HEBRU 6:2 - Khasi CL Bible (BSI)

² ha kaba hikai shaphang ki jingpynbaptis, bad kaba buh ïa ki kti; shaphang ka jingmihpat jong kiba ïap bad shaphang ka jingbishar bymjukut.

KA BAIBL

² ka jinghikai shaphang ki jingbaptis, bad kaba buh ki kti, ka jingmihpat ki baïap ruh, bad ka jingbishar bymjukut.

HEBRU 6:2 Mawu Ofanana

EKLESIASTIS 12:14

U Blei un bishar ïa kaei kaei baroh kaba ngi leh, la kaba bha ne kaba sniew, wat ïa kiei kiei kiba la leh ha kaba rieh.

ISAÏAH 26:19

Kito kiba dei napdeng ki briew jong ngi kiba la ïap kin im biang! Ki met jong ki kin wan phai biang sha ka jingim. Baroh kito kiba ïohthiah ha ki jingtep jong ki kin kyndit thiah bad kin rwai namar ka jingkmen. Kumba ka umjer baphyrnai ka pynthymmai bor ïa ka khyndew, kumta ruh U Trai un pynkhie im pat ïa kito kiba la ïap la slem.

DANIEL 12:2

Bun na kito kiba la lah ïap kin im pat: Katto katne kin ïoh ka jingim bymjukut, bad katto katne kin shah ka jingjahburom bymjukut.

MATHAÏOS 28:19

Kumta, khie leit, sha ki briew baroh kylleng bad pynlong ïa ki, ki synran jong nga: To pynbaptis ïa ki ha ka kyrteng jong U Kpa, U Khun, bad U Mynsiem Bakhuid,

MATHAÏOS 3:14

Hynrei u Ïoannis u la pyrshang ban pynkylla ïa ka jingmut jong u. “Nga dei ban shah pynbaptis ha me,” u Ïoannis u la ong, “bad me la wan pynban sha nga!”

MARKOS 16:16

Ïa uno uno uba ngeit bad uba shah pynbaptis, yn pynim; ïa uno uno u bymngeit, yn pynrem.

MARKOS 7:4

lymne kim ju bam ïa kaei kaei kaba wanrah na ïew lymda ki sait shuwa ïa ka. Bad ki bud ïa kiba bun kiwei ki aiñ kiba ki la ïohpdiang, kum kaba sait ha ka rukom kaba dei ïa ki khuri, ki khiew, ki pliang rnong, bad ki jingthiah.)

MARKOS 7:8

“Phi la kyntait noh ïa ka hukum U Blei bad phi kohnguh ïa ki jinghikai jong ki briew.”

LOUKAS 11:38

U Pharisi u la kyndit haba u ïohi ba U Jisu um shym la thet ha shuwa ban bam.

LOUKAS 12:50

Nga don ka jingpynbaptis ban ïohpdiang, bad katno nga sngewkhia mynsiem tad haduh ba kan da kut noh!

LOUKAS 14:14

bad men long uba la kyrkhu, namar kim lah ban siew kylliang ïa me. U Blei un siew pat ïa me ha ka sngi ba ki briew kiba bha ki mihpat na ka jingïap.”

LOUKAS 3:16

Kumta u Ïoannis u la ong ha ki baroh, “Nga pynbaptis ïa phi da ka um, hynrei don uwei pat uba wan uba kham khraw ban ïa nga. Ngam long uba bit wat ban loit ïa ki juti jong u. Un pynbaptis ïa phi da U Mynsiem Bakhuid bad da ka ding.

ÏOANNIS 1:33

Ngam pat shym la tip hi ba u dei ma u, hynrei U Blei, uba la phah ïa nga ban pynbaptis da ka um, u la ong ha nga, ‘Men sa ïohi ïa U Mynsiem ba u hiar bad u shongsah ha u briew; u dei uta, uba pynbaptis da U Mynsiem Bakhuid.’

KI KAM 10:47

“Kine ki briew ki la ïohpdiang ïa U Mynsiem Bakhuid, kumba ma ngi ruh ngi la ïohpdiang. Hato don uno uno, te, u ban khang ïa ki na kaba shah pynbaptis da ka um?”

KI KAM 13:3

Ki la shahjingit bad ki la duwai, ki la buh ïa la ki kti halor jong ki, bad ki la phah noh ïa ki.

KI KAM 16:15

Hadien ba ma ka bad ki dkhot jong ka ïing jong ka ki la shah pynbaptis, ka la khot sngewbha ïa ngi, “To wan bad sah hapoh ka ïing jong nga lada phi la pdiang ba nga long ka parabangeit bashisha ha U Trai.” Bad ka la pynkohnguh ïa ngi ban leit.

KI KAM 16:33

Ha kata hi ka kynta jong ka miet, u nongpeit phatok u la ïalam ïa ki bad u la sait ïa ki jingmong jong ki; bad shisyndon la pynbaptis ïa u lem bad ka longïing jong u.

KI KAM 17:18

Katto katne ngut ki nonghikai na ka skul jong ki Epikuri bad ki Stoik ki la ïatainia ruh bad u. Katto katne ngut na ki, ki la kylli, “Aïu une u sarong bieit u pyrshang ban kren?” Kiwei pat ki jubab, “U i kumba u kren shaphang ki blei nongwei.” Ki la ong ïa kane namar ba u Paul u la ïalap shaphang U Jisu bad ka jingmihpat.

