HEBRU 6:18 - Khasi CL Bible (BSI)

¹⁸ Te, don kine ar tylli kiei kiei ki bym lah ban kylla bad ïa kiba U Blei um lah ban lamler. Kumta ïa ngi kiba la shem ka jingshngain ha u la nang pynshlur shuh shuh ban batskhem ïa kata ka jingkyrmen ïa kaba la buh ha khmat jong ngi.

KA BAIBL

¹⁸ ba da ki ar tylli kiei kiei ki bymkylla, ha kiba ka long ka bym lah ïa U Blei ban lamler, ngi lah ban ïoh ka jingpynshlur badonbor, kiba la phet ban rieh ïa ka ban ïoh bat ïa kata ka jingkyrmen ba la buh ha khmat jong ngi;

HEBRU 6:18 Mawu Ofanana

JENESIS 19:22

Pynkloi! mareh! ngan ym lah ban leh ei ei tad haduh ba men da poi hangta.” Namar ba u Lot u khot ïa ka kaba rit, ïa kata ka nongrit la ai kyrteng ka Soar.

1 SYIEM 2:28

U Joab u la ïohsngew ïa kaei kaba la jia. (U la kyrshan ïa u Adonijah, hynrei ym ïa u Absalom.) Kumta u la phet krad sha ka Ïingjaiñ Ka Jingdon Ryngkat U Trai bad u bat ïa ki reng kiba ha ki dong jong ka duwan.

SALM 110:4

U Trai u la pynlong ïa ka jingkular bakyntang bad un ym kylla pat na kata: “Men long u lyngdoh junom ha ka rukom long lyngdoh u Melkhisedek.”

SALM 46:1

U Blei u long ka jakarieh bad ka jingkhlaiñ jong ngi, uba kloi borabor ban ïarap ha ki por jingjynjar.

SALM 62:8

Shaniah ha U Blei ha ki por baroh, ko ki briew jong nga; ïathuh ha u ïa ki jingjynjar jong phi baroh, naba u long ka jakarieh jong ngi.

PROBERB 3:18

Kito kiba stad ki suk mynsiem; ka jingstad kan ai ha ki ïa ka jingim.

PROBERB 4:13

Kynmaw borabor ïa kaei kaba phi la nang. Ka jingnang jingtip jong phi ka dei ka jingim jong phi — ri kyndong ïa ka.

ISAÏAH 27:5

Hynrei lada ki nongshun jong ki briew jong nga ki kwah ïa ka jingïada jong nga, ai ba kin ïasuk bad nga. Ho-oid, ai kin ïasuk bad nga.”

ISAÏAH 51:12

U Trai u ong, “Nga long uta uba pynkhlaiñ ïa phi. Balei phin sheptieng ïa u briew u bym im junom, u bym kham neh ban ïa u phlang?

ISAÏAH 56:4

U Trai un ong kum ha uta u briew, “Lada me pyndonburom ïa nga da kaba rakhe ïa ka sngi Sabbaton bad lada me leh ïa kaei kaba pynsngewbha ïa nga bad sumar khuid ïa ka jutang jong nga,

ISAÏAH 64:7

Ym don uwei ruh uba phai sha me ha ka jingduwai; ym don uwei ruh uba leit sha me ban ïoh jingïarap. Me la buhrieh ïa lade na ngi bad iehnoh ïa ngi namar ki pop jong ngi.

SEKHARAÏAH 9:12

To wan phai, phi kiba shah ringmraw kiba mynta phi la don ka jingkyrmen; to wan phai sha ka jaka jong phi kaba shngain. Mynta nga ong ïa phi ba ngan siew pat ar shah ïa phi da ka jingkyrkhu na ka bynta baroh kaba phi la shahshitom.

JINGKHEIÑ 23:19

U Blei um long kum ki briew, kiba kren lamler; Um long kum u briew uba kylla la ka jingmut. Kat kaba u kular, u pyndep; U kren, bad la pyndep ïa kata.

MATHAÏOS 24:35

Ka bneng bad ka pyrthei kin leit noh, hynrei ki ktien jong nga kin ym leit noh da lei lei.

