HEBRU 13:22 - Khasi CL Bible (BSI)

²² Nga kyrpad ïa phi, ko parabangeit jong nga, ban shahshkor bha ïa kane ka khubor ka jingpynshlur; naba kane ka shithi kaba nga la thoh sha phi kam da long kaba jrong eh.

KA BAIBL

²² Hynrei, nga kyrpad ïa phi, ko parabangeit, to ïashahshkor ïa kane ka ktien ka jingkyntu: namar da kiba khyndiat ki ktien nga la thoh ha phi.

HEBRU 13:22 Mawu Ofanana

KI KAM 13:15

Hadien ka jingpule na ka Hukum u Moses bad na ki jingthoh jong ki nongïathuhlypa, ki rangbah synshar jong ka synagog ki la phah khubor sha ki: “Ko hynmen ko para, ngi kwah ïa phi ban kren ha u paidbah lada phi don ka khubor ai mynsiem na ka bynta jong ki.”

2 KORINTH 10:1

Nga u Paul, nga pynlong ka jingkyrpad ïa phi — ïa nga ïa kaba la ong ba nga long uba jemnud bad jai jai haba nga don bad phi, hynrei uba eh haba nga don jngai na phi.

2 KORINTH 5:20

Hangne ngi don, namarkata, da kaba kren na ka bynta U Khrist, la kumba U Blei hi da lade u kyrpad lyngba jong ngi. Ngi kyrpad na ka bynta U Khrist: To ai ba U Blei un pynkylla ïa phi na ki nongshun sha ki paralok jong u!

2 KORINTH 6:1

Ha ka jingtrei jong ngi lem bad U Blei, namarkata, ngi kyrpad ïa phi kiba la ïohpdiang ïa ka jingaiei U Blei ban ym pynlehnoh-ei ïa ka.

GALATIA 6:11

Phi ïohi katno ki dak heh nga pynlong haba nga thoh sha phi mynta da la ka jong ka kti!

EPHESOS 3:3

U Blei u la pynpaw shai ïa ka jingthmu barieh jong u bad u la pyntip ïa ka ha nga.

HEBRU 12:5

Hato phi la klet noh ïa ki ktien pynshlur ïa kiba U Blei u la kren ha phi kum ïa la ki khun? “Ko khun jong nga, to pynleit jingmut haba U Trai u sneng pynbeit ïa phi, bad wat sngew noh mynsiem haba u sneng ïa phi.

HEBRU 13:19

Bad nga da kyrpad jur ïa phi ban duwai ba U Blei un phah pat ïa nga sha phi kham kloi.

HEBRU 2:1

Namar kata ngi dei ban kham batskhem ïa kita ki jingshisha ïa kiba ngi la ïohsngew, kumta ba ngin ym shah rong noh.

HEBRU 3:1

Ko parabangeit jong nga ïa kiba U Blei u la khot! To pyrkhat ïa U Jisu, ïa uba U Blei u la phah ban long U Rangbah Lyngdoh jong ka jingngeit kaba ngi ïaphla.

HEBRU 4:1

Mynta, U Blei u la tyrwa ha ngi ïa ka jingkular ba ngi lah ban pdiang ïa ka jingjahthait ïa kaba u la kren. Te, to ngin da sumar, ba yn ym shem ïa uno uno na phi u bym kot ban ïohpdiang ïa kata ka jingjahthait ba la kular.

HEBRU 4:11

Te, to ngin ïaleh shitom ban ïohpdiang ïa kata ka jingjahthait, kumta ba yn ym don uwei ruh na ngi u ban duh noh kum ma ki namar ba kim don ka jingngeit.

1 PETROS 5:12

Nga thoh ha phi ïa kane ka shithi kaba lyngkot da ka jingïarap u Silas, ïa uba nga ñiew kum u para Khristan baïaineh. Nga kwah ban pynshlur ïa phi bad ban ai ïa ka jingphla jong nga ba kane ka dei ka jingaiei bashisha jong U Blei. To ïeng skhem ha ka.