KI KAM 2:38

U Petros u la ong ha ki, “Uwei pa uwei na phi u dei ban phai noh na ki pop jong u bad ba yn pynbaptis ha ka kyrteng jong U Jisu Khrist, khnang ba yn map ïa ki pop jong phi, bad phin ïohpdiang ïa U Mynsiem Bakhuid uba long ka jingai jong U Blei.

KI KAM 2:41

Kiba bun na ki, ki la ngeit ïa ka khubor jong u bad la pynbaptis ïa ki, bad kumba lai hajar ngut ki briew la pynïasoh sha ka kynhun ha kata ka sngi.

KI KAM 23:6

Haba u Paul u la ïohi ba katto katne na ka kynhun ki dei ki Saddusi bad kiwei pat ki Pharisi, u la kren jam ha ka Dorbar, “Ko ki para nong Israel! Nga dei u Pharisi, u khun jong ki Pharisi. Nga don ha ka jingshah bishar hangne namar ka jingkyrmen kaba nga don ba kiba ïap kin mihpat!”

KI KAM 24:15

Nga don kajuh ka jingkyrmen ha U Blei kaba kine hi ki don, kata, ba ki briew baroh, kiba bha bad kiba sniew, kin mihpat na ka jingïap.

KI KAM 24:21

lait tang kawei kaba nga la pyrta jam haba nga ïeng ha khmat jong ki: ‘Ïa nga la bishar da ma phi ha kane ka sngi naba nga ngeit ba kiba ïap kin sa mihpat.’ ”

KI KAM 24:25

Hynrei katba u Paul u dang batai shaphang ka jingbha, ka bor halor lade, bad ka Sngi ka Jingbishar ka ban sa wan, u Pheliks u la sheptieng bad u la ong, “Mynta me lah ban leit noh shuwa. Ngan sa phah khot pat haba nga ïohlad.”

KI KAM 26:8

Balei ma phi kiba don hangne phi shem ba ka long ka bym lah ban ngeit ba U Blei u pynmihpat ïa kiba ïap?

KI KAM 4:2

Ki la sngewbitar namar ba ki ar ngut ki apostol ki la hikai ïa ki briew ba U Jisu u lah mihpat na ka jingïap, kaba pynshisha ba kiba ïap kin mihpat.

KI KAM 6:6

Ka kynhun ka la aiti ïa ki ha ki apostol, kiba la duwai bad buh ïa la ki kti halor jong ki.

Ka Shithi U Paul Sha Ki Nong Rom 2:16

Bad kumta, kat kum ka Khubor Babha kaba nga ïalap, kane ka dei kaba kumno ka long ha kata ka Sngi ha kaba U Blei lyngba U Jisu Khrist un bishar ïa ki jingmut barieh jong ki briew baroh.

1 KORINTH 10:2

Ha uta u lyoh bad ha kata ka duriaw la pynbaptis ïa ki baroh kum ki nongbud u Moses.

1 KORINTH 12:13

Ha kajuh ka rukom, baroh na ngi, la ngi long ki Jiw ne ki Jentil, ki mraw ne kiba laitluid, la pynbaptis ha kawei ka met da ujuh U Mynsiem, bad la ai ha ngi ïa ujuh U Mynsiem ban ïoh dih.

2 KORINTH 5:10

Naba baroh na ngi ngin paw ha khmat U Khrist, ba yn bishar ïa ngi da u. Ngin ïohpdiang ïa kaei kaba ngi dei hok, kat kum kiei kiei baroh kiba ngi la leh, la bha ne la sniew, ha kane ka jingim ha ka met jong ngi.

PHILIPPI 3:21

U ban pynkylla ïa ki met batlot jong ngi bad pynlong ïa ki kum ka met ba-dap da ka burom jong u hi, da kata ka bor da kaba u lah ban wallam ïa kiei kiei baroh hapoh ka jingsynshar jong u.

KOLOSSAI 2:12

Naba haba la pynbaptis ïa phi, la tep ïa phi bad U Khrist, bad ha ka jingpynbaptis la pynmihpat ruh ïa phi bad U Khrist da ka jingngeit jong phi ha ka bor ba-ïaitrei jong U Blei, uba la pynmihpat ïa u na ka jingïap.

2 TIMOTHI 2:18

Ki la iehnoh ïa ka lynti ka jingshisha bad pynkylla khongpong ïa ka jingngeit jong ki katto katne ki bangeit da kaba ong ba ka jingpynmihpat ïa ngi ka la dep jia.

HEBRU 11:35

Da ka jingngeit, ki kynthei ki la ïohpdiang ïa ki ba-ha-ïing kiba la ïap ïa kiba la pynim pat. Kiwei pat, kiba kyntait ban pdiang ïa ka jinglaitluid, ki la ïap ha ka jingshah pynshitom beiñ khnang ba yn pynmihpat sha ka jingim kaba kham bha.

HEBRU 9:10

namar ba ki ïadei tang bad ka jingbam, ka jingdih bad ki niam ki rukom pynkhuid babun jait. Kine baroh ki long ki aiñ kiba tang shabar, kiba ïadei tang haduh ka por ba U Blei un seng nongrim da kaei kaba thymmai.

2 PETROS 3:7

Hynrei ïa ki bneng bad ka pyrthei kiba long mynta la pynsah da kajuh ka hukum jong U Blei, khnang ban ïoh pynjot da ka ding. Ïa ki la pynsah na ka bynta ka sngi haba ïa ki briew ki bymtip Blei yn bishar bad pynjot noh.