HEBRU 6:19 - Khasi CL Bible (BSI)

¹⁹ Ngi don kane ka jingkyrmen kum u angkor ïa ki jingim jong ngi. Ka long kaba skhem bad kaba thikna, bad ka ïaid lyngba ka jingkah jong ka Templ ba kynja bneng shaduh ka kamra kaba kham shapoh.

KA BAIBL

¹⁹ ïa kaba ngi don kum ka angkor ïa ka mynsiem ba-neh den ruh bad baskhem, bad kaba leit bsut sha kata kaba hapoh ka jingkah;

HEBRU 6:19 Mawu Ofanana

SALM 39:7

Te, ïa-ei ngan dang ap kyrmen, A Trai? Nga buh ka jingkyrmen ha me.

SALM 42:11

Balei ba nga sngewsih haduh katta katta? Balei ba nga sngew jynjar sat? Ngan buh ïa ka jingkyrmen jong nga ha U Blei, bad sa shisien pat ngan ïaroh ïa u, u nongpynim jong nga bad U Blei jong nga.

SALM 42:5

Balei ba nga sngewsih haduh katta katta? balei ba nga jynjar sat? Ngan buh ïa ka jingkyrmen jong nga ha U Blei, bad sa shisien pat ngan ïaroh ïa u, u nongpynim jong nga bad U Blei jong nga.

SALM 43:5

Balei ba nga sngewsih haduh katta katta? Balei ba nga sngew jynjar sat? Ngan buh ïa ka jingkyrmen jong nga ha U Blei, bad sa shisien pat ngan ïaroh ïa u, U nongpynim jong nga bad U Blei jong nga.

ISAÏAH 12:2

U Blei u long u nongpynim jong nga; ngan shaniah ïa u bad ngan ym sheptieng. U Trai u ai ha nga ka bor bad ka jingkhlaiñ, u long u nongpynim jong nga.

ISAÏAH 28:16

Kane, mynta, ka dei kaei kaba U Trai Nongsynshar u ong: “Ngan buh ha Seïon ka nongrim kaba skhem bad bakhlaiñ. Ha ka ngan buh ïa u mawdong baskhem ha uba yn thoh ïa ki ktien, ‘Ka jingngeit kaba skhem ka long ruh kaba ïaishah.’

LEBITIKOS 16:15

Hadien kata, un pynïap ïa uta u 'langsohmoh kum ka jingkñia namar ka pop na ka bynta u paidbah, un rah ïa ka snam jong u sha ka Jaka Kaba Khuid Tam, bad un synreit ïa ka halor ka jingtap bad ha khmat jong ka Synduk ka Jutang, kumba u la leh da ka snam jong uta u masi lyngraw.

LEBITIKOS 16:2

U ong, “Ïathuh ha u hynmen jong me u Aaron ba dei tang ha ka por kaba dei ba un leit shadien ka jingkah jong ka jaka kaba khuid tam, namar ba dei hangta ba nga mihpaw ha u lyoh halor ka jingtap ka Synduk ka Jutang. Lada um kohnguh, un shah pynïap.

SEKHARAÏAH 9:12

To wan phai, phi kiba shah ringmraw kiba mynta phi la don ka jingkyrmen; to wan phai sha ka jaka jong phi kaba shngain. Mynta nga ong ïa phi ba ngan siew pat ar shah ïa phi da ka jingkyrkhu na ka bynta baroh kaba phi la shahshitom.

MATHAÏOS 27:51

Nangta ïa ka pyrda kaba la wah hapoh ka Templ la kad arliang naduh khlieh haduh tbian. Ka khyndew ka la khynñiuh, ki mawsiang ki pra la ka jong ka jong,

KI KAM 23:6

Haba u Paul u la ïohi ba katto katne na ka kynhun ki dei ki Saddusi bad kiwei pat ki Pharisi, u la kren jam ha ka Dorbar, “Ko ki para nong Israel! Nga dei u Pharisi, u khun jong ki Pharisi. Nga don ha ka jingshah bishar hangne namar ka jingkyrmen kaba nga don ba kiba ïap kin mihpat!”

KI KAM 27:29

Ki la sheptieng ïoh ba ka lieng kan leit sha ki mawsiang, kumta ki la pynhiar saw tylli ki angkor na shadien jong ka lieng bad ki la duwai ïa ka jingshai ka sngi.

