HEBRU 12:7 - Khasi CL Bible (BSI)

⁷ To ïaishah ïa kaei kaba phi la shahshitom namar ka jingsneng sympat u kpa; ka jingshahshitom jong phi ka pynpaw ba U Blei u ñiew ïa phi kum ki khun jong u. Hato la ju don ne em u khun u bym ju shah pynshitom ha la u kpa?

KA BAIBL

⁷ Dei na ka bynta ka jingpynbha, ba phi ïaishah; U Blei u leh ïa phi kum ïa ki khun; namar uno uta u khun ïa uba u kpa jong u um ju sneng sympat?

HEBRU 12:7 Mawu Ofanana

2 SAMUEL 7:14

Ngan long u kpa jong u, bad u, un long u khun jong nga. Haba u leh bakla, ngan sneng sympat ïa u kumba u kpa u sneng sympat ïa la u khun.

PROBERB 13:24

Lada phi pynshitom ïa la ki khun, phim ieit ïa ki. Lada phi ieit ïa ki, phin sneng pynbeit ïa ki.

PROBERB 19:18

Pynbeit ïa la ki khun katba ki dang lung ban shah hikai. Lada phim leh kumta, phi ïarap ïa ki ban pynjot da ki hi.

PROBERB 22:15

Ki khynnah na la ka tynrai ki leh kiei kiei kiba ibieit, khlem sumar, hynrei ka jingsneng sympat kaba bha ka hikai ïa ki kumno ban long.

PROBERB 29:15

Ka jingsneng bad ka jingpynbeit ki long kiba bha ïa ki khynnah. Lada u khynnah u ïoh leh katba u mon, u pynlehrain ïa la ka kmie.

PROBERB 29:17

Sneng pynbeit ïa la u khun bad phi lah ban sngewsarong borabor ïa u. Un ym long daw ïa phi ban shah lehrain.

KI KAM 14:22

Ki la pynkhlaiñ ïa ki riewngeit bad pynshlur ïa ki ban ïaineh skhem ha ka jingngeit. “Ngi dei ban ïaid lyngba bun ki jingjynjar ban ïohrung sha ka Hima U Blei,” ki la hikai.

1 KORINTH 11:32

Hynrei la bishar bad la pynshitom ïa ngi da U Trai, khnang ba yn ym pynrem ïa ngi lem bad ka pyrthei.

DEUTERONOMI 8:5

Kynmaw ba kumba u kpa u sneng pynbeit ïa la u khun, kumta ruh U Trai U Blei jong phi u sneng pynbeit ïa phi.

1 SAMUEL 2:29

Balei mynta pat, me da kwah rhah sa ïa ki jingkñia bad ki jingainguh ba nga dawa na la ki briew? Balei Eli ba me kham ai burom ïa la ki khun shynrang ban ïa nga da kaba me shah ba kin pynsngaid ïa lade da ki bynta kiba bha tam na ki jingkñia ba ki briew ki ai ha nga?

1 SAMUEL 2:34

Haba ki ar ngut ki khun shynrang jong me, u Hophni bad u Phinehas kin ïap ha kajuh ka sngi, kane kan pyn-i ïa me ba baroh kaba nga la kren kan urlong.

1 SAMUEL 3:13

Nga lah da ïathuh ha u ba ngan pynshitom ïa ka ïing jong u junom, namar ki khun shynrang jong u ki la kren sniew pyrshah ïa nga. U Eli u tip ba ki leh kumne hynrei bad um shym la khang ïa ki.