HEBRU 2:17 - Khasi CL Bible (BSI)

¹⁷ Kane ka mut, ba u dei ban long uba syriem kum ki para jong u ha kiei kiei baroh, ba un ïoh long u rangbah lyngdoh uba lah ban shaniah bad uba sngewsynei ha ka jingshakri ïa U Blei, kumta ba yn ïohmap noh ïa ki pop ki briew.

KA BAIBL

¹⁷ Namar kata, ka la dei ban pynlong ïa u, uba syriem ïa la ki para ha kiei kiei baroh, ba un ïoh long U Rangbah lyngdoh ba-isynei bad ïa uba lah ban shaniah ha kiei kiei kiba dei sha U Blei, ba un pynlong ka kuna namar ki pop u paidlang.

HEBRU 2:17 Mawu Ofanana

2 KHRONIKL 29:24

Nangta ki lyngdoh ki la pynïap ïa ki blang, bad theh ïa ka snam jong ki halor ka duwan kum ka jingkñia ban weng noh ïa ka pop jong ki briew baroh. Namar u syiem u la hukum ban pynlong ki jingkñia ainguh thang bad ki jingkñia sait pop na ka bynta ki Israel baroh.

ISAÏAH 11:5

Un synshar ïa ki briew jong u da ka jingbishar hok bad da ka jinglong skhem.

ESEKIEL 45:17

Kan long ka kamram jong u ban pynbiang ïa ki mrad ban thang tylli, ki jingainguh bam, bad ki jingainguh waiñ na ka bynta ka jaitbynriew Israel baroh kawei ha ki Jingkhawai Niam Bnai Thymmai, ki Sabbaton, bad kiwei ki Jingkhawai Niam. Un pynbiang ki jingkñia pop, jingainguh bam, ki jingkñia ban thang tylli, bad ki jingainguh ïasyllok, ban shim noh ïa ki pop jong ki paid Israel.”

ESEKIEL 45:20

Ha ka sngi kaba hynñiew jong u bnai phi dei ban leh ïa kajuh na ka bynta uno uno uba leh pop khlem da mut shisha ne na ka jingbymtip. Ha kane ka rukom, phin pynlong ba ka Templ kan long kaba khuid.

DANIEL 9:24

“Hynñiew sien ki hynñiewphew snem ki long ka jingjlan jong ka por ba U Blei u la buh na ka bynta ban pyllait im ïa ki briew jong me bad ïa ka nongbah bakhuid jong me na ka pop bad ka jingsniew. Ïa ka pop yn map bad yn seng ïa ka jingbishar hok bymjukut, khnang ba ka jingïohipaw bad ka jingïathuhlypa kin wan urlong shisha, bad ïa ka Templ bakhuid yn pynkyntang biang.

LEBITIKOS 14:18

Ïa ka umphniang kaba dang sah ha ka sla'ti un kyllan ha ka khlieh jong uta u briew. Kumne keiñ u lyngdoh un pyndep ïa ka rukom lehniam kaba ïadei bad ka jingpynkhuid.

LEBITIKOS 16:16

Ha kane ka rukom un pyndep ïa ka rukom lehniam ban pynkhuid ïa ka Jaka Kaba Khuid Tam namar ka jingbymkhuid jong ki Israel bad namar ki pop jong ki baroh. U dei ban leh kumne ha ka Ïingjaiñ namar ka ïeng hapdeng ka jaka shong dara, ïa kaba la ñiew ba ka long ka bymkhuid.

LEBITIKOS 6:30

Hynrei lada wanrah wat tang khyndiat na ka snam shapoh ka Ïingjaiñ bad pyndonkam ïa ka ha kaba lehniam ban ïohmap ïa ki pop, ïa u mrad ym dei ban bam; dei ban thang lut khoit ïa u.

LEBITIKOS 8:15

U Moses u pynïap ïa u, u shim khyndiat ka snam, bad u pyndei ïa ka da la ka shynriah'ti ha ki reng kiba don ha ki dong jong ka duwan, khnang ban pynkyntang ïa ka. Nangta u theh ïa ka snam kaba sah baroh ha trai ka duwan. Ha kane ka rukom u pynkyntang ïa ka bad u pynkhuid ïa ka.

JINGKHEIÑ 15:25

U lyngdoh un pyndep ïa ka jinglehniam ka jingpynkhuid ïa ka kynhun, bad yn sa map ïa ki, namar ka jingbakla ka long kaba khlem da mut khnang bad ba ki la wallam ruh ïa ka jingkñia namar ka pop kum ka jingainguh bam sha U Trai.

Ka Shithi U Paul Sha Ki Nong Rom 15:17

Te ha U Khrist Jisu, nga lah ban sngewsarong ïa ka jingshakri jong nga ïa U Blei.

Ka Shithi U Paul Sha Ki Nong Rom 5:10

Ngi la long ki nongshun jong U Blei, hynrei u la pynlong ïa ngi ki paralok jong u lyngba ka jingïap U Khun jong u. Mynta ba ngi long ki paralok jong U Blei, katno tam ba yn pynim ïa ngi da ka jingim U Khrist!

EPHESOS 2:16

Da ka jingïap jong u halor ka diengphna, U Khrist u la pynduh thiaw ïa ka jingïashun jong ki; da ka lynti jong ka diengphna u la pynïasoh lang ar ki jaitbynriew ha kawei ka met, bad u la wallam pat ïa ki sha U Blei.

