HEBRU 13:11 - Khasi CL Bible (BSI)

¹¹ U rangbah lyngdoh jong ki Jiw u wanrah ïa ka snam ki mrad ha ka Jaka Kaba Kyntang Tam ïa ka ban ainguh kum ka jingkñia namar ki pop; hynrei ïa ki met jong ki mrad la thang shabar ka jaka shong dara.

KA BAIBL

¹¹ Namar ïa ki met jong kita ki mrad ïa kiba ka snam jong ki u rangbah lyngdoh u la wallam namar ka pop sha kata ka Jaka kyntang, la ju thang shabar ka jaka shong dara.

HEBRU 13:11 Mawu Ofanana

EKSODOS 29:14

Hynrei ïa ka doh jong uta u masi lyngraw, ïa ka snieh jong u, bad ïa ki 'nierlang jong u, dei ban thang ïa ki shabar ka jaka shong dara. Kane ka long ka jingainguh ban sait ïa ki pop jong ki lyngdoh.

ESEKIEL 43:21

Me dei ban shim ïa u masi lyngraw ïa uba la ai kum ka jingkñia na ka bynta ka pop bad thang ïa u ha ka jaka ba la pynkhreh khnang shabar ka Templ.

LEBITIKOS 16:27

Ïa uta u masi lyngraw bad ïa uta 'langsohmoh ïa kiba la kñia kum ka jingkñia namar ka pop, bad ïa kiba ka snam jong ki la leit rah sha ka Jaka Kaba Khuid Tam ban weng noh ïa ka pop, dei ban leit rah shabar ka jaka shong dara bad thang ïa ki hangta. Ïa ka snieh, ka doh, bad ki snier jong ki ruh dei ban thang lang hangta.

LEBITIKOS 6:11

Nangta un leit pli ïa la ki jaiñ bad un rah ïa uta u dpei shabar ka jaka shong dara, sha ka jaka lehniam bakhuid.

LEBITIKOS 6:30

Hynrei lada wanrah wat tang khyndiat na ka snam shapoh ka Ïingjaiñ bad pyndonkam ïa ka ha kaba lehniam ban ïohmap ïa ki pop, ïa u mrad ym dei ban bam; dei ban thang lut khoit ïa u.

LEBITIKOS 9:11

Hynrei ïa ka doh bad ïa ka snieh u thang shabar ka jaka shong dara.

LEBITIKOS 9:9

Ki khun shynrang jong u ki wanrah ïa ka snam, bad u wieh ïa la ka shynriah'ti ha ka, bad u tah ïa ka ha ki reng kiba ha ki dong jong ka duwan, bad u theh ïa kaba sah baroh ha trai ka duwan.

JINGKHEIÑ 19:3

bad kin ai ïa ka ha u Eleasar u lyngdoh. Dei ban ïalam ïa ka shabar ka jaka sher dara bad dei ban pynïap ïa ka hangta ha khmat jong u.

JINGKHEIÑ 19:7

Hadien kata, un sait ïa la ki jaiñ bad theh um ïa lade, bad nangta u lah ban rung sha ka jaka shong dara; hynrei u ïailong u bymkhuid haduh janmiet.