HEBRU 6:17 - Khasi CL Bible (BSI)

¹⁷ Ha kito kiba dei ban ïohpdiang ïa kaei kaba u kular, U Blei u kwah ban pyn-i shai ba un ym pynkylla ïa ki jingthmu jong u; kumta u wanrah de ïa ka jingsmai ha ka jingkular.

KA BAIBL

¹⁷ Ha kaba U Blei, haba u sngewbha hi ban pyni kham shai shuh shuh ha kita ki nongïoh ïa kata ka jingkular, ïa ka jingbymkylla ka jingthmu jong u, u la pynskhem ïa ka da ka jingsmai:

HEBRU 6:17 Mawu Ofanana

JENESIS 26:28

Ki jubab, “Mynta ngi tip ba U Trai u don bad phi, bad ngi pyrkhat ba ka dei ban don ka jingïateh kular badonburom hapdeng jong ngi.

SALM 110:4

U Trai u la pynlong ïa ka jingkular bakyntang bad un ym kylla pat na kata: “Men long u lyngdoh junom ha ka rukom long lyngdoh u Melkhisedek.”

SALM 33:11

Hynrei ki jingthmu jong u ki neh junom, ki jingthmu jong u ki long pateng la pateng.

SALM 36:8

Ngi khawai ha ka jingpahuh ka jingbam ba me ai; me ai ïa ngi ban dih na ka wah ka jingbha jong me.

EKSODOS 22:11

uta u briew un leit sha ka jaka mane Blei bad un smai ba um shym tuh ïa ka jingri uta uwei pat u briew. Lada ym shym la tuh ïa ka, u trai jingri u dei ban pdiang ïa kata, bad uta uba sumar lem um donkam ban hap siew ei ei.

PROBERB 19:21

Ki briew ki lah ban thmu shibun kiei kiei, hynrei ïa ka mon U Trai yn hap ban pyndep.

JINGRWAI SOLOMON 5:1

Nga la rung sha ka kper jong nga, ko ba-ieit thep mynsiem jong nga, ko nongleitkurim jong nga. Nga la lum ïa ki musla bad ka mirr jong nga; nga bam ïa ka ngap bad ka rewngap jong nga; nga dih ïa ka waiñ bad ka dud jong nga. To bam, ko ki nongphylliew jingieit, to dih tad haduh ba phin da buaid da ka jingieit.

ISAÏAH 14:24

U Trai Badonbor Baroh u la smai ka jingsmai: “Kaei kaba nga la thmu kan jia. Kaei kaba nga la kut jingmut ban leh yn pyndep.

ISAÏAH 46:10

Naduh mynnyngkong nga la tip lypa ïa kaei ka ban mih; la slem bah nga la ïathuh lypa ïa kaei ka ban jia. Nga la ong ba ki jingthmu jong nga kin ym duh da lei lei, ngan leh ïa kiei kiei baroh kiba nga thmu ban leh.

ISAÏAH 55:11

Kumta ruh kan long ka ktien kaba nga kren — kan ym pep ban pyndep ïa kaei kaba nga thmu na ka bynta jong ka; kan pynlong ïa kiei kiei baroh kiba nga phah ïa ka ban leh.

ISAÏAH 55:7

To ai ba ki bymman kin iehnoh ïa la ka rukom im bad ban kylla ïa ka rukom pyrkhat. To ai ba kin phai sha U Trai. U Blei jong ngi u long uba dap da ka jingisynei bad uba kloi ban map ei.

MALAKHI 3:6

“Nga long U Trai, bad ngam ju kylla. Bad kumta ma phi, ki khun ki ksiew u Jakob, phim pat shym la jah noh khoit.

ÏOANNIS 10:10

U nongtuh u wan tang ban ïoh tuh, ban pynïap bad ban pynjot. Nga la wan khnang ba phin ïoh ïa ka jingim — ka jingim ha ka jingdap kyrhai jong ka.

Ka Shithi U Paul Sha Ki Nong Rom 11:29

Naba U Blei um shym la pynkylla ïa ka jingmut jong u shaphang jongno ba u jied bad u kyrkhu.

