Bible (BSI)

⁷ U Blei u kyrkhu ïa ka khyndew kaba kjit noh ïa u slap uba hap bunsien ha ka bad kaba pynmih ïa ki jingthung kiba ai jingmyntoi na ka bynta kita kiba rep ha ka.

KA BAIBL

⁷ Namar ka khyndew kaba la kjit noh ïa u slap bahap bunsien ha ka, bad kaba pynmih noh ïa ki jhur ba bit ïa kita na ka bynta kiba la rep ïa ka ruh, ka pdiang ka jingkyrkhu na U Blei;

HEBRU 6:7 Mawu Ofanana

JENESIS 1:11

Nangta u la hukum, “Ai ba ka khyndew kan pynmih ïa ki jait jingthung baroh, kito kiba pynmih symbai, bad kito kiba pynmih soh” — bad la pyndep ïa ka.

JENESIS 27:27

Katba u leit kham hajan ban doh ïa u, u Isaak u iw ïa ki jaiñ jong u — bad kumta u la ai ha u ïa ka jingkyrkhu jong u. U ong, “Ka jingsma sngewtynnat u khun jong nga ka long kum ka jingiw ka lyngkha ïa kaba U Trai u la kyrkhu.

SALM 126:6

Ai ba kito kiba ïam katba ki dang leit rah ïa u symbai, kin wan phai pat ki da rwai da ka jingkmen katba ki wanrah ïa ki song jingot.

SALM 24:5

U Trai un kyrkhu ïa ki bad un pynim ïa ki; U Blei un pynbna ba ki long kiba lui lui.

ISAÏAH 44:3

“Ngan ai um ïa ka ri basliang bad pynlong ïa ki wahduid ban tuid ha ka khyndew ba-tyrkhong. Ngan theh noh ïa U Mynsiem jong nga ha ki khun jong phi bad ka jingkyrkhu jong nga ha ki khun ki ksiew jong phi.

ESEKIEL 34:26

“Ngan kyrkhu ïa ki bad ngan shah ïa ki ban shong ban sah ha sawdong u lum bakyntang jong nga. Hangta ngan kyrkhu ïa ki da kaba pynhap ïa u 'lap praw haba ki donkam ïa u.

HOSIA 10:12

Nga la ong, ‘Lur ïa ka khyndew thymmai na ka bynta ïa lade, bet ïa ka jinglehhok, bad ot ïa ka jingkyrkhu ba ka jingmane ïa nga kan pynmih. Ka la dei ka por ïa phi ban phai sha nga, U Trai jong phi, bad ngan sa wan bad theh ki jingkyrkhu halor jong phi.’

LEBITIKOS 25:21

U Trai un kyrkhu ïa ka khyndew ha ka snem kaba hynriew khnang ba kan pynmih bam kyrhai na ka bynta ar snem.

MALAKHI 3:10

Wallam ïa ka jingmih baroh jong kawei-na-kaba-shiphew sha ka Templ, khnang ba yn don ka bam kyrhai hangta. To tynjuh ïa nga bad phin sa ïohi ba ngan plie ïa ki jingkhangïit jong ka bneng bad theh noh ha phi kyrhai ïa kiei kiei kiba bha baroh.

MATHAÏOS 7:8

Naba uno uno baroh uba pan un ïohpdiang, bad uno uno uba wad un shem, bad ka jingkhang kan plie ïa uta uba tied.

2 TIMOTHI 2:6

U nongrep uba la trei shitom u dei ban ïoh ïa ka bynta kaba nyngkong na ka jingot.

JAKOB 5:7

To long kiba ïaishah, namarkata, ko parabangeit jong nga, haduh ba U Trai un wan. Khmih katno u nongrep u long uba ïaishah haba u ap ïa la ka khyndew ban pynmih ïa ki jingthung kiba kordor. U ïaishah ban ap ïa u slap synrai bad ïa u slap pyrem.