HEBRU 4:6 - Khasi CL Bible (BSI)

⁶ Kito kiba la ïohsngew nyngkong ïa ka Khubor Babha kim shym ïohpdiang ïa kata ka jingjahthait, namar ba kim shym la ngeit. Ki don, te, kiwei pat ïa kiba la shah ban ïohpdiang ïa ka.

KA BAIBL

⁶ Namar kata, haba ïohi ba ka sah ba don kiba leit bsut ha ka, hynrei, ba kita ha kiba la ïalap ïa ka gospel mynshuwa kim lah ban leit bsut, namar ka jingbymngeit;

HEBRU 4:6 Mawu Ofanana

ISAÏAH 65:15

Ki briew ba la jied jong nga kin pyndonkam ïa ka kyrteng jong phi kum ka jingtim. Ma nga, U Trai nongsynshar ngan pynïap ïa phi. Hynrei ngan ai ka kyrteng bathymmai ha kito kiba kohnguh ïa nga.

JINGKHEIÑ 14:12

Ngan phah ka jingïapthem bad pynjot thiaw ïa ki, hynrei ïa me ngan pynlong u kpa ka jaitbynriew kaba kham khraw bad kham khlaiñ ban ïa ki!”

JINGKHEIÑ 14:31

Phi ong ba ki khun ki kti jong phi kin shah kem, hynrei ngan wallam ïa ki sha kata ka ri ïa kaba phi, phi la kyntait, bad kan long ka jaka shong jaka sah jong ki.

MATHAÏOS 21:43

“Bad kumta nga ong ha phi,” U Jisu u la bynrap, “ïa ka Hima U Blei yn shim noh na phi bad yn ai ha ki briew ki ban pynmih ki soh kiba dei.”

KI KAM 28:28

Bad u Paul u la pynkut: “Phi dei ban tip, te, ba ïa ka khubor jong U Blei shaphang ka jingpynim la phah sha ki Jentil. Kin shahshkor!”

1 KORINTH 7:29

Kaei kaba nga mut, ko ki parabangeit jong nga, ka long kane: Ka por kam don shuh, bad naduh mynta ki rangbah kiba la shongkurim ki dei ban im kumba kim shym la shongkurim;

GALATIA 3:8

Ka Jingthoh Bakhuid ka la ong lypa ba U Blei un pynksan ïa ki Jentil ha lade hi da ka jingngeit. Bad kumta ka Jingthoh Bakhuid ka pynbna ïa ka khubor babha ha u Abraham: “Lyngba jong me, U Blei un kyrkhu ïa ka jaitbynriew baroh.”

HEBRU 4:11

Te, to ngin ïaleh shitom ban ïohpdiang ïa kata ka jingjahthait, kumta ba yn ym don uwei ruh na ngi u ban duh noh kum ma ki namar ba kim don ka jingngeit.

HEBRU 4:2

Naba ngi la ïohsngew ïa ka Khubor Babha, kumba ma ki ruh ki la ïohsngew. Ki la ïohsngew ïa ka khubor, hynrei kam shym la myntoi ei ei ruh ïa ki, namar haba ki la ïohsngew ïa ka, kim shym la pdiang ïa ka da ka jingngeit.

HEBRU 4:9

Pynban, kumba ka long, ka dang ïaisah hi ka jingjahthait ïa ki briew jong U Blei kumba U Blei u shongthait ha ka sngi kaba hynñiew.