HEBRU 13:5 - Khasi CL Bible (BSI)

⁵ Sumar bad kiar ïa la ka jingim na kaba ieit spah, bad sngewhun bad kita kiei kiei kiba phi don. Namar U Blei u la ong, “Ngan ym iehnoh ïa phi, ngan ym kyntait ïa phi.”

KA BAIBL

⁵ To long kiba lait na kaba ieit sbai, da kaba sngewhun bad kita kiei kiei ba phi don; namar u hi u la ong: “Ngan ym iehnoh noh ïa me da lei lei, lymne ngan ym leh lyndet noh ïa me da lei lei.”

HEBRU 13:5 Mawu Ofanana

JENESIS 28:15

To kynmaw, ba ngan long ryngkat bad me bad ïada ïa me kat shaba me leit, bad ngan wallam pat ïa me sha kane ka ri. Ngan ym iehnoh ïa me tad haduh ba ngan da pyndep ïa kata baroh ïa kaba nga la kular ha me.”

JENESIS 30:31

“Ngan siew aïu ïa me?” u Laban u kylli. U Jakob u jubab, “Ngam donkam bainong ei ei. Ngan ïai bteng ban sumar ïa ki kynhun jingri jong phi lada phi mynjur ïa kane ka jingai jingmut:

JENESIS 31:5

U ong ïa ki, “Nga ithuh ba i pa jong phi im da leh jan shuh ïa nga kumba mynshuwa; hynrei U Blei jong u kpa jong nga u la don lem bad nga.

1 SYIEM 6:13

Ngan shong hapdeng ki Israel ki briew jong nga, ha kane ka Templ kaba me dang tei bad ngan ym iehnoh ïa ki.”

1 SYIEM 8:57

To U Trai U Blei jong ngi un don ryngkat bad ngi, kumba u la don ryngkat bad ki kpa tymmen jong ngi; to un ym iehnoh ïa ngi lane lyndet ïa ngi;

1 KHRONIKL 28:20

U Syiem Dabid u ong ha u Solomon u khun jong u, “To long uba sngewskhem bad uba kut jingmut. Sdang ïa ka kam bad wat ai kano kano ruh kan pynsangeh ïa me. U Trai U Blei, uba nga shakri un don bad me. Un ym iehnoh ïa me, hynrei un don ryngkat bad me tad haduh ba men pyndep ïa ka kam kaba dei ban trei ha ka Templ jong u.

SALM 10:3

U riewbymman u sngewsarong ha la ki jong ki jingkwah basniew; u riewlalot u tim bad kyntait ïa U Trai.

SALM 119:36

To ai ha nga ka jingangnud ban kohnguh ïa ki aiñ jong me ban ïa kaba ïoh spah.

SALM 37:25

Nga long mynta u riewtymmen; nga la im slem bha, hynrei ngam pat ïohi ba u briew uba bha un shah iehnoh ha U Trai, lane ba ki khun jong u ba ki khrong jingbam.

SALM 37:28

Naba U Trai u ieit ïa kaei kaba dei; bad un ym iehnoh ïa ki briew jong u kiba ïaineh skhem. U ïada ïa ki junom, hynrei ïa ki khun ki ksiew jong ki bymman yn beh noh.

EKSODOS 2:21

Kumta u Moses u la mynjur ban shong ban sah noh hangta, bad u Jethro ruh u pynshongkurim ïa u bad ka Sipporah ka khun jong u kaba la kha khun shynrang ïa u Moses.

EKSODOS 20:17

“Wat kwah rhah ïa ka ïing u paramarjan jong phi; wat ikwah ïa ka tnga jong u, lane ïa ki mraw jong u, lane ïa ki masi jong u, lane ïa ki kada jong u, lane ïa kaei kaei ruh kaba dei ka jong u.”

PROBERB 23:4

To long uba stad bha ym ban ym pyrshang ban pynpaw ïa lade ban ïoh spah.

