HEBRU 13:15 - Khasi CL Bible (BSI)

¹⁵ Namarkata, to ngin ai jingïaroh ïa U Blei khlem da pud kum ka jingkñia da U Jisu, kaba long ka jingainguh da ki rmiang shyntur kiba phla ïa u kum U Trai.

KA BAIBL

¹⁵ Da u, namar kata, to ngin ïa-ai ka jingkñia ka jingïaroh ïa U Blei khlem da pud, kata ka long, u soh ki rmiang shyntur ki baphla ïa ka kyrteng jong u.

HEBRU 13:15 Mawu Ofanana

2 KHRONIKL 29:31

U Hesekaïah u ong ïa ki briew, “Mynta phi long kiba khuid kat kum ka jinglehniam, to wallam ïa ki jingkñia kum ki jingai jingainguh sha U Trai.” Ki la kohnguh bad katto katne na ki da ka mon sngewbha ki wallam ïa ki jingri ban kñia kum ka jingainguh thang.

2 KHRONIKL 33:16

U tei pynbha ïa ka duwan ha kaba ïa U Trai la mane, bad u kñia ïa ki jingainguh ïasyllok bad ki jingainguh thang ha ka. U hukum ïa ki paid Judah baroh ban mane ïa U Trai, U Blei ki Israel.

2 KHRONIKL 7:6

Ki lyngdoh ki ïeng ha ki jaka ba la pynbeit na ka bynta jong ki; bad ha pyrshah jong ki, ki ïeng ki Lebi, ki da ïaroh ïa U Trai ryngkat bad ki jingput jingtem ba u syiem Dabid u la pynkhreh bad ki ïarwai ïa ka jingrwai, “Ka jingieit jong u ka neh junom!” kumba u Dabid u la bthah ïa ki. Ki lyngdoh ki put ïa ki turoi, katba ki paidbah baroh ki ïa-ïeng.

ESRA 3:11

Ki rwai ki jingïaroh ïa U Trai, da kaba ïai rwai ïa ka banktien: “U Trai u long uba bha, bad ka jingieit jong u ïa ki Israel ka long bymjukut.” Baroh ki pyrta jam katba don ka bor, da kaba ïaroh ïa U Trai, namar ka jingtei ïa ka nongrim jong ka Templ ka la sdang.

NEHEMAÏAH 12:40

Kumta baroh ar ki kynhun kiba ainguh ïa U Blei ki la poi ha ka jaka ka Templ. Nalor ki nongïalam kiba ïadon lang bad nga,

NEHEMAÏAH 12:43

Ha kata ka sngi, la pynlong bun ki jingkñia, bad u paidbah u la dap da ka jingkmen namar U Blei u la pynlong ïa ki ban kmen haduh katta katta. Ki kynthei bad ki khynnah ki la ïasnohlang ha ka jinglehkmen, bad ïa ka jingsawa kaba ki la pynlong, la ïohsngew shaduh sha jngai bah.

SALM 118:19

To plie ïa nga ïa ki khyrdop jong ka Templ; ngan leit rung shapoh bad ainguh ïa U Trai!

SALM 119:108

To pdiang ïa ka jingduwai ainguh jong nga, A Trai, bad to hikai ïa nga ïa ki hukum jong me.

SALM 18:49

Bad kumta nga ïaroh ïa me hapdeng ki jaitbynriew; nga rwai ki jingïaroh ïa me.

SALM 50:14

Ai ba ka jingai jong ka jingsngewnguh jong phi kan long ka jingkñia sha U Blei, bad to ai sha U Badonbor Baroh ïa kata baroh kaba phi la kular.

SALM 50:23

Kaba ai ïa ka jingsngewnguh ka long ka jingkñia kaba pyndonburom ïa nga, bad da shisha ngan pynim ïa baroh kiba kohnguh ïa nga.”

ISAÏAH 57:19

Nga ai jingsuk ïa baroh, ïa kiba hajan bad ïa kiba sha jngai! Ngan pynkhiah ïa ki briew jong nga.

JEREMAÏAH 33:11

Hynrei ha kine ki jaka phin ïohsngew biang ïa ki jingpyrta jong ka jingkmen bad ka jinglehkmen bad ki jingsawa bakmen jong ki jingïabam khawai shongkurim. Phin ïohsngew ba ki briew ki ïarwai katba ki wallam ïa ki jingainguh thang sha ka Templ jong nga; kin ïa-ong, “ ‘To ainguh ïa U Trai Badonbor Baroh, namar u long uba bha bad ka jingieit jong u ka neh bymjukut.’ Ngan pynlong ïa kane ka ri kaba roi kyrhai kumba mynshuwa. Ma nga, U Trai, nga la kren.”

