HEBRU 6:12 - Khasi CL Bible (BSI)

¹² Ngim kwah ïa phi ba phin long kiba alhia, hynrei ban long kum kita kiba ngeit bad ban long kiba ïaishah, bad kumta ban ïohpdiang ïa kaei kaba U Blei u la kular.

KA BAIBL

¹² ba phin ym long kiba alhia, hynrei, ki nongpyrthuh ïa kita kiba da ka jingngeit bad ka jingïaishah ki ïaïoh ïa ki jingkular.

HEBRU 6:12 Mawu Ofanana

PROBERB 12:24

Ka jingtrei shitom kan ai bor ïa phi; kaba leh jaipdeh kan pynlong mraw ïa phi.

PROBERB 13:4

Kam pher katno u briew uba jaipdeh u thrang ban ïoh ïa kaei kaei, da lei lei un ym ïoh ïa ka. Uba trei shitom un ïoh ïa baroh kiei kiei kiba u kwah.

PROBERB 15:19

Lada phi jaipdeh, phin ïakynduh ïa ka jingeh kylleng, hynrei haba phi long uba trei minot, phin ym shem jingeh.

PROBERB 18:9

U briew uba jaipdeh u long uba sniew kum uno uno uba pynjot.

PROBERB 2:20

Kumta phi dei ban bud nuksa ïa ki briew kiba bha bad im ka jingim kaba hok.

PROBERB 26:14

U briew uba jaipdeh u kylla thiah ha jingthiah, um leit jngai ban ïa ka jingkhang kaba padai ha la ki kopja.

PROBERB 28:10

Lada phi leh buit bymman ïa u briew uba hok ban leh ïa kaba sniew, phin hap ha la ka jong ka liewlep. Uba lui lui un ïohnong shibun.

JINGRWAI SOLOMON 1:8

Phim tip seh ïa ka jaka, ko kaba bhabriew tam napdeng ki kynthei? Khie leit bad bud ïa ka kynhun langbrot; to wad ïa ki pyntha phlang na ka bynta ki blang jong phi hajan ki ïingjaiñ jong ki nongap langbrot.

JEREMAÏAH 6:16

U Trai u ong ha ki briew jong u, “To ïeng ha ka jaka ba ïashem ki lad bad to khmih. Kylli shaphang ki lynti ïaid kiba mynbarim bad hangno ka don ka surok babha tam. To ïaid ha ka, bad phin im ha ka jingsuk.” Hynrei ki ong, “Em, ngin ym leh!”

MATHAÏOS 22:32

‘Nga long U Blei jong u Abraham, U Blei jong u Isaak, bad U Blei jong u Jakob.’ U long U Blei jong kiba im bad ym jong kiba ïap.”

MATHAÏOS 25:26

“ ‘Me u shakri uba sniew bad uba jaipdeh!’ u kynrad jong u, u la ong. ‘Me la tip, ym dei, ba nga ot ïa ki jingot na kaba ngam shym bet, bad lum ïa ki jingthung na kaba ngam shym bet symbai?

LOUKAS 16:22

“U briew uba duk u la ïap bad la bah da ki angel ban shong hajan u Abraham ha ka jingkhawai ha bneng. U riewspah u la ïap bad la tep,

LOUKAS 8:15

Ki symbai kiba la hap ha ka khyndew babha ki ïeng na ka bynta kito kiba ïohsngew ïa ka khubor bad kiba bat ïa ka ha ka dohnud kaba bha bad kaba kohnguh, bad ki ïaineh tad haduh ba kin da seisoh.

Ka Shithi U Paul Sha Ki Nong Rom 12:11

To trei shitom bad wat long kiba alhia. To shakri ïa U Trai da ka dohnud kaba aiti lut.

Ka Shithi U Paul Sha Ki Nong Rom 2:7

Katto katne ki briew ki ïai leh ïa kaba bha, bad wad burom, ka nam babha, bad ka jingim bymïap shuh; ïa ki U Blei un ai ka jingim bymjukut.