ISAÏAH 41:10

Wat sheptieng — nga long ryngkat bad me! Nga long U Blei jong me — wat ai ba kano kano kan pynsheptieng ïa me! Ngan pynlong ïa me uba khlaiñ bad ngan ïarap ïa me; ngan ïada ïa me bad ngan pynim ïa me.

ISAÏAH 41:17

“Haba ki briew jong nga ha ka jingkyrduh jong ki, ki wad um, haba ki pdot jong ki, ki la tyrkhong da ka jingsliang, Te nga, U Trai, ngan jubab ïa ki jingduwai jong ki; nga, U Blei jong ki Israel, ngan ym iehnoh ïa ki da lei lei.

ISAÏAH 42:16

“Ngan ïalam ïa ki briew bamatlah jong nga na ki lynti kiba kim pat ju ïaid. Ngan pynkylla ïa ka jingdum jong ki sha ka jingshai bad pynlong ïa ki jaka khohruh khohram kiba jem ha khmat jong ki. Kine ki long ki jingkular jong nga, bad ngan batskhem ïa ki.

JEREMAÏAH 6:13

Uwei pa uwei, uba khraw bad uba rit, u pyrshang ban shna pisa da ka jingbymhok; wat ki nongïathuhlypa bad ki lyngdoh ki thok ïa ki briew.

ESEKIEL 33:31

Kumta ki briew jong nga ki ïawan paidbah ban sngap aïu me don ban ong, hynrei kim leh satia ïa kaei kaba me ong ïa ki ba kin leh. Ki ktien ieit ki long ha ki rymmiang shyntur jong ki, hynrei ki ïai bteng ha ki rukom khwan myntoi jong ki.

MATHAÏOS 6:19

“Wat kynshew spah na ka bynta ïa lade hangne ha ka pyrthei, ha kaba ki khñiang bad ka sarang ki pynjot, bad ki nongtuh ki prong bad ki tuh.

MATHAÏOS 6:25

“Dei kane keiñ balei nga ong ïa phi ban ym khuslai shaphang ka jingbam bad ka jingdih kaba phi donkam ban im, lane shaphang ki jaiñ na ka bynta ka met jong phi. Nalor baroh, hato ka jingim kam kham kor shibun ban ïa ki jingbam? Hato ka met kam kham kor ban ïa ki jaiñ?

MATHAÏOS 6:34

Kumta wat khuslai ïa kaba lashai; kan don bun ki jingkhuslai ki jong ka hi. Ym donkam ban kynton halor ki jingjynjar ba kawei pa kawei ka sngi ka wallam.

MARKOS 7:22

ban klim, ban lalot, bad leh baroh kiei kiei kiba sniew; ka jingshukor, ka jingbymdon-burom, ka jingbishni, kaba kren sniew shaphang kiwei, ka jingsarong, bad ka jingbieit —

LOUKAS 3:14

Katto katne ngut ki shipai ruh ki la kylli ïa u, “Kumno ma ngi pat? Kaei ba ngi dei ban leh?” U la ong ha ki, “Wat shim pisa nano nano da ka bor lane mudui lamler ïano ïano. To sngewhun ha la ka bainong.”

LOUKAS 8:14

Ki symbai kiba la hap hapdeng ki bniap shiah ki ïeng na ka bynta kito kiba ïohsngew; hynrei ki jingkhuslai bad ka spah bad ki jingsngewbha jong kane ka jingim ki ïatyllep bad kjap ïa ki, bad ki soh jong ki kim ju ih.

Ka Shithi U Paul Sha Ki Nong Rom 1:29

La pyndap ïa ki da baroh ki jait jingbymman, ka jingsniew, ka jingkwah lalot bad ka jingthala; ki dap da ka jingbishni, ka jingpynïap briew, ka jingïaleh, ka jingshukor, ka jingshun.

1 KORINTH 5:11

Kaei kaba nga mut ka long ba phin ym ïakhleh bad u briew uba khot ïa lade u parabangeit hynrei uba awria ne uba lalot ne uba mane bleithaw ne uba kren sniew ne uba buaid ne u nongtuh. To wat ïashong bam lem bad kum uta u briew.