MATHAÏOS 3:7

Haba u Ïoannis u la ïohi ïa shibun ki Pharisi bad ki Saddusi kiba la wan sha u ban shah pynbaptis, u la ong ha ki, “Phi ki bseiñ — uei uba la ïathuh ha phi ba phi lah ban lait na ka jingpynshitom kaba U Blei un sa phah?

LOUKAS 2:25

Ha kata ka por la don u briew uba shong basah ha Jerusalem uba kyrteng u Simeon. U la long u briew uba bha, uba sheptieng ïa U Blei bad uba ïai ap na ka bynta ki Israel ban ïoh jingpynim.

Ka Shithi U Paul Sha Ki Nong Rom 15:5

Bad to U Blei, uba long ka tyllong jong ka jingïaishah bad ka jingpynshlur, un pynlah ïa phi ban don kajuh ka jingmut hapdeng jong phi da kaba bud ïa ka nuksa U Khrist Jisu,

Ka Shithi U Paul Sha Ki Nong Rom 3:25

U Blei u la ai ïa u, khnang ba da ka jingïap kum ka jingkñia, un long ka lad jong ka jingmap ïa ki pop jong ki briew lyngba ka jingngeit jong ki ha u. U Blei u la leh ïa kane khnang ban pyn-i ba u long uba hok. Mynshuwa, u la ïaishah bad u la peit lyndet ïa ki pop jong ki briew; hynrei ha ka por mynta u pynbeit ïa ki pop jong ki, khnang ban pyn-i ïa ka jinglonghok jong u. Ha kane ka rukom U Blei u pyn-i ba ma u hi u long uba hok bad ba u pynlong hok ïa baroh kiba ngeit ha U Jisu.

Ka Shithi U Paul Sha Ki Nong Rom 3:4

Kan ym long kumta! U Blei un long uba shisha, wat la uwei pa uwei u briew u long uba shukor. Kumba ka Jingthoh Bakhuid ka ong, “Ba yn lah ban pyn-i ïa phi ba phi long kiba shisha haba phi kren; phi dei ban jop ïa ka jingïaleh haba la bishar ïa phi.”

Ka Shithi U Paul Sha Ki Nong Rom 5:5

Kane ka jingkyrmen ka ai ha ngi ka jingkmen, namar U Blei u la theh noh ïa ka jingieit jong u ha ki dohnud jong ngi lyngba U Mynsiem Bakhuid, uba long ka jingai sngewbha jong U Blei ïa ngi.

PHILIPPI 2:1

Ka jingim jong phi ha U Khrist ka pynlong khlaiñ ïa phi, bad ka jingieit jong u ka pyntngen ïa phi. Phi don ka jingïasyllok lem bad U Mynsiem, bad phi don ka jingsbun bad ka jingsngewsynei iwei ïa iwei pat.

KOLOSSAI 1:23

Phi dei, da shisha, ban ïaineh ha ka nongrim kaba skhem bad kaba thikna, bad phim dei ban shah ïa lade ban shah pynkhynñiuh na ka jingkyrmen kaba phi la ïoh myn haba phi la ïohsngew ïa ka gospel. Ka dei na kane ka gospel ba ma nga u Paul, nga la kylla long u shakri — kane ka gospel kaba la ïalap ha uwei pa uwei ha ka pyrthei.

KOLOSSAI 1:27

Ka jingthmu jong U Blei ka long ban pyntip ïa ka jingmaïan jong u ha ki briew jong u, ïa kane ka jingmaïan basngewtynnat bad badonburom kaba u don na ka bynta ki briew baroh. Bad ka jingmaïan ka long, ba U Khrist u don hapoh jong phi, kaba mut, ba phin ïoh bynta ha ka burom jong U Blei.

KOLOSSAI 1:5

Haba ka khubor bashisha, ka Khubor Babha, ka la wan nyngkong ha phi, phi la ïohsngew shaphang ka jingkyrmen ba ka tyrwa. Kumta ïa ka jingngeit bad ka jingieit jong phi la pynshong nongrim ha kaei kaba phi kyrmen, ïa kaba la buh sumar na ka bynta jong phi ha bneng.

