HEBRU 4:14 - Khasi CL Bible (BSI)

¹⁴ Te, to ngin batskhem ïa ka jingngeit ïa kaba ngi phla. Naba ngi don U Rangbah Lyngdoh uba khraw uba la leit haduh ka jingdon ryngkat U Blei — U Jisu, U Khun U Blei.

KA BAIBL

¹⁴ Namar kata, haba ngi don U Rangbah lyngdoh Bakhraw uba la leit lyngba ïa ki bneng, U Jisu U Khun U Blei, to ngin ïabat skhem ïa la ka jingphla.

HEBRU 4:14 Mawu Ofanana

ESEKIEL 46:10

U khun syiem un rung shapoh haba ki briew ki wan, bad un mih haba ki briew ki mih.

MATHAÏOS 4:3

Te u Soitan u la wan ha U bad u la ong, “Lada me long U Khun U Blei, hukum ïa kine ki maw ban kylla kpu.”

MARKOS 1:1

Kane ka dei ka Khubor Babha shaphang U Jisu Khrist, U Khun U Blei.

MARKOS 16:19

Hadien ba U Trai Jisu u la lah kren bad ki, ïa u la shim noh sha bneng bad u la shong ha ka liang kamon jong U Blei.

LOUKAS 24:51

Katba u dang kyrkhu ïa ki, u la leit noh na ki bad la shim noh ïa u sha bneng.

KI KAM 1:11

“Ko nong Galilaïa, balei phi ïa-ïeng hangne da kaba khmied sha ka sahit bneng? Une U Jisu, ïa uba la shim noh sha bneng na phi, un wan pat ha kajuh ka rukom ba phi la ïohi ba u kiew sha bneng.”

KI KAM 3:21

U dei ban don ha bneng tad ynda ka poi ka por ha kaba yn thaw thymmai kiei kiei baroh, kumba U Blei u la pynbna lyngba ki nongïathuhlypa bakhuid jong u kiba la im slem bah mynshuwa.

Ka Shithi U Paul Sha Ki Nong Rom 8:34

Mano te, ki ban pynrem ïa ki? Ym U Khrist Jisu, uba la ïap, lane, ïa uba la pynmihpat bad uba don ha ka liang kamon jong U Blei, uba ïasaid bad u na ka bynta jong ngi!

2 KORINTH 12:2

Nga ithuh ïa u briew uba ngeit ïa uba khatsaw snem mynshuwa la rong noh sha ka bneng kaba jrong tam (ngam tip la kane ka da jia shisha ne u la ïoh ïa ka jingïohipaw — tang U Blei uba tip).

2 KORINTH 9:13

Bad namar ka jingpynshisha ïa kaba kane ka jingshakri jong phi ka wallam, bun ki ban ai burom ïa U Blei na ka bynta ka jingïaineh jong phi ha ka gospel U Khrist, ïa kaba phi ïaphla, bad ïa ka jinglehsbun jong phi ha kaba ïasam bynta lem bad ki bad uwei pa uwei ruh.

EPHESOS 4:10

Kumta uta uba hiar shapoh u long uta ujuh uba leit kiew shaneng, shajrong bad sha lyndet ki bneng, ban pyndap ïa ka pyrthei baroh kawei da ka jingdon ryngkat jong u.

HEBRU 1:8

Hynrei ïa U Khun, U Blei u la ong: “Ka hima jong me, A Blei, kan neh junom la junom! Me synshar halor la ki briew da ka hok.

HEBRU 10:12

Hynrei U Khrist u la ainguh shisien kñia namar ki pop, ka jingainguh kaba dap biang junom, bad hadien u la shong ha ka liang kamon jong U Blei.

HEBRU 10:23

To ngin batskhem da ka jingkyrmen ïa kaba ngi ïaphla, namar ngi lah ban shaniah ba U Blei u bat ïa la ka kular.

HEBRU 10:29

Te, kaei kan long ïa u briew uba ñiewbeiñ ïa U Khun U Blei? uba ñiew dew thala ïa ka snam jong ka jutang U Blei kaba pynkhuid ïa u na ka pop? uba ñiewbeiñ ïa U Mynsiem ka jingaiei? To pyrkhat haduh katno kan long ka jingpynshitom kaba kham shyrkhei kaba u dei ban ïoh!

HEBRU 12:2

To ngin ïakhmih shaiñ sha U Jisu, ha uba ka jingngeit jong ngi ka don naduh kaba sdang haduh kaba kut. U bym shym la kynran dien namar ka diengphna! Pynban, namar ka jingkmen kaba la ap ïa u, um shym pyrkhat ei ei ïa ka jingjahburom ban shahïap halor ka diengphna, bad mynta u la shong ha ka liang ka mon jong ka khet U Blei.

HEBRU 2:1

Namar kata ngi dei ban kham batskhem ïa kita ki jingshisha ïa kiba ngi la ïohsngew, kumta ba ngin ym shah rong noh.

HEBRU 2:17

Kane ka mut, ba u dei ban long uba syriem kum ki para jong u ha kiei kiei baroh, ba un ïoh long u rangbah lyngdoh uba lah ban shaniah bad uba sngewsynei ha ka jingshakri ïa U Blei, kumta ba yn ïohmap noh ïa ki pop ki briew.

HEBRU 3:1

Ko parabangeit jong nga ïa kiba U Blei u la khot! To pyrkhat ïa U Jisu, ïa uba U Blei u la phah ban long U Rangbah Lyngdoh jong ka jingngeit kaba ngi ïaphla.

HEBRU 3:14

Naba ngi long baroh ki nongïoh bynta bad U Khrist lada ngi batskhem haduh kaba kut ïa kata ka jingsngewskhem kaba ngi la don naduh kaba sdang.

HEBRU 6:20

Na ka bynta jong ngi U Jisu u la rung hapoh hangta shuwa jong ngi, bad u la jia long U Rangbah Lyngdoh junom, ha ka rukom long lyngdoh u Melkhisedek.

HEBRU 6:6

Bad hadien kata ki la iehnoh ïa la ka jingngeit! Ka long ka bym lah long ban ïalam pat ïa ki ban kylla-kaba-mut biang, namar ki la sahnarphna biang ïa U Khun U Blei bad pynlehrain ïa u ha khmat ka pyrthei.

HEBRU 7:3

Ym shym la don jingthoh shaphang u kpa lane ka kmie lane jong kino kino ki kpa tymmen jong u Melkhisedek; ym shym la don jingthoh shaphang ka jingkha lane ka jingïap jong u. U syriem ïa U Khun U Blei, u ïaisah u lyngdoh junom.

HEBRU 8:1

Ka bynta kaba kongsan na kine kiei kiei ïa kiba ngi kren ka long ba ngi don kum uta U Rangbah Lyngdoh, uba shong ha ka liang kamon jong ka khet ba kynja blei kaba ha bneng.

HEBRU 9:12

Haba U Khrist u la ïaid lyngba kane ka ïingjaiñ bad rung tang shisien shapoh ka Jaka Bakyntang Tam, um shym la shim ïa ka snam ki blang bad ki masi kyrtong ban ainguh kum ka jingkñia; hynrei, u shim ïa la ka jong ka snam, bad pynïoh ïa ka jingim bymjukut na ka bynta jong ngi.

HEBRU 9:24

Namar U Khrist um shym la leit rung shapoh ka Jaka kaba Kyntang Tam ba la shna da u briew, kaba long tang ka jingpyrthuh bud ïa kata kaba shisha. U la rung shapoh ka bneng hi, ha kaba mynta u mihkhmat na ka bynta jong ngi ha ka jingdon ryngkat U Blei.

1 PETROS 3:22

uba la leit noh sha bneng bad u don ha ka kti kamon U Blei, da kaba synshar halor ki angel baroh bad ki nongsynshar bad ki bor ba kynja bneng.