1 KORINTH 6:10

lane kiba tuh lane kiba kwah lalot lane kiba buaid lane kiba kren thadrong ïa kiwei lane ki nongtuh — yn ym don uno uno na kine u ban ïohkynti ïa ka Hima U Blei.

EPHESOS 5:3

Namar ba phi long ki briew jong U Blei, kam long kaba dei wat ban ïakren hapdeng jong phi ïa kino kino ki kam awria ne ki kam jakhlia ne ki kam kwah lalot.

EPHESOS 5:5

Phi dei ban sngewskhem ba yn ym don uno uno uba awria, uba long jakhlia, lane uba kwah lalot (naba ka jingkwah lalot ka long hi ka rukom mane bleithaw) u ban ïoh bynta ha ka Hima jong U Khrist bad jong U Blei.

DEUTERONOMI 31:6

To long kiba kut jingmut bad sngewskhem bha. Wat sheptieng ïa ki. U Trai U Blei jong phi hi un don ryngkat bad phi. Un ym ieh ïa phi lane kyntait ïa phi.”

DEUTERONOMI 31:8

U Trai hi un ïalam ïa me bad un don ryngkat bad me. Un ym ieh ïa me lane kyntait ïa me; kumta wat syier bad wat sheptieng.”

DEUTERONOMI 4:31

U long U Blei uba isynei. Un ym iehnoh lane pynjot ïa phi, bad un ym klet ïa ka jutang kaba u hi u la pynlong bad ki kpa tymmen jong phi.

KOLOSSAI 3:5

Phi dei ban pynïap troiñ, te, ïa ki jingkwah brai ba kynja pyrthei kiba trei hapoh jong phi, kum ka jingawria, ka jingkhlem-akor, ka jingkwah brai, ki jingkwah basniew, bad ka jinglalot (naba ka jinglalot ka long kawei pat ka dur jong ka jingmane bleithaw).

JOSHUA 1:5

Joshua, yn ym don mano mano uba lah ban jop ïa me katba me dang im. Ngan don ryngkat lem bad me kumba nga la don bad u Moses. Ngan ïailong lem bad me borabor; ngan ym iehnoh ïa me.

JOSHUA 7:21

Napdeng kita ki mar kiba ngi la kurup, nga la ïohi kawei ka barandi Babilon kaba itynnat, kumba ar kilo ka rupa, bad shi lyngkhot ka ksiar kaba khia palat shiteng kilo. Nga la ikwah eh ïa ki, bad nga la shim ïa ki. Phin shem ba la tep ïa ki hapoh ka ïingjaiñ jong nga, bad ka rupa ka don ha trai.”

2 PETROS 2:14

Kim kwah ban peit ïa kaei kaei hynrei ïa ki kynthei ba leh ïa ki kam ba-ijli; ka jingkwah brai jong ki ïa ka pop kam ju hun. Ki ïalam ïa ki briew kiba tlot sha ka jingriam. Ki dohnud jong ki, ki long kiba la shah hikai ban long kiba lalot. Ki don hapoh ka jingtim jong U Blei!

2 PETROS 2:3

Ha ka jinglalot jong ki, kine ki nonghikai balamler kin kamai da kaba ïathuh ïa phi ïa ki jingïathuhkhana ba shu thaw. La kham slem mynta U Nongbishar jong ki u la long uba la kloi, bad u Nongpynjot jong ki u la long u bym ju ïohthiah!

JUDAH 1:11

Katno ka long kaba kordit ïa ki! Ki la bud ha ka lynti kaba u Kain u la ïaid. Na ka bynta ka tyngka, ki la aiti ïa lade sha ka jingbakla kaba u Balaam u la leh. Ki la ïaleh pyrshah kumba u Korah u la ïaleh pyrshah, bad kum ma u, la pynjot ïa ki.

1 SAMUEL 10:7

Haba kine kiei kiei kin jia, leh ïa kaba U Blei u ïalam ïa me ban leh.

1 SAMUEL 12:22

U Trai u la ai ka jingkular kaba kyntang bad un ym iehnoh ïa phi namar u la rai ban pynlong ïa phi ki briew jong u.