HEBRU 13:17 - Khasi CL Bible (BSI)

¹⁷ To kohnguh ïa ki nongïalam jong phi da kaba bud ïa ki hukum jong ki. Ki sharai ïa ki mynsiem jong phi khlem da thait, namar ki dei ban ai jingkheiñ ïa ka kam jong ki sha U Blei. Lada phi kohnguh ïa ki, kin trei ïa ka kam da kaba kmen; lada phim kohnguh, kin trei ïa ka kam da kaba sngewsih, bad kata kan ym ïarap ïa phi.

KA BAIBL

¹⁷ To kohnguh ïa kita ki nongïalam jong phi, bad to pynhapoh ïa lade ha ki; namar kita ki sharai na ka bynta ki mynsiem jong phi, kum ki ban sa ai ka jingkheiñ; ba kin ïoh leh ïa kane da ka jingkmen bad ym da ka jingsngewsih: namar kane ka bymmyntoi ïa phi.

HEBRU 13:17 Mawu Ofanana

JENESIS 16:9

U ong ha ka, “Khie leit phai pat sha la ka kynrad, bad long ka mraw jong ka.”

EKSODOS 32:31

Kumta u Moses u leit phai sha U Trai, bad u ong, “Kine ki briew ki la leh ïa ka pop kaba shyrkhei eh. Ki la thaw ïa u blei uba da ka ksiar bad ki la ïamane ïa u.

PROBERB 5:13

Ngam shym sngap ïa ki nonghikai jong nga, ngam shym la shahshkor ïa ki.

ISAÏAH 62:6

Ha ki kynroh jong pha, ko Jerusalem, nga la buh ïa ki nongap phira; mynsngi ne mynmiet kin ym sngap jar. Kin pynkynmaw ïa U Trai ïa ki kular jong u, bad kin ym shah ba un klet ïa ki.

JEREMAÏAH 13:17

Lada phin ym shahshkor, ngan ïam ha kaba jar jar namar ka jingsarong jong phi; ngan ïamkthang eh, bad ki ummat jong nga kin tuid namar ki briew jong U Trai ki la shah ring noh kum ki mraw.

ESEKIEL 33:2

“Ko khun u briew”, u la ong, ïathuh ha ki briew jong me ïa kaei kaba jia haba nga wanrah ïa ka thma ha ka ri. Ki briew ha kata ka ri ki jied ïa uwei napdeng jong ki ban long u nongap.

LOUKAS 16:2

kumta u la khot shapoh ïa u bad u la ong, ‘Kaei kane kaba nga ïohsngew shaphang jong me? To ai ha nga ïa ka jingkheiñ kaba pura ïa ka jingpynïaid jong me ïa ka jingdon jingem jong nga, namar men ym lah shuh ban long u sordar jong nga.’

KI KAM 20:28

To sumar bha ïa lade bad ïa ka kynhun baroh kawei ïa kaba U Mynsiem Bakhuid u la buh ha ka jingsumar jong phi. To sharai ïa ka balang U Blei, ïa kaba u la pynlong ka jong u hi lyngba ka jingïap ba aiti lut jong u khun jong U.

Ka Shithi U Paul Sha Ki Nong Rom 14:12

Uwei pa uwei na ngi te, un hap ban ai jingkheiñ shaphang ïa lade ha U Blei.

1 KORINTH 16:16

Nga kyrpad ïa phi, ko ki parabangeit jong nga, ban bud ïa ka jingïalam jong kiba kum kita ki briew, bad uno uno de uba trei bad shakri lang bad ki.

EPHESOS 5:21

To pyndem ïa lade iwei ha iwei pat namar ka jingsheptieng burom jong phi ïa U Khrist.

PHILIPPI 1:4

bad man la ka por nga duwai na ka bynta jong phi baroh, nga duwai da ka jingkmen,

PHILIPPI 2:12

Kumta te, ko ki paralok ba-ieit, kumba phi la kohnguh borabor ïa nga mynba nga la don bad phi, ka long kaba donkam shuh shuh ba phi kohnguh ïa nga mynta haba nga don jngai na phi. To ïai trei da ka jingsheptieng bad ka jingkhynñiuh ban pyndep noh ïa ka jingpynim jong phi,

PHILIPPI 2:16

Lada phi leh kumta, ngan don ka daw ban sngewsarong ïa phi ha ka Sngi jong U Khrist, namar kan pyn-i ba baroh ka jingpyrshang bad ka jingtrei jong nga kam shym la long kaba lehnoh-ei.

PHILIPPI 2:29

To pdiang ïa u, te, da ka jingkmen, kum u para ha U Trai. To phin ñiewburom ïa kiba kum kita ki briew kum ma u,

PHILIPPI 3:18

Nga la ïathuh ha phi ïa kane bunsien mynshuwa, bad mynta nga ïathuh biang ïa ka da ki jingjaw ummat; don shibun kiba ka jingim jong ki, ka pynlong ïa ki, ki nongshun jong ka jingïap U Khrist ha ka diengphna.

PHILIPPI 4:1

Kumta te, ko parabangeit jong nga, haduh katno phi long kiba ieit ïa nga bad haduh katno nga la sngewtmang ïa phi! Haduh katno phi pynkmen ïa nga, bad haduh katno nga sngewsarong namar jong phi! Kane te, ko ki parabangeit ba-ieit, ka long kumno phi dei ban ïeng skhem ha ka jingim jong phi ha U Trai.

2 THESSALONI 3:14

Ka lah ban long ba yn don uno uno u ban ym kohnguh ïa ka khubor kaba ngi phah sha phi ha kane ka shithi. Lada ka long kumta, khmih ïa u bad wat ïadon bynta ei ei bad u, khnang ba un lehrain.

1 TIMOTHI 5:17

Ki nongsharai balang kiba trei bha kum ki nongïalam ki dei hok ban ïohpdiang ar shah ïa ka jingsiew, khamtam kito kiba trei jur ha ka jingïalap bad jinghikai.

HEBRU 13:24

To ai ki jingkhublei jong ngi sha baroh ki nongïalam jong phi bad sha ki briew jong U Blei baroh. Ki parabangeit jong ngi na Italy ki phah ki jingkhublei jong ki ïa phi.

HEBRU 13:7

To kynmaw ïa ki nongïalam jong phi kiba mynshuwa, kiba la kren ha phi ïa ka khubor U Blei. To da pyrkhat kumno ki la im bad ki la ïap, bad pyrthuh bud ïa ka jingngeit jong ki.

JAKOB 4:7

Kumta te, to pyndem ha U Blei. To ïaleh pyrshah ïa u Bymman, bad un phet ïap noh na phi.

1 PETROS 5:5

Ha kajuh ka rukom ma phi kiba dang kham samla phi donkam ban kohnguh ïa kiba la kham rangbah. Bad ma phi baroh phi dei ban phong ïa ka jaiñkup ka jingsngewrit, ban shakri iwei ïa iwei pat; naba ka Jingthoh Bakhuid ka ong, “U Blei u ïaleh pyrshah ïa kiba sarong, hynrei u pyn-i ïa ka jingsngewbha ïa kiba sngewrit.”

1 SAMUEL 8:19

Ki briew kim shahshkor ïa u Samuel, hynrei ki ong, “Em! Ngi kwah da u syiem,