1 THESSALONI 1:10

bad ban ap ïa U Khun jong u ban wan na bneng — U Jisu, U Khun jong u, ïa uba u la pynmihpat na ka jingïap bad uba pyllait im ïa ngi na ka jingbitar jong U Blei ka ban sa wan.

1 TIMOTHI 1:1

Na u Paul, u apostol jong U Khrist Jisu kat kum ka hukum U Blei u Nongpynim jong ngi bad U Khrist Jisu uba long ka jingkyrmen jong ngi —

1 TIMOTHI 6:12

To men mareh ïa kata ka jingmareh thong jong ka jingngeit, bad ïoh ïa ka jingim bymjukut ïa lade; naba sha kane ka jingim U Blei u la khot ïa me mynba me la phla shai ïa ka jingngeit jong me ha khmat ki sakhi kiba bun.

2 TIMOTHI 2:13

Lada ngim long kiba ïaineh, u ïaisah hi uba ïaineh, namar um lah ban shukor ïa lade.”

TITOS 1:2

kaba pynshong nongrim ha ka jingkyrmen ïa ka jingim bymjukut. U Blei, u bym ju shukor, u la kular ïa ngi ïa kane ka jingim naduh mynnyngkong,

HEBRU 11:7

Dei ka jingngeit kaba la pynlong ïa u Noah ban shahshkor ïa ki jingmaham U Blei shaphang kiei kiei ki ban sa jia ïa kiba um shym lah ban ïohi. U la kohnguh ïa U Blei bad u la thaw ïa ka ïinglieng ha kaba ma u bad ka longïing jong u ki la ïohlait im. Da kane, la pynrem ïa ka pyrthei, bad u Noah u la ïohpdiang na U Blei ïa ka hok kaba wan da ka jingngeit.

HEBRU 3:11

Nga la bitar bad nga la pynlong ka jingkular bakyntang: ‘Kin ym ïohrung da lei lei sha ka ri ha kaba ngan ai ha ki ïa ka jingjahthait!’ ”

HEBRU 3:6

Hynrei, U Khrist u long uba lah ban shaniah kum U Khun uba dei peit ïa ka ïing U Blei. Ngi long ka ïing jong u lada ngi ïaineh ha ka jingshlur bad ngi long skhem ha kaei kaba ngi kyrmen.

HEBRU 6:17

Ha kito kiba dei ban ïohpdiang ïa kaei kaba u kular, U Blei u kwah ban pyn-i shai ba un ym pynkylla ïa ki jingthmu jong u; kumta u wanrah de ïa ka jingsmai ha ka jingkular.

HEBRU 7:19

Naba ka Hukum u Moses kam lah ban pynlong janai ïa kano kano. Bad mynta la ai ïa ka jingkyrmen kaba kham bha da kaba ngi lah ban wan sha jan U Blei.

HEBRU 7:21

Hynrei U Jisu u la long u lyngdoh da ka jingsmai haba U Blei u la ong ha u, “U Trai u la pynlong ka jingsmai bakyntang bad un ym kylla shuh: ‘Me, me long u lyngdoh junom.’ ”

JOSHUA 20:3

Lada uno uno na phi da ka jingjia ryngkhat u pynïap ïano ïano, u lah ban leit shata bad lait na uta uba wad kput.

1 ÏOANNIS 1:10

Lada ngi ong ba ngim shym la leh pop, ngi pynlong ïa U Blei ba u lamler bad ka ktien jong u kam don ha ngi.

1 ÏOANNIS 5:10

Kumta uno uno uba ngeit ha U Khun U Blei u don ïa kane ka jingphla ha ka dohnud jong u hi; hynrei uno uno u bymngeit ha U Blei, la pynlong ïa u, uba lamler, namar um shym la ngeit ïa kaei kaba U Blei u la ong shaphang U Khun jong u.

1 SAMUEL 15:29

U Blei bakhraw jong ki Israel um ju lamler lane kylla la ka jingmut. Um dei u briew — um ju kylla la ka jingmut.”