KI KAM 27:40

Kumta ki la ot noh ïa ki angkor bad ki la shah ïa ki ba kin ngam ha ka duriaw, bad ha kajuh ka por ki la pynkylluid ïa ki tyllai kiba la bat ïa ki boitha. Nangta ki la kyntiew ïa ka jaiñ pynshah lyer ha ka bynta ba sha khmat jong ka lieng khnang ba ka lyer ka lah ban beh ïa ka lieng sha khmat, bad ngi la ïaid beit sha ka ryngkew.

Ka Shithi U Paul Sha Ki Nong Rom 4:16

Bad kumta ïa ka kular la pynshong nongrim ha ka jingngeit, khnang ba ïa ka jingngeit yn pynthikna kum ka jingai sngewbha jong U Blei ïa baroh kiba hiarpateng na u Abraham — ym tang ïa kito kiba ngeit ïa ka Hukum, hynrei ïa kito ruh kiba ngeit kumba u Abraham u la leh. Namar u Abraham u long u kpa ba kynja mynsiem jong ngi baroh;

Ka Shithi U Paul Sha Ki Nong Rom 4:18

U Abraham u la ngeit bad u la kyrmen, wat mynba ym shym don ka daw ban kyrmen, bad kumta u la long “U kpa jong ki jaitbynriew babun.” Kumba ka Jingthoh Bakhuid ka ong, “Kiba hiarpateng na me kin bun kat ki khlur.”

Ka Shithi U Paul Sha Ki Nong Rom 5:4

ka jingïaishah ka wallam ïa ka jingmynjur U Blei, bad ka jingmynjur jong u ka pynlong ka jingkyrmen.

1 KORINTH 13:13

Kine lai tylli kin ïaisah: Ka jingngeit, ka jingkyrmen bad ka jingieit; bad kaba khraw tam na kine ka long ka jingieit.

1 KORINTH 15:58

Te kumta, ko parabangeit ba-ieit jong nga, to long phi kiba ïeng skhem bad kiba ïaineh. To long kiba ïai trei minot ïa ka kam U Trai, namar phi tip ba kano kano kaba phi leh ha ka jingshakri ïa U Trai kam ju long kaba lehnoh-ei.

EPHESOS 2:6

Ha U Khrist Jisu, la pynmihpat ïa ngi lem bad u, ba ngin ïoh synshar lem bad u ha ka pyrthei ba kynja bneng.

KOLOSSAI 1:27

Ka jingthmu jong U Blei ka long ban pyntip ïa ka jingmaïan jong u ha ki briew jong u, ïa kane ka jingmaïan basngewtynnat bad badonburom kaba u don na ka bynta ki briew baroh. Bad ka jingmaïan ka long, ba U Khrist u don hapoh jong phi, kaba mut, ba phin ïoh bynta ha ka burom jong U Blei.

KOLOSSAI 3:1

Ïa phi la pynmihpat lem bad U Khrist, kumta pynbeit ïa ka dohnud jong phi ha kiei kiei kiba ha bneng, ha kaba U Khrist u shong ha la ka khet ha ka liang kamon jong U Blei.

2 TIMOTHI 2:19

Hynrei ïa ka nongrim baskhem kaba U Blei u la buh ym lah ban pynkhih; bad halor jong ka la thoh ïa kine ki ktien: “U Trai u ithuh ïa kito kiba dei ki jong u” bad “Baroh kiba ong ba ki dei ki jong U Trai ki dei ban phai noh na kaba leh bymdei.”

HEBRU 4:16

To ngin sngewskhem, te, bad leit sha ka khet U Blei, ha kaba don ka jingaiei. Hangta ngin ïohpdiang ïa ka jingisynei bad ngin shem ïa ka jingaiei ka ban ïarap ïa ngi ha ka por ba ngi donkam ïa ka.

HEBRU 9:3

Ha lyndet ka jingkah kaba ar la don ka Ïingjaiñ ïa kaba la khot ka Jaka kaba Kyntang Tam.

HEBRU 9:7

hynrei tang u rangbah lyngdoh uba rung sha ka bynta kaba shapoh jong ka Ïingjaiñ, bad u leh kumta tang shisien shisnem. U rah bad u ïa ka snam ïa kaba u ainguh ha U Blei na ka bynta ïa lade bad na ka bynta ki pop ba ki briew ki leh khlem sngewthuh ba ki la leh pop.

1 PETROS 1:3

To ngin ainguh ïa U Blei bad ïa U Kpa U Jisu Khrist uba U Trai jong ngi. Namar ka jingisynei bakhraw jong u, u la ai ha ngi ïa ka jingim bathymmai da kaba pynmihpat ïa U Jisu Khrist na ka jingïap.