Ka Shithi U Paul Sha Ki Nong Rom 4:12

U long ruh u kpa jong kito ïa kiba la otsher, kata, jong kito kiba, nalor ba la otsher ïa ki, ki la im ruh ïa kajuh ka jingim jong ka jingngeit kaba u Abraham u kpa jong ngi u la im shuwa ba yn otsher ïa u.

1 THESSALONI 1:3

Naba ngi kynmaw ha khmat U Blei bad U Kpa jong ngi ba kumno phi pyntreikam ïa ka jingngeit, kumta ba ka jingieit jong phi ka pynlah ïa phi ban trei shitom, bad kumno ka jingkyrmen jong phi ha U Jisu Khrist uba U Trai jong ngi ka long kaba skhem.

2 THESSALONI 1:4

Dei kata keiñ balei ba ma ngi hi ngi sngewsarong shaphang jong phi ha ki balang jong U Blei. Ngi sngewsarong shaphang ka rukom kaba phi ïaineh ban shah bad ban ngeit lyngba baroh ki jingpynshitom beiñ bad ki jingshahshitom kiba phi ïohmad.

HEBRU 1:14

Ki angel ki dei kiei, te? Ki dei ki mynsiem kiba shakri ïa U Blei bad ïa ki la phah da u ban ïarap ïa kito kiba dei ban ïohpdiang ïa ka jingpynim.

HEBRU 10:36

Phi donkam ban long kiba ïaishah, khnang ba phi lah ban leh ïa ka mon U Blei bad ïohpdiang ïa kata kaba u kular.

HEBRU 11:33

Da ka jingngeit ki la ïaleh pyrshah ïa baroh ki hima bad ki la jop. Ki la leh ïa kaei kaba dei hok bad ki la ïohpdiang ïa kaei kaba U Blei u la kular.

HEBRU 12:1

Na ka bynta jong ngi, ngi don katne u paid sakhi babun byllien sawdong jong ngi. Kumta te, to ngin ïabret noh na lade ïa kiei kiei baroh kiba wan pynwit ha lynti, bad ïa kata ka pop kaba shait snoh skhem ha ngi, bad to ngin ïaphet da ka jingkut jingmut ïa ka jingïaphet thong kaba don ha khmat jong ngi.

HEBRU 13:7

To kynmaw ïa ki nongïalam jong phi kiba mynshuwa, kiba la kren ha phi ïa ka khubor U Blei. To da pyrkhat kumno ki la im bad ki la ïap, bad pyrthuh bud ïa ka jingngeit jong ki.

HEBRU 5:11

Don shibun kiei kiei ba ngi hap ban ong shaphang kane ka bynta, hynrei ka long kaba eh ban batai ïa phi, namar phi long kiba suki katta katta ïa ka ban sngewthuh.

HEBRU 6:15

U Abraham u la ïaishah slem, bad kumta u la ïohpdiang ïa kaei kaba U Blei u la kular.

2 PETROS 1:10

Naba kumta, ko ki parabangeit jong nga, to pyrshang kham tyngeh ban pynlong ïa ka jingkhot jong U Blei bad ka jingjied jong u ïa phi, ka jingshem baneh junom; lada phi leh kumta, phin ym iehnoh da lei lei ïa ka jingngeit jong phi.

1 ÏOANNIS 2:25

Bad kane ka long kaei kaba U Khrist hi da lade u la kular ban ai ha ngi — ka jingim bymjukut.

JINGPYNPAW 13:10

Uno uno uba dei ban shah kem un shah kem da shisha; uno uno uba dei ban shah pynïap da ka waitlam un shah pynïap shisha da ka waitlam. Kane ka dawa ïa ka jingïaishah bad ïa ka jingngeit na ka liang jong ki briew jong U Blei.”