HEBRU 13:20 - Khasi CL Bible (BSI)

^20-21 U Blei uba la pynmihpat na ka jingïap ïa U Jisu uba U Trai jong ngi, uba long u Nongaplangbrot uba khraw jong ki langbrot da kata ka jingïap ha kaba la kñia ïa u, da kaba la pynskhem ïa ka jutang bymjukut. To ai ba U Blei ka jingsuk un pyndap ïa phi da kaei kaei kaba bha baroh kaba phi donkam khnang ban leh ïa ka mon jong u, bad ai ba ma u, da U Jisu Khrist, un leh ha ngi ïa kaei kaei kaba pynsngewbha ïa u. Bad ha U Khrist to long ka burom junom la junom, Amen.

KA BAIBL

²⁰ Te U Blei ka jingsuk uba la wallam pat na ki baïap ïa U Nongap u bakhraw ki langbrot, da ka snam ka jutang bymjukut, ïa U Jisu U Trai jong ngi keiñ,

HEBRU 13:20 Mawu Ofanana

2 SAMUEL 23:5

Bad kata ka long kumno ba U Blei un kyrkhu ïa ki khun ki ksiew jong nga namar u la pynlong bad nga ka jutang ka ban neh junom, ka jingïateh kular ka ban ym lah pynkheiñ ka jingkular ka ban ym kylla. Kata baroh ka dei kaba nga angnud; kata kan long ka jingjop jong nga, bad U Blei da kaba thikna un pynurlong ïa ka.

1 KHRONIKL 16:17

U Trai u la pynlong ka jutang bad u Jakob, ka jutang ka ban neh junom.

2 KHRONIKL 30:12

U Blei ruh u trei ha Judah bad u la pynïatylli ïa ki briew ha ka jingkut jingmut ban kohnguh ïa ka mon jong u da kaba bud ïa ki hukum jong u Syiem bad ki rangbah synshar jong u.

SALM 23:1

U Trai u long u nongaplangbrot jong nga; nga ïoh ïa kiei kiei baroh kiba nga donkam.

SALM 80:1

To shahshkor ïa ngi, ko Nongap langbrot ka Israel; to sngew ïa ngi, ko nongïalam jong ka kynhun langbrot jong me. Me uba la shong halor ka khet halor jong ki kherub,

EKSODOS 24:8

Kumta u Moses u shim ïa kata ka snam na ki dabor bad u synreit ïa ka ha uta u paidbah. U ong, “Kane ka long ka snam kaba pynskhem ïa ka jutang kaba U Trai u la pynlong bad phi, mynba u ai ïa kine ki hukum baroh.”

ISAÏAH 40:11

Un sumar ïa ka kynhun jong u kum u nongaplangbrot; un lumlang ïa ki khunlangbrot bad un rah ïa ki ha ki ksang'ti jong u; un ïalam jai jai ïa ki kmie jong ki.

ISAÏAH 55:3

“To shahshkor mynta, ko ki briew jong nga, bad to wan sha nga; to wan sha nga, bad phin ïoh jingim! Ngan pynlong ka jutang baneh bad phi bad ngan ai ha phi ïa ki jingkyrkhu kiba nga la kular ha u Dabid.

ISAÏAH 61:8

U Trai u ong, “Nga ieit ïa ka jingbishar hok bad nga isih ïa ka jingbanbeiñ bad ka jingleh runar. Da shisha ngan sa ai bainong ïa ki briew jong nga bad ngan pynlong ka jutang kaba neh junom bad ki.

ISAÏAH 63:11

Hynrei nangta ki kynmaw ïa ki por kiba mynshuwa, ïa ki sngi u Moses, u shakri U Trai bad ki kylli, “Hangno mynta u don U Trai, uba pyllait im ïa ki nongïalam jong ki briew jong u na ka duriaw? Hangno u don U Trai, uba la ai ïa U Mynsiem jong u ha u Moses?

JEREMAÏAH 32:40

Ngan pynlong ïa ka jutang bymjukut bad ki. Ngan ym sangeh lano lano ruh ban leh ïa kiei kiei kiba bha na ka bynta jong ki, bad ngan pynlong ïa ki ban tiengburom ïa nga da ka dohnud jong ki baroh, khnang ba kin ym phai dien shuh na nga.

ESEKIEL 34:23

Ngan ai ha ki ïa u syiem uba kum u shakri jong nga u Dabid ba un long uwei u nongsharai jong ki, bad un sumar bha ïa ki.

ESEKIEL 37:24

U syiem uba kum u Dabid, u shakri jong nga un long u syiem jong ki. Kin ïalong kawei hapoh uwei u nongsynshar bad kin kohnguh hok ïa ki aiñ jong nga.

ESEKIEL 37:26

Ngan pynlong ka jutang bad ki ka ban pynneh ïa ka jingsngewskhem jong ki junom. Ngan tei skhem ïa ki bad ngan pynroi ïa ka jingbun briew jong ki, bad ngan buh ïa ka Templ jong nga ha ka ri jong ki, ha kaba kan neh junom.