KOLOSSAI 1:21

Ha kawei ka por phi la long jngai eh na U Blei bad phi la long ki nongshun jong u namar jong kiei kiei kiba sniew kiba phi la leh bad pyrkhat.

HEBRU 10:21

Ngi don u lyngdoh uba khraw uba peit ïa ka ïing U Blei.

HEBRU 2:11

U pynkhuid ïa ki briew na ki pop jong ki, bad ma u lem bad kita baroh ïa kiba la pynkhuid ki don ujuh U Kpa. Namarkata, U Jisu um sngewlehrain ban khot ïa ki, ki para jong u.

HEBRU 2:14

Namar ba kita ki khun, kumba u khot ïa ki, ki long ki briew na ka doh bad ka snam, U Jisu u la long u briew kum ma ki hi bad ïoh bynta lang na ka jinglongbriew jong ki. U la leh ïa kane, khnang ba da ka jingïap jong u, u lah ban pynduh ïa u Bymman, uba don ka bor halor ka jingïap,

HEBRU 2:16

Namar ka shai kdar, ba ym dei ïa ki angel ba u ïarap. Pynban, kumba ka Jingthoh Bakhuid ka ong, “U ïarap ïa kiba hiarpateng na u Abraham.”

HEBRU 3:1

Ko parabangeit jong nga ïa kiba U Blei u la khot! To pyrkhat ïa U Jisu, ïa uba U Blei u la phah ban long U Rangbah Lyngdoh jong ka jingngeit kaba ngi ïaphla.

HEBRU 3:2

U long uba shaniah ha U Blei, uba la jied ïa u ban leh ïa kane ka kam, kumba u Moses u la long uba lah ban shaniah ha ka kam jong u ha ka ïing U Blei.

HEBRU 3:5

U Moses u long uba lah ban shaniah ha ka ïing U Blei kum u shakri, bad u kren ïa kiei kiei kiba U Blei un sa kren ha ki por ki ban sa wan.

HEBRU 4:14

Te, to ngin batskhem ïa ka jingngeit ïa kaba ngi phla. Naba ngi don U Rangbah Lyngdoh uba khraw uba la leit haduh ka jingdon ryngkat U Blei — U Jisu, U Khun U Blei.

HEBRU 4:15

U Rangbah Lyngdoh jong ngi um long uta u bym lah ban sngewlem ïa ki jingtlot jong ngi. Pynban, ngi don U Rangbah Lyngdoh uba la shah pynshoi ha kiei kiei baroh kum ma ngi, hynrei u bym shym la leh pop.

HEBRU 5:1

Ïa uno uno u rangbah lyngdoh la jied napdeng ki parabriew, bad la thung ban shakri ïa U Blei na ka bynta jong ki, ban ai ïa ki jingkñia bad ka jingainguh na ka bynta ki pop.

HEBRU 5:10

bad U Blei u la pynbna ba u long U Rangbah Lyngdoh ha ka rukom long lyngdoh jong u Melkhisedek.

HEBRU 5:2

Namar u hi u long uba tlot ha kiba bun rukom, u lah ban long uba jemnud bad kito ki bym don ka jingtip bad kiba leh bakla.

HEBRU 5:5

Ha kajuh ka rukom, U Khrist um shym la shim ha lade ïa kane ka burom ka jinglong Rangbah Lyngdoh. Pynban, U Blei u la ong ha u, “Me, me long U Khun jong nga; ha kane ka sngi nga la long U Kpa jong me.”

HEBRU 6:20

Na ka bynta jong ngi U Jisu u la rung hapoh hangta shuwa jong ngi, bad u la jia long U Rangbah Lyngdoh junom, ha ka rukom long lyngdoh u Melkhisedek.

HEBRU 7:26

U Jisu, te, u long U Rangbah Lyngdoh uba pynbiang ïa ki jingdonkam jong ngi. U long uba khuid; um shym don kano kano kaba bakla lane ka pop ha u; la pynkyrpang ïa u na ki nongpop bad la kyntiew ïa u sha ki bneng.

HEBRU 7:28

Ka Hukum u Moses ka thung ïa ki briew ki bymjanai ban long ki rangbah lyngdoh; hynrei ka kular U Blei ba la pynlong da ka jingsmai, kaba wan hadien ka hukum, ka thung ïa U Khun, ïa uba la pynjanai junom.

HEBRU 8:1

Ka bynta kaba kongsan na kine kiei kiei ïa kiba ngi kren ka long ba ngi don kum uta U Rangbah Lyngdoh, uba shong ha ka liang kamon jong ka khet ba kynja blei kaba ha bneng.

HEBRU 8:3

Ïa uno uno u rangbah lyngdoh la thung ban ai ki jingainguh bad ki jingkñia da ki mrad sha U Blei, bad kumta U Rangbah Lyngdoh jong ngi u dei ruh ban don ei ei ban ainguh.

HEBRU 9:11

Hynrei U Khrist u la lah wan lypa kum U Rangbah Lyngdoh jong kiei kiei kiba bha kiba la don lypa hangne. Ka Ïingjaiñ ha kaba u shakri ka long kaba kham khraw bad kaba kham janai; kam dei ka ïingjaiñ kaba la shna da u briew, kata ka long, kam dei ka bynta jong kane ka pyrthei ïa kaba la thaw.