HEBRU 4:15 - Khasi CL Bible (BSI)

¹⁵ U Rangbah Lyngdoh jong ngi um long uta u bym lah ban sngewlem ïa ki jingtlot jong ngi. Pynban, ngi don U Rangbah Lyngdoh uba la shah pynshoi ha kiei kiei baroh kum ma ngi, hynrei u bym shym la leh pop.

KA BAIBL

¹⁵ Namar ngim don u Rangbah lyngdoh u bym lah ban ïasngewlem bad ki jingtlot jong ngi; hynrei, ïa uba la pynshoi ha kiei kiei baroh syriem ïa ngi, hynrei, khlem pop.

HEBRU 4:15 Mawu Ofanana

EKSODOS 23:9

“Wat lehbeiñ ïa u nongwei; phi tip kumno phi sngew ban long u nongwei, naba phi la ju long ki nongwei ha ka ri Ijipt.

ISAÏAH 53:9

La buh ïa u ha ka jingtep lem bad ki bymman, la tep ïa u bad kiba riewspah, wat la um shym la leh kano kano ka kam bymman lane um shym la shukor ïano ïano.”

HOSIA 11:8

“Kumno nga lah ban ieh ïa phi, ko Israel? Kumno nga lah ban iehnoh ïa phi? Hato ngan pynjot junom ïa phi kumba nga leh ïa ka Admah, lane ngan leh ïa phi kumba nga leh ïa ka Seboiim? Ka dohnud jong nga kan ym shah ïa nga ban leh ïa kata! Ka jingieit jong nga ïa phi ka long khlaiñ haduh katta katta.

MATHAÏOS 12:20

Un ym pynkheiñ ïa u khah ba la kdor lane pynlip ïa u 'sai sharak ba dang mehding. Un ïaineh tad haduh ba un pynlong ïa ka jinglehhok ban jop,

MATHAÏOS 4:1

Nangta U Mynsiem u la ïalam ïa U Jisu sha ka ri shyiap ba yn pynshoi u da u Soitan.

LOUKAS 22:28

“Phi la ïadon bad nga ha baroh ki jingshah tynjuh jong nga;

LOUKAS 4:2

ha kaba u la shah pynshoi ha u Soitan haduh sawphew sngi. Ha baroh kata ka por u khlem bam ei ei, ba kumta u la thngan eh haba ka la kut.

ÏOANNIS 8:46

Uno na phi uba lah ban pynshisha ba nga long uba shah pynrem ha ka pop? Lada nga ïathuh ïa ka jingshisha, te balei ba phim ngeit ïa nga?

Ka Shithi U Paul Sha Ki Nong Rom 8:3

Kaei kaba ka Hukum kam lah ban leh, namar ka jinglong ba kynja doh ka long kaba tlot, U Blei u la leh. U la pynrem ïa ka pop ha ka jinglong ba kynja doh da kaba u la phah ïa U Khun jong u hi, uba la wan kum ka jinglong u briew uba pop, ban jop ïa ka pop.

2 KORINTH 5:21

U Khrist u la long uba khlem pop, hynrei na ka bynta jong ngi U Blei u la pynlong ïa u ban don bynta ha ka pop jong ngi khnang ba haba ngi don ha u ngin lah ban ïoh bynta na ka hok U Blei.

HEBRU 4:14

Te, to ngin batskhem ïa ka jingngeit ïa kaba ngi phla. Naba ngi don U Rangbah Lyngdoh uba khraw uba la leit haduh ka jingdon ryngkat U Blei — U Jisu, U Khun U Blei.

HEBRU 5:2

Namar u hi u long uba tlot ha kiba bun rukom, u lah ban long uba jemnud bad kito ki bym don ka jingtip bad kiba leh bakla.

HEBRU 7:26

U Jisu, te, u long U Rangbah Lyngdoh uba pynbiang ïa ki jingdonkam jong ngi. U long uba khuid; um shym don kano kano kaba bakla lane ka pop ha u; la pynkyrpang ïa u na ki nongpop bad la kyntiew ïa u sha ki bneng.

HEBRU 9:28

Ha kajuh ka rukom, U Khrist ruh u la kñia ainguh tang shisien ban bah noh ïa ki pop jong kiba bun. Un sa paw ha ka sien kaba ar, ym ban weng noh ïa ka pop, hynrei ban pynim ïa kita kiba ap khmih lynti ïa u.

1 PETROS 2:22

Um shym la leh pop, bad ym shym don mano mano ba la ïohsngew ïa ka jinglamler kaba mih na ki rmiang shyntur jong u.

1 ÏOANNIS 3:5

Phi tip ba U Khrist u la paw ban bah noh ïa ki pop, bad kam don kano kano ka pop ha u.