HEBRU 13:13 - Khasi CL Bible (BSI)

¹³ Te, to ngin leit sha u shabar ka jaka shong dara ban ïoh bynta lang ha ka jingshah lehrain jong u.

KA BAIBL

¹³ Namar kata, to ngin ïaleit mih noh sha u shabar kata ka jaka shong dara, da kaba bah ïa ka jingkrenbeiñ jong u.

HEBRU 13:13 Mawu Ofanana

MATHAÏOS 16:24

Nangta U Jisu u la ong ha la ki synran, “Lada uno uno u kwah ban wan bad nga, u dei ban klet ïa lade, ban bah ïa la ka diengphna, bad bud ïa nga.

MATHAÏOS 27:32

Katba ki dang ïamih shabar, ki la ïakynduh ïa u briew na Kyrini uba kyrteng u Simon, bad ki shipai ki la pynbor ïa u ban bah ïa ka diengphna jong U Jisu.

MATHAÏOS 5:11

“Suk ma phi haba ki briew ki krenbeiñ bad pynshitom beiñ ïa phi, bad ong bun jait ki jinglamler basniew pyrshah ïa phi namar ba phi long ki nongbud jong nga.

LOUKAS 6:22

“Suk ma phi haba ki briew ki isih ïa phi; kiba kyntait ïa phi, ki krenbeiñ ïa phi, bad ki ong ba phi long uba sniew, baroh namar U Khun U Briew!

LOUKAS 9:23

Bad u la ong ha ki baroh, “Lada uno uno u kwah ban wan bad nga, u dei ban klet ïa lade, un bah ïa la ka diengphna man ka sngi, bad bud ïa nga.

KI KAM 5:41

Katba ki apostol ki mihnoh na ka Dorbar, ki la kmen, namar U Blei u la ñiew ïa ki, kiba bit ban shah ïa ka jahburom na ka bynta U Jisu.

2 KORINTH 12:10

Nga sngewhun ha ki jingtlot, ki jingkrenbeiñ, ki jingjynjar, ki jingshah pynshitom, bad ki jingeh na ka bynta U Khrist. Naba haba nga tlot, dei hangta ba nga khlaiñ.

HEBRU 11:26

U la ñiew ba ka jingshah krenbeiñ na ka bynta U Messaïah ka long kaba kham kordor bun shah ban ïa ka spah baroh jong ka ri Ijipt, naba u khmih lynti ïa ka bainong ka ban sa wan.

HEBRU 12:2

To ngin ïakhmih shaiñ sha U Jisu, ha uba ka jingngeit jong ngi ka don naduh kaba sdang haduh kaba kut. U bym shym la kynran dien namar ka diengphna! Pynban, namar ka jingkmen kaba la ap ïa u, um shym pyrkhat ei ei ïa ka jingjahburom ban shahïap halor ka diengphna, bad mynta u la shong ha ka liang ka mon jong ka khet U Blei.

HEBRU 12:3

To da pyrkhat ïa kaei kaba u la ïaid lyngba, kumno u la buh ïa lade ban shah isih ha ki nongpop! Kumta wat ai ba phin noh mynsiem bad kynran dien.

HEBRU 12:4

Naba ha kata ka jingïaleh jong phi pyrshah ïa ka pop, phim pat ïaleh pyrshah haduh ban da shah pynïap.

1 PETROS 4:4

Bad mynta ki bymngeit ki sngewkyndit haba phim ïasoh lang bad ki ha kajuh ka jingim bymngeit bad bymsalia, bad kumta ki krenbeiñ ïa phi.