Ka Shithi U Paul Sha Ki Nong Rom 8:17

Naba ngi long ki khun jong U Blei, ngin ïohkynti ïa ki jingkyrkhu kiba u buh na ka bynta ki briew jong u, bad ngin ïohkynti ruh lem bad U Khrist ïa kaei kaba U Blei u la lah buh na ka bynta jong u; naba lada ngi ïadon bynta lem ha ka jingshah shitom U Khrist, ngin ïoh ruh ban ïadon bynta ha ka burom jong u.

GALATIA 3:29

Lada phi dei ki jong U Khrist, te, phi long ki nonghiarpateng u Abraham bad phin ïohpdiang ïa kaei kaba U Blei u la kular.

EPHESOS 1:11

Ïa kiei kiei baroh la leh kat kum ka jingthmu bad ka jingrai U Blei; bad U Blei u la jied ïa ngi ban long ki briew jong u hi ha U Khrist namar ka jingthmu jong u hi, ba la pynshong nongrim ha kaei kaba u la rai naduh kaba mynnyngkong.

HEBRU 11:7

Dei ka jingngeit kaba la pynlong ïa u Noah ban shahshkor ïa ki jingmaham U Blei shaphang kiei kiei ki ban sa jia ïa kiba um shym lah ban ïohi. U la kohnguh ïa U Blei bad u la thaw ïa ka ïinglieng ha kaba ma u bad ka longïing jong u ki la ïohlait im. Da kane, la pynrem ïa ka pyrthei, bad u Noah u la ïohpdiang na U Blei ïa ka hok kaba wan da ka jingngeit.

HEBRU 11:9

Da ka jingngeit u la im kum u nongwei ha ka ri ha kaba U Blei u la kular ïa u. U la shong ha ki ïingjaiñ, kumta ruh u Isaak bad u Jakob, kiba la ïohpdiang ïa kajuh ka jingkular na U Blei.

HEBRU 6:12

Ngim kwah ïa phi ba phin long kiba alhia, hynrei ban long kum kita kiba ngeit bad ban long kiba ïaishah, bad kumta ban ïohpdiang ïa kaei kaba U Blei u la kular.

HEBRU 6:16

Haba u briew u smai, u pyndonkam ïa ka kyrteng jong uno uno uba kham khraw ban ïa u, bad ka jingsmai ka pynbeit ïa baroh ki jingïatainia.

HEBRU 6:18

Te, don kine ar tylli kiei kiei ki bym lah ban kylla bad ïa kiba U Blei um lah ban lamler. Kumta ïa ngi kiba la shem ka jingshngain ha u la nang pynshlur shuh shuh ban batskhem ïa kata ka jingkyrmen ïa kaba la buh ha khmat jong ngi.

JAKOB 1:17

Ka jingai kaba bha baroh bad kaba janai baroh ka wan na bneng; ka wan hiar na U Blei, u Nongpynlong ïa ki jingshai ba kynja bneng, u bym ju kylla lane pynlong jingdum da ka jingpynphai.

JAKOB 2:5

To shahshkor, ko parabangeit ba-ieit jong nga! U Blei u la jied ïa ki briew kiba duk ha kane ka pyrthei ban long kiba riewspah ha ka jingngeit bad ban kam kynti ïa ka hima kaba u la kular ha kito kiba ieit ïa u.

1 PETROS 1:3

To ngin ainguh ïa U Blei bad ïa U Kpa U Jisu Khrist uba U Trai jong ngi. Namar ka jingisynei bakhraw jong u, u la ai ha ngi ïa ka jingim bathymmai da kaba pynmihpat ïa U Jisu Khrist na ka jingïap.

1 PETROS 3:7

Ha kajuh ka rukom phi ki shynrang to da shong ryngkat bad la ki tnga da ka jingshemphang ba dei biang ba ki long kiba kham tlot ban ïa phi. To ñiewburom ïa ki, namar ki ruh kin ïohpdiang, lem bad phi, ka jingim kaba long ka jingai jong U Blei. To leh ïa kane ba kan ym don kano kano ka ban tuklar ïa ki jingduwai jong phi.