HEBRU 5:14 - Khasi CL Bible (BSI)

¹⁴ Ka jingbam kaba eh, ha kawei pat ka liang, ka long ïa kiba la rangbah, kiba lyngba ka jingpynmlien ki lah ban pynïapher ïa kaba bha na kaba sniew.

KA BAIBL

¹⁴ Hynrei, ka jingbam kaba eh ka long ïa ki rangbah, kiba namar ka jingmlien, ki don la ki jingsngewthuh ba la pynmlien ban bishar ïa ka babha ruh bad ïa ka basniew.

HEBRU 5:14 Mawu Ofanana

JENESIS 3:5

U Blei u ong kumta namar u tip ba phi tang shu bam ïa u, phin sa long kum U Blei bad tip kaei kaba bha bad kaei kaba sniew.”

2 SAMUEL 14:17

Nga la ong ha lade ba ki kular jong phi, ko Kynrad, kin pynshngain ïa nga, namar ba u syiem u long kum u angel jong U Blei bad u lah ban pynïapher ïa kaba bha na kaba sniew. To U Trai U Blei jong phi un long lem bad phi!”

1 SYIEM 3:11

bad kumta u ong ha u, “Namar ba me la pan ïa ka jingstad ban synshar hok, ha ka jaka ka jingim bajlan na ka bynta ïa lade lane ka spah lane ka jingïap ki nongshun jong me, ngan leh ïa kaba me la pan.

1 SYIEM 3:9

Kumta to ai ha nga ka jingstad kaba nga donkam ban synshar ïa ki briew jong me ha ka jinglehhok bad ban ithuh ka jingïapher hapdeng kaba bha bad kaba sniew. Lym kumta, kumno ngan lah ban synshar ïa u paidlang jong me uba khraw katne katne?”

Ka Kitab U Job 12:11

Hynrei kumba u thylliej u sngewbang ban mad ïa ka jingbam, ki shkor jong me ki sngewtynnat ban ïohsngew ïa ki kyntien.

Ka Kitab U Job 34:3

Phi tip ïa ka jingbam kaba bang dei haba phi la mad ïa ka, hynrei kam long kumta ïa ki kyntien kiba stad haba phi ïohsngew ïa ki.

Ka Kitab U Job 6:30

Hynrei phi tharai ba nga shukor — bad phi tharai ba ngam lah ban ïathuh ïa ka badei na ka bymdei.

SALM 119:103

A katno kaba thiang ka long ka jingmad ïa ki jingbthah jong me — ki kham thiang ban ïa ka ngap!

JINGRWAI SOLOMON 1:3

Ka don ka jingiw kaba iwbih shaphang jong phi; ka jingsawa ka kyrteng jong phi ka pynkynmaw ïa kata. Ym don kano kano ka briew ka bym lah khlem da ieit ïa phi.

JINGRWAI SOLOMON 2:3

Kum u diengsoh apple hapdeng ki dieng ha khlaw, kumta u long uba ieit thep mynsiem jong nga haba nujor bad kiwei pat ki shynrang. Nga ieit ban shong hapoh ka jingkahtngen jong u, bad u soh jong u, u thiang ha ka jingmad jong nga.

ISAÏAH 7:15

Ha ka por ba u la rangbah bha ban pynlong ïa la ki jingkut jingmut, ki briew kin dih dud bad bam ngap.

MATHAÏOS 5:48

Phi dei ban long kiba janai — kumba U Kpa jong phi uba ha bneng u long uba janai!

Ka Shithi U Paul Sha Ki Nong Rom 14:1

To pdiang sngewbha ïa u briew uba tlot ha ka jingngeit, hynrei wat ïania bad u shaphang ki jingpyrkhat bashimet jong u.

1 KORINTH 2:6

La katta ruh, nga pynbna ïa ka khubor jong ka jingstad sha kito kiba la san ha ka jinglong mynsiem. Hynrei, kam long ka jingstad jong kane ka pyrthei lane jong ki bor kiba synshar ïa kane ka pyrthei — ki bor ki ban sa duh noh ïa ka bor jong ki.

EPHESOS 1:18

Nga duwai ba yn plie ïa ki jingmut jong phi khnang ba phin ïohi ïa ka jingshai jong u, ba phin tip kaei kata ka jingkyrmen ïa kaba u la khot ïa phi, katno ki jingkynrei spah ki long kita ki jingkyrkhu baphylla kiba U Blei u la kular ïa la ki briew,

EPHESOS 4:13

Bad kumta ngin ïawanlang baroh sha kata ka jinglong kawei ha ka jingngeit jong ngi bad ha ka jingtip jong ngi ïa U Khun U Blei; ngin long ki briew kiba rangbah bha, kiba kot shaduh ka rynïeng ka jinglong rangbah pura U Khrist.

PHILIPPI 3:15

Ma ngi baroh kiba la ih bha ka jinglong mynsiem, ngi dei ban ïoh ïa kane kajuh ka jingmut. Hynrei lada don napdeng jong phi kiba don da ka jingmut baïapher, U Blei un pynshai ïa kane ha phi.

1 THESSALONI 5:21

Da tynjuh ïa kiei kiei baroh: Bat ïa kaei kaba bha

1 TIMOTHI 4:7

Hynrei to kiar noh na ki khanatang bym don nongrim, ki bymmyntoi ban ïathuh. To men pynmlien ïa lade ïa ka jingim riewblei.

HEBRU 6:1

Te, to ngin ïaid shaphrang, sha ka jinghikai ïa kiba ïadei bad kiba la san bad ieh shadien jong ngi ïa ki jinghikai banyngkong ka khubor jong ka jingngeit. Ngim dei ban neh sah ha ka nongrim jong ka jingphai noh na ki kam bymseisoh bad ka jingngeit ha U Blei;

JAKOB 3:2

Baroh na ngi, ngi bakla bunsien. Hynrei lada u briew um ju bakla ha kaei kaba u kren, u long uba janai bad u long ruh uba lah ban synshar ïa lade nadong shadong.