SEKHARAÏAH 9:11

U Trai u ong, “Namar ka jutang jong nga bad phi kaba la shonshab da ka snam jong ki jingkñia, ngan pyllaitluid ïa ki briew jong phi — kaba laitluid na ki thliew bym don um jong ka jingshah ringmraw.

MATHAÏOS 26:28

“kane ka long ka snam jong nga, kaba pynskhem ïa ka jutang jong U Blei, ka snam jong nga ïa kaba la theh noh na ka bynta kiba bun ïa ka ban map ïa ki pop.

MARKOS 14:24

U Jisu u la ong, “Kane ka long ka snam jong nga ïa kaba la pynmih na ka bynta kiba bun, ka snam jong nga kaba pynskhem ïa ka jutang U Blei.

LOUKAS 22:20

Ha kajuh ka rukom, u la ai ha ki ïa ka khuri hadien ka jingbam miet, da kaba ong, “Kane ka khuri ka long ka jutang bathymmai jong U Blei ïa kaba la pynskhem da ka snam jong nga, ïa kaba la pynmih noh na ka bynta jong phi.

ÏOANNIS 10:11

“Nga, nga long u nongaplangbrot uba bha, uba kloi ban ïap na ka bynta ki langbrot.

ÏOANNIS 10:14

Nga, nga long u nongaplangbrot uba bha. Kumba U Kpa u ithuh ïa nga bad nga, nga ithuh ïa U Kpa, ha kajuh ka rukom nga ithuh ïa la ki langbrot bad ki ithuh ïa nga. Bad nga kloi ban ïap na ka bynta jong ki.

KI KAM 13:30

Hynrei U Blei u la pynmihpat ïa u na ka jingïap,

KI KAM 17:31

Naba u la buh ka sngi ha kaba un bishar ïa ka pyrthei baroh kawei da ka jinglehhok, da uta u briew ïa uba u la jied. U la ai ka jingpynshisha ïa kane ha uwei pa uwei da kaba pynmihpat ïa uta u briew na ka jingïap!”

KI KAM 2:24

Hynrei U Blei u la pynmihpat ïa u na ka jingïap, da kaba pyllaitluid ïa u na ka bor jong ka, namar ka long ka bym lah long ba ka jingïap kan bat ïa u.

KI KAM 2:32

U Blei u la pynmihpat ïa une hi U Jisu na ka jingïap, bad ngi baroh ngi long ki sakhi ïa kane ka jingshisha.

KI KAM 3:15

Phi la pynïap ïa uta uba ïalam sha ka jingim, hynrei U Blei u la pynmihpat ïa u na ka jingïap — bad ngi long ki sakhi ïa kane.

KI KAM 4:10

te ma phi baroh phi dei ban tip, bad baroh ki paid Israel ki dei ban tip, ba une u briew u ïeng hangne ha khmat jong phi uba la khiah kran da ka bor jong ka kyrteng U Jisu Khrist uba na Nasareth — ïa uba phi la sahnarphna bad ïa uba U Blei u la pynmihpat na ka jingïap.

KI KAM 5:30

U Blei jong ki kpa tymmen jong ngi u la pynmihpat ïa U Jisu na ka jingïap, hadien ba phi la lah pynïap ïa u da kaba sahnar ïa u ha ka diengphna.

Ka Shithi U Paul Sha Ki Nong Rom 1:4

shaphang ka jinglong Blei bakhuid jong u, la pyn-i shynna da ka bor bakhraw ban long U Khun jong U Blei da kaba pynmihpat na ka jingïap.

Ka Shithi U Paul Sha Ki Nong Rom 10:7

“Lymne ba phin kylli, Uei u ban leit hiar sha ka pyrthei shapoh?” (kata ka long, ban wallam ïa U Khrist na ka jingïap).

Ka Shithi U Paul Sha Ki Nong Rom 15:33

To U Blei, uba long ka tyllong jong ka jingsuk jong ngi, un long ryngkat bad phi baroh. Amen.

Ka Shithi U Paul Sha Ki Nong Rom 16:20

Bad U Blei, uba long ka tyllong jong ka jingsuk jong ngi, shen un pynlwet ïa u Soitan hapoh ki kjat jong phi. To ka jingaiei jong U Jisu uba U Trai jong ngi kan long lem bad phi.

Ka Shithi U Paul Sha Ki Nong Rom 8:11

Lada U Mynsiem jong U Blei, uba la pynmihpat ïa U Jisu na ka jingïap, u im hapoh jong phi, te uta uba la pynmihpat ïa U Khrist na ka jingïap, un ai jingim ruh ïa ki met ba kynja doh jong phi da ka jingdon U Mynsiem jong u hapoh jong phi.

1 KORINTH 15:15

Kaba kham palat ïa kata ka long ba ïa ngi la pynpaw ba ngi shu lamler shaphang U Blei, namar ba ngi la ong ba u la pynmihpat ïa U Khrist na ka jingïap — hynrei lada ka long kaba shisha ba ïa kiba ïap ym shym la pynmihpat, te um shym la pynmihpat ïa U Khrist.

1 KORINTH 6:14

U Blei u la pynmihpat ïa U Trai na ka jingïap, bad un pynmihpat ruh ïa ngi da ka bor jong u.

2 KORINTH 13:11

Bad mynta, ko parabangeit jong nga, khublei! To ïabeh sha ka jingjanai; to shahshkor ïa ki jingkyrpad jong nga, to don kajuh ka jingmut para ma phi, to ïa-im ha ka jingsuk. Bad U Blei ka jingieit bad ka jingsuk un long ryngkat bad phi.

2 KORINTH 4:14

Ngi tip ba U Blei, uba la pynmihpat ïa U Trai Jisu na kiba ïap, un pynmihpat ïa ngi ruh lem bad U Jisu bad un ïalam ïa ngi, ryngkat bad phi, sha ka jingdon ryngkat jong u.

GALATIA 1:1

Na u Paul, uba ka jingkhot ban long u Apostol kam shym la wan na u briew ne da ka rukom briew, hynrei na U Jisu Khrist bad U Blei uba U Kpa, uba la pynmihpat ïa u na ka jingïap.

EPHESOS 1:20

Kane ka bor kaba trei ha ngi ka long kajuh kum ka jingkhlaiñbor ba u pyndonkam haba u la pynmihpat ïa U Khrist na kiba ïap, bad u la pynshong ïa u sha ka kti kamon jong u ha ka pyrthei ba kynja bneng.

PHILIPPI 4:9

Pyntreikam ïa kaei kaba phi la nang bad ïohpdiang na nga, na ki ktien jong nga bad ki kam jong nga. Bad U Blei uba ai ha ngi ka jingsuk, un long lem bad phi.

KOLOSSAI 2:12

Naba haba la pynbaptis ïa phi, la tep ïa phi bad U Khrist, bad ha ka jingpynbaptis la pynmihpat ruh ïa phi bad U Khrist da ka jingngeit jong phi ha ka bor ba-ïaitrei jong U Blei, uba la pynmihpat ïa u na ka jingïap.

1 THESSALONI 1:10

bad ban ap ïa U Khun jong u ban wan na bneng — U Jisu, U Khun jong u, ïa uba u la pynmihpat na ka jingïap bad uba pyllait im ïa ngi na ka jingbitar jong U Blei ka ban sa wan.

1 THESSALONI 5:23

To U Blei uba ai ha ngi ka jingsuk un pynlong ïa phi kiba khuid ha ki liang baroh bad un sumar ïa ka longrynïeng jong phi — ka mynsiem, ka jingim, bad ka met — kaba lait na kano kano ka jingbakla ha ka jingwan jong U Jisu Khrist uba U Trai jong ngi.

2 THESSALONI 3:16

To ai ba U Trai hi, uba long ka tyllong jong ka jingsuk jong ngi, un ai ha phi ka jingsuk ha ki por baroh bad ha ka jingim jong phi baroh. U Trai un long lem bad phi baroh.

HEBRU 10:22

Kumta to ngin wan sha jan U Blei da ka dohnud kaba sngur bad da ka jingngeit kaba skhem, da ki dohnud ïa kiba la pynkhuid na ka jingsngew rem ryngkat bad ki met ïa kiba la sait da ka um kaba khuid.

HEBRU 10:29

Te, kaei kan long ïa u briew uba ñiewbeiñ ïa U Khun U Blei? uba ñiew dew thala ïa ka snam jong ka jutang U Blei kaba pynkhuid ïa u na ka pop? uba ñiewbeiñ ïa U Mynsiem ka jingaiei? To pyrkhat haduh katno kan long ka jingpynshitom kaba kham shyrkhei kaba u dei ban ïoh!

HEBRU 9:20

U la ong, “Kane ka long ka snam kaba la shonshab ïa ka jutang ba U Blei u la hukum ïa phi ban kohnguh.”

1 PETROS 1:21

Da u, phi ngeit ha U Blei, uba la pynmihpat ïa u na ka jingïap bad la ai ha u ïa ka burom; bad kumta ïa ka jingngeit bad ka jingkyrmen jong phi la pynskhem ha U Blei.

1 PETROS 2:25

Phi la ju long kum ki langbrot kiba la jah lynti, hynrei mynta la wallam pat ban bud ïa U Nongaplangbrot bad Nongsharai ïa ki mynsiem jong phi.

1 PETROS 5:4

Bad ynda U Nongaplangbrot Rangbah un paw, phin ïohpdiang ïa ka pansngiat badonburom kaba ka jingtyngshaiñ kan ym jah na ka lano lano ruh.