HEBRU 12:28 - Khasi CL Bible (BSI)

²⁸ Te, to ngin long kiba sngewnguh, namar ngi ïohpdiang ïa ka hima ka bymlah pynkhih. To ngin long kiba sngewnguh bad mane ïa U Blei ha ka rukom ka ban pynsngewbha ïa u, da ka jingsngew burom bad ka jingtiengburom;

KA BAIBL

²⁸ Naba kumta, haba ngi pdiang ïa ka hima ka bym lah pynkhih, to ngin ïoh ka jingsngewnguh, da kaba ngin ai ka jingshakri kaba pynsngewbha ïa U Blei da ka burom bad ka jingtieng burom;

HEBRU 12:28 Mawu Ofanana

SALM 19:14

To ai ba ki kyntien jong nga bad ki jingpyrkhat jong nga kin long kiba la pdiang hun ha me, A Trai, me long ka jakarieh jong nga bad u nongsiewspah jong nga!

SALM 2:11

Shakri ïa U Trai da ka jingsheptieng;

SALM 89:7

Ïa me la sheptieng ha ka jingïalang jong kiba khuid, bad baroh na ki, ki ïeng ha ka jingtiengburom ïa me.

PROBERB 28:24

Uno uno uba pyrkhat ba kam long kaba bakla ban tuh na la ki kmie ki kpa um long kham bha ban ïa u nongtuh uba la ju mlien.

ISAÏAH 56:7

“Ngan ïalam ïa phi sha Seïon, sha u lum bakyntang jong nga, ngan ai ha phi ka jingkmen ha ka ïing jingduwai jong nga; bad pdiang ïa ki jingkñia kiba phi ai ha ka duwan jong nga. Ïa ka ïing jong nga yn khot ka ïing jingduwai na ka bynta ki briew jong ki ri baroh.”

ISAÏAH 9:7

Ka bor ba kynja syiem jong u kan nang san; ka hima jong u kan ïailong borabor ha ka jingsuk. Un synshar kum u nongmih bujli ïa u Syiem Dabid, da kaba pynshong nongrim ïa ka bor jong u ha ka hok bad ka jingbishar hok, naduh mynta haduh kaba kut ka por. U Trai Badonbor Baroh u la kut jingmut ban leh ïa kane baroh.

DANIEL 2:44

Ha ka por jong kito ki nongsynshar U Blei ka bneng un seng ka hima ka ban ym kut junom. Yn ym lah ban jop ïa ka, hynrei kan pynjot thiaw ïa baroh kito ki hima, bad nangta kan neh junom.

DANIEL 7:14

La ai ha u ka iktiar, ka jingpyndonburom, bad ka bor ba kynja syiem, khnang ba ki briew jong ki jaitbynriew baroh, ki jait ki kynja, bad ki ktien ki thylliej kin shakri ïa u. Ka iktiar jong u kan neh junom, bad ka hima jong u kan ym kut shuh.

DANIEL 7:27

Ïa ka bor bad ka jingkhraw jong baroh ki hima ha ka pyrthei yn ai ha ki briew jong U Blei Bahakhlieh Tam Eh. Ka bor ba kynja syiem jong ki kan ym kut shuh bad ki nongsynshar baroh ha ka pyrthei kin shakri bad kohnguh ïa ki.”

LEBITIKOS 10:3

Te u Moses u ong ha u Aaron, “Kane ka long kaei kaba U Trai u la kren shaphang jong ka mynba u ong, ‘Baroh kiba shakri ïa nga ki dei ban burom ïa ka jinglongkhuid jong nga; ngan pynpaw ïa ka burom jong nga ha la ki briew.’ ” Hynrei u Aaron u shu sngap jar.

MATHAÏOS 25:34

Nangta u Syiem un ong ha ki briew kiba ha ka liang kamon jong u, ‘To wan, phi kiba la kyrkhu da U Kpa jong nga! To wan bad to ïoh ïa ka hima kaba la pynkhreh na ka bynta jong phi naduh kaba pynlong ïa ka pyrthei.

LOUKAS 1:33

bad un long u syiem jong ki khun ki ksiew u Jakob junom; ka hima jong u kan ym kut shuh da lei lei!”

Ka Shithi U Paul Sha Ki Nong Rom 11:20

Kata ka long kaba shisha. Ïa ki la pynkheiñ noh namar kim shym la ngeit, katba phi sah ha la ka jaka namar ba phi ngeit. Hynrei wat sngewsarong na ka bynta kata; pynban, to sheptieng.

EPHESOS 1:6

To ngin ïaroh ïa U Blei namar ka jingaiei ba-dap da ka burom jong u, ïa ka jingai ei u la ai ha ngi ha U Khun uba ieit jong u!

EPHESOS 5:10

Pyrshang ban tip ïa kaei kaba pynsngewbha ïa U Trai.

PHILIPPI 4:18

Hangne, te, ka long ka jingïohpdiang jong nga ïa kiei kiei baroh ba phi la ai ha nga — bad ka la long palat ban ïa kaba nga donkam! Nga don ïa baroh kaba nga donkam mynta ha kaba u Epaphroditos u la wanrah sha nga ïa ki jingai sngewbha baroh jong phi. Ki long kum ka jingainguh ba-iwbih sha U Blei, ka jingkñia kaba pdiang hun bad kaba pynsngewbha ïa u.

HEBRU 10:19

Ngi don, namar kata, ko parabangeit jong nga ïa ka jinglaitluid ba-pura ban rung shapoh ka Jaka Kaba Kyntang Tam da kata ka jingïap U Jisu.

HEBRU 13:15

Namarkata, to ngin ai jingïaroh ïa U Blei khlem da pud kum ka jingkñia da U Jisu, kaba long ka jingainguh da ki rmiang shyntur kiba phla ïa u kum U Trai.

HEBRU 3:6

Hynrei, U Khrist u long uba lah ban shaniah kum U Khun uba dei peit ïa ka ïing U Blei. Ngi long ka ïing jong u lada ngi ïaineh ha ka jingshlur bad ngi long skhem ha kaei kaba ngi kyrmen.

HEBRU 4:16

To ngin sngewskhem, te, bad leit sha ka khet U Blei, ha kaba don ka jingaiei. Hangta ngin ïohpdiang ïa ka jingisynei bad ngin shem ïa ka jingaiei ka ban ïarap ïa ngi ha ka por ba ngi donkam ïa ka.

HEBRU 5:7

Ha ka jingim jong u ha kane ka pyrthei, U Jisu u la duwai bad khot kyrpad da kaba pyrta jam bad ïam ha khmat U Blei, uba lah ban pyllait ïa u na ka jingïap. Namar ba u long uba sngewrit bad aiti lut, U Blei u la shahshkor ïa u.

1 PETROS 1:17

Phi khot ïa u, U Kpa, haba phi duwai ha U Blei, uba bishar ïa ki briew baroh da kajuh ka jingthew, katba kum kaei kaba uwei pa uwei u la leh; kumta te, to pynlut ïa kaba sah ka jingim jong phi hangne ha ka pyrthei ha ka jingtiengburom ïa U.

1 PETROS 2:20

Naba ka nong aïu ka don lada phi ïaishah ïa ki jingshah sympat ba phi dei hok haba phi la leh ïa kaba bakla? Hynrei lada phi ïaishah ïa ka jingshahshitom wat haba phi la leh ïa kaba dei, U Blei un kyrkhu ïa phi na ka bynta kata.

1 PETROS 2:5

To wan kum ki maw ba-im, bad to shah ïa lade ba yn pyndonkam ha kaba tei ïa ka Templ ba kynja mynsiem, ha kaba phin shakri kum ki lyngdoh bakhuid ban ai ïa ki jingkñia ba kynja mynsiem bad ba pdiang hun ha U Blei da U Jisu Khrist.

JINGPYNPAW 1:6

bad pynlong ïa ngi ka hima jong ki lyngdoh ban shakri ïa U Blei bad U Kpa jong u. Ha U Jisu Khrist, to long ka burom bad ka bor junom la junom! Amen.

JINGPYNPAW 15:4

Uei u ban ym ïeng ha ka jingtiengburom ïa me, A Trai? Uei u ban kyntait ban pynbna ïa ka jingkhraw jong me? Tang ma me hi uba khuid. Baroh ki jaitbynriew kin wan bad mane ïa me, namar ïa ki jingleh bahok jong me la ïohi da baroh.”

JINGPYNPAW 5:10

Me la pynlong ïa ki, ka hima ki lyngdoh ban shakri ïa U Blei jong ngi, bad kin synshar ha ka pyrthei.”