JEREMAÏAH 33:18

bad ba borabor yn don ki lyngdoh na ka jait Lebi ban shakri ïa nga bad ban ai ki jingainguh thang, ki jingainguh bam bad ki jingkñia.”

HOSIA 14:2

To phai sha u Trai, bad ai ba kane ka jingduwai kan long ka jingainguh sha u: “To map ïa ki pop jong ngi baroh bad pdiang ïa ki jingduwai jong ngi, bad ngin ïaroh ïa me kumba ngi la kular.

LEBITIKOS 7:12

Lada u briew u wallam ïa kane ka jingainguh kum ka jingai sngewnguh sha U Blei, u dei ruh ban wanrah, ryngkat bad uta u mrad ïa uba yn kñia, ïa ka jingainguh ïa u kpu bakhlem thiat: ki kpu kiba rben ba la khleh bad ka umphniang Olib lane kiba stang ba la kyllan da ka umphniang Olib lane da u 'purew ba la shet khleh bad ka umphniang Olib.

MATHAÏOS 11:25

Ha kata ka por U Jisu u la ong, “Ko Kpa, U Trai ka bneng bad ka pyrthei! Nga ainguh ïa me namar ba me la pyn-i ha ki bymstad ïa kaei kaba me la buhrieh na kiba stad bad kiba la ïoh jinghikai.

LOUKAS 10:21

Ha kata ka por la pyndap ïa U Jisu da ka jingkmen da U Mynsiem Bakhuid bad u la ong, “Ko Kpa, U Trai jong ka bneng bad ka pyrthei! Nga ainguh ïa me namar ba me la pyn-i ha ki bymnang bymstad ïa kaei kaba me la buhrieh na kiba stad bad kiba shemphang. Ho-oid, ko Kpa, kane ka la long kumno me la kwah ïa ka ba kan jia.

ÏOANNIS 10:9

Nga, nga long kata ka jingkhang. Uno uno uba rung shapoh da nga un ïoh im; kin ïohrung shapoh bad mih shabar bad shem ïa ka jaka bam phlang.

ÏOANNIS 14:6

U Jisu u la jubab ïa u, “Nga long ka lynti, ka jingshisha, bad ka jingim, ym don uno uno u ba leit sha U Kpa lait na nga.

Ka Shithi U Paul Sha Ki Nong Rom 12:1

Kumta te, ko ki parabangeit jong nga, namar ka jingisynei bakhraw jong U Blei ïa ngi, nga kyrpad ïa phi: To aiti ïa lade kum ka jingkñia ba-im sha U Blei, ba la pynkyntang ha ka jingshakri ïa u bad ka jingpynsngewbha ïa u. Kane ka long ka jingmane bashisha kaba phi dei ban ai.

Ka Shithi U Paul Sha Ki Nong Rom 6:19

(Nga pyndonkam ka ktien kaba ïakren man ka sngi namar ka jingtlot jong ka jingim tynrai jong phi.) Mynshuwa phi la pyndem ïa lade nadong shadong kum ki mraw ka jingbymkhuid bad ka jingbymman na ka bynta ki jingthmu bymman. Ha kajuh ka rukom mynta phi dei ban pyndem ïa lade nadong shadong kum ki mraw jong ka hok na ka bynta ki jingthmu bakhuid.

EPHESOS 2:18

Ka dei lyngba U Khrist ba baroh ma ngi, ki Jiw bad ki Jentil, ngi la lah ban wan ha uwei U Mynsiem sha ka jingdon ryngkat jong U Kpa.

HEBRU 12:28

Te, to ngin long kiba sngewnguh, namar ngi ïohpdiang ïa ka hima ka bymlah pynkhih. To ngin long kiba sngewnguh bad mane ïa U Blei ha ka rukom ka ban pynsngewbha ïa u, da ka jingsngew burom bad ka jingtiengburom;

HEBRU 7:25

Bad kumta u long uba lah, mynta bad borabor, ban pynim ïa kita kiba wan sha U Blei da u, namar u im junom ban ïasaid bad U Blei na ka bynta jong ki.

1 PETROS 2:5

To wan kum ki maw ba-im, bad to shah ïa lade ba yn pyndonkam ha kaba tei ïa ka Templ ba kynja mynsiem, ha kaba phin shakri kum ki lyngdoh bakhuid ban ai ïa ki jingkñia ba kynja mynsiem bad ba pdiang hun ha U Blei da U Jisu Khrist.

1 PETROS 4:11

Uno uno uba ïalap, u dei ban ïalap ïa ki khubor jong U Blei; uno uno uba shakri, u dei ban shakri da ka bor kaba U Blei u ai ïa u, khnang ba ha kiei kiei baroh yn ai ïa ka jingïaroh sha U Blei da U Jisu Khrist, ha uba ka burom bad ka bor ki long ki jong u junom la junom, Amen.