HEBRU 3:14 - Khasi CL Bible (BSI)

¹⁴ Naba ngi long baroh ki nongïoh bynta bad U Khrist lada ngi batskhem haduh kaba kut ïa kata ka jingsngewskhem kaba ngi la don naduh kaba sdang.

KA BAIBL

¹⁴ Namar ngi la jia long ki nongïoh bynta na U Khrist, lada ngin ïaibat skhem ïa kata ka basdang ka jingshaniah jong ngi haduh ka bakut;

HEBRU 3:14 Mawu Ofanana

Ka Shithi U Paul Sha Ki Nong Rom 11:17

Ïa ki katto katne na ki tnat jong u dieng Olib ba la thung, la pynkheiñ noh, bad ba ïa u tnat jong u dieng Olib khlaw la pynïasoh bad u. Ma phi ki Jentil phi long kum ki dieng Olib khlaw, bad mynta phi ïadon bynta ha ka jingim ba kynja mynsiem bakhlaiñ jong ki Jiw.

Ka Shithi U Paul Sha Ki Nong Rom 11:22

Hangne ngi ïohi katno U Blei u long uba sbun bad katno u long uba eh. U long uba eh ïa kito kiba la kyllon, hynrei uba sbun ïa phi — lada phi ïaineh ha ka jingsbun jong u. Hynrei lada phim leh kumta, ma phi ruh phin sa shah pynkheiñ.

1 KORINTH 1:30

Hynrei U Blei u la wallam ïa phi ha U Khrist Jisu, bad U Blei u la pynlong ïa U Khrist ban long ka jingstad jong ngi. Da u, la pynïasuk ïa ngi bad U Blei; ngi long ki briew bakhuid jong U Blei bad la pyllaitluid ïa ngi.

1 KORINTH 10:17

Namar don uwei u kpu, baroh na ngi, wat la ngi long shibun, ngi long kawei ka met, naba ngi baroh ngi ïoh bynta lem na ujuh u kpu.

1 KORINTH 9:23

Ïa kane baroh nga leh na ka bynta ka gospel, khnang ba ngan ïoh bynta ha ki jingkyrkhu jong ka.

EPHESOS 3:6

Ka jingmaïan ka long kata kaba da ka lynti ka gospel, ki Jentil ki ïoh bynta lem bad ki Jiw ïa ki jingkyrkhu U Blei; ki long ki dkhot jong kajuh ka met bad ki ïoh bynta ïa ka jingkular kaba U Blei u la pynlong lyngba U Khrist Jisu.

DEUTERONOMI 1:35

‘Na kane ka pateng bymman, yn ym don uwei ruh u ban ïoh leit rung ha kata ka ri kaba seisoh ba nga la kular ban ai ha ki kpa tymmen jong phi,

1 TIMOTHI 6:2

Ki mraw kiba long ki jong ki kynrad kiba ngeit kim dei ban ñiewbeiñ ïa ki, naba ki long ki parabangeit jong ki. Pynban, ki dei ban shakri ïa ki kham bha shuh shuh, namar kito kiba ïoh myntoi na ka jingtrei jong ki, ki long ki parabangeit ïa kiba ki ieit. Me dei ban hikai bad ïalap ïa kine kiei kiei.

HEBRU 11:1

Ban ngeit ka long ban sngewskhem ïa kiei kiei ïa kiba ngi kyrmen, ban sngewthikna ïa kiei kiei kiba ngim lah ban ïohi.

HEBRU 12:10

Ki kpa jong ngi ki sneng sympat ïa ngi tang shipor, katba ki sngewbit ma ki, hynrei U Blei u leh ïa kata na ka bynta ka jingbha jong ngi hi, khnang ba ngin ïoh bynta lang ha ka jingkhuid jong u.

HEBRU 3:1

Ko parabangeit jong nga ïa kiba U Blei u la khot! To pyrkhat ïa U Jisu, ïa uba U Blei u la phah ban long U Rangbah Lyngdoh jong ka jingngeit kaba ngi ïaphla.

HEBRU 3:6

Hynrei, U Khrist u long uba lah ban shaniah kum U Khun uba dei peit ïa ka ïing U Blei. Ngi long ka ïing jong u lada ngi ïaineh ha ka jingshlur bad ngi long skhem ha kaei kaba ngi kyrmen.

HEBRU 6:11

Ka jingangnud kaba khraw tam jong ngi ka long ba uwei pa uwei na phi un don ka jingthrang kaba ïaineh haduh kaba kut, kumta ba kiei kiei kiba phi kyrmen kin wan urlong.

HEBRU 6:4

Naba da kumno lah ban ïalam pat ïa kito kiba la iehnoh ïa la ka jingngeit ba kin kylla-kaba-mut biang? Ki la don shisien ha ka jingshai U Blei; ki la ïohmad ïa ka jingai ba kynja bneng, bad ïohpdiang ïa la ka bynta na U Mynsiem Bakhuid;

1 PETROS 4:13

Pynban to shadkmen ba phi ïoh bynta lem ha ki jingshahshitom U Khrist, khnang ba phi lah ban long kiba dap da ka jingkmen haba ïa ka burom jong u yn pynpaw.

1 PETROS 5:1

Ma nga, uba ïa lade nga long u nongsharai balang, nga kyntu ïa ki nongsharai balang ka balang hapdeng jong phi. Nga long u sakhi ïa ki jingshahshitom U Khrist, bad ngan ïoh bynta ha ka burom kaba yn sa pynpaw.

1 ÏOANNIS 1:3

Ïa kaei kaba ngi la ïohi bad la ïohsngew ngi pynbna ha phi ruh, khnang ba phin ïasnoh bad ngi ha ka jingïasyllok kaba ngi don bad U Kpa lem bad U Jisu Khrist